¹ Taita Deuxu tõhõti reare Noe txi kia ibutumy iròdu mahãdu txi kia bera heòtyro ki ratximyhỹreny. Deuxu riwinyre kia yhy ritebonyre su tyre, kia bee ruỹmy rare. ² Kia bera nihikỹ òlònareny kia biuwetyy ijaniela rexiratybònyrenyre. Kia biulòra ixawire, ³ kia 150-my txu bedeu bee ruỹmy rare ywiywi my. ⁴ Kia 17-my txuu debò inatxina ahãdu bedeu bera heòty ruhure Ararate hãwãlò bede ki. ⁵ Kia bee ruỹmy rare, kia sohoji txuu debòituena ahãdu bedeu hãwãlò ratòò jurà ryyrenyre. ⁶ Kia 40-my txu konanau, Noe ijaniela riraynyre kia bera heòty ki riwinyre ⁷ kia rituòsòdỹỹnyre nawii (corvo), kia ruòmy ratximyhỹ bede bede witxiramy, kia riraòmy suu rarubukemy. ⁸ Irahudi Noe rituòsòdỹỹnyre bytòeni kia robikremy txibo suu raruburamy; ⁹ ka bytòeni tahe bedetxi reaõhyyre tamy runykemy kiemy dori suu be-di rahetynymy roimyhỹ. Tai Noe tadebò riterenyre, kia rimyre bytòeni kia risỹnyre bera heòtyro-ò. ¹⁰ Noe ixyby riraore debò inatxi txumy kia ixybyle bytòeni rituòsòdỹỹnyre. ¹¹ Tii doosede txiorotyhymy, kia-diwyde txuhute ki bederade (oliveira) irulỹre. Kawesemy tahe Noe bede rieryre bee ruỹremy. ¹² Kia tii ixyby inatxi txumy riraòre kia ixybyle bytòeni rituòsòdỹỹnyre, kia tahe tii ixyby dòòseõhyyde. ¹³ Kia Noe 600-my iwyra, kia bee su tyre ki roimyhỹ ribi rarubure. Kia sohoji txuu 1° ahãdu bedeu, Noe ritare bera heòty hety kia robire suu rarubumy raremy. ¹⁴ Kia 27-my txuu inatxi ahãdu bedeu, kia suu rarubutyhymy roimyhỹ. ¹⁵ Tai Deuxu rarybere Noe-ò: ¹⁶ —Bòhònyke bera heòtyro ribi ahãwyy wana butumy, ariòre boho wana, ariòreriòrese boho wana, ¹⁷ Kia biòlòdỹỹnylekre ibutumy iròdu mahãdu kia awana rỹirenyreri, kia heka, nawii mahãdu, iròdu mahãdu heto my rỹimyhỹrenyre, iròdu mahãdu bederahymy rỹimyhỹrenyre kia iròdu mahãdu su my rexirurehemy rỹimyhỹrenyre. Kia tii boho rexiubỹtỹnyrenykre ibutumy bede bedemy kia sõemy ijõdirenykre iriòreriòrereny kia suu ritỹxinyrenykremy. ¹⁸ Kawesemy Noe kia tahãwyy wana ròhònyrenyre bera heòtyro ribi, ibutumy tariòre boho wana kia tariòreriòrese boho wana. ¹⁹ —Tule ròhònyrenyre ibutumy iròdu mahãdu kia nawii mahãdu, kia wii ributunymy, kia taijoireny mynamynamy. ²⁰ Noe bede ratòò riwinyre tamy xiwena-di raubenykremy Deuxu Tyhyhykỹ dee. Tii rimyre nawii mahãdu kia iròdu mahãdu wiwi, sohoji sohojimy iòtaòta, kia tahe risõrenyre xiwena wesemy bede ratòò-ò. ²¹ —Kia xiwena lỹnyre Deuxu Tyhyhykỹ tai awimy rahãre, kia tii rõhõtinyre myỹ : Tiu ixyby suu aritxuhòõtyhy iny mahãduraruki, kiemy dori-diarỹ reeryre kia tatỹmyratxihyyle iny mahãdu aõnaõna binabinahyylemy rõhõtinymyhỹrenyre. ²² —Kia tule tiu ixyby wahudurenyõna ibutumy iròdu mahãdu irumy rỹimyhỹrenyre, kia timybo kawesemy rewinyremy. Kia bede rỹimy rarekre wana wana, kia ikiemy rỹimy rarekre alòbrònaty kia rahemy, bedejutàtà wyra kia bedetòtee beòra , txuu kia ruu.