¹ Yesu, buka kala gu kimatina mu nlungu, wusabuka mbu, ye wu yenda ku mbanz'ani. ² Ye tala, ba natina muntu mosi gu zelangana nitu gu kala gu lambalala gana mfulu. Yesu bu kamona minu kiau, zayisi ku muntu gu zelangana nitu: kala kibakala, muan'amu, masuma maku ma lolekele. ³ Mu mana, ndambu yi misoniki ba gogaseni bau ye bau: yo muntu ta finga Nzambi. ⁴ Ye Yesu, bu kazaya ma mbansa mau, zayisi: mudiambi nki lunima ye mabansa ma mbi muna ntiama mienu? ⁵ Kadi, nki diau dina dilutidi dilemvuka, muku zayisi: masumu maku malolekele, go muku zayisi: telema, ye diata? ⁶ n'kiolo, mpasi nde lu zaya nde Muana muntu guna ye lulendu ga ntoto luku loluka masumu: telema, zayisi ku muntu gu zelangana nitu, baka mfulu'aku, ye nda kuna nzo'aku. ⁷ Ye wutelama, ye wuyenda ku nzo'ani. ⁸ Muntangu kibuka ki bantu kimona buna, ba bakama mu bunkuta, ye bakembidila Nzambi, yu wugana ku bantu lulendu lu mpila yina. ⁹ Kuna wuyenda kunda, Yesu mueni muntu wufonga ga kifulu ki mi n'gakusi, ye babokedelengi Matayi. wu ntela: undanda. muntu yuna wutelama, ye wunlanda. ¹⁰ Bonsu buna Yesu wukala ga mesamu nzo, tala, min'gakusi mimbidi ye bantu luzingu lumbi bayisa ga mesa ye yani ye minlongoki miani. ¹¹ Bamfalisi bamona buna, ye bata ku minlongoki: mudiambu dinki nlongi'enu kata dia ye min'gakusi ye bankua luzingu lumbi? ¹² Bukina nde Yesu gu wa, gogedi: ka baka bene ye mavimpi ma mboti ku bena ye m'funu nganga buka, kansi ba Mbefu. ¹³ Nda luenda, ye lulonga bue disongila: Yi monanga kiesi mu nkenda ye kansi ka mu bi menga ko. Kadi kiyisi bokila ba masonga ko, kansi ba n'sumuki. ¹⁴ Buna ba N'longoki ba Yoani ba yenda ga bele Yesu, ye ba goga: mu diambudi nki betu ye ba falisayi tu minanga n'soki, kansi ba n'longoki bauku ka bi minanga n'soki kue? ¹⁵ Yesu u ba vutuledi: ba nduku ba ya yakala ki kuela ba lendi ki kuamisa mu ntangu yakala di kuela kena ye baue? Bilu si bisa bina yakala di kuela si di bakatukala, ye buna si ba mina n'soki. ¹⁶ Ga nkat u muntu lendi tula kitamba ki n'ledi gu mpa mu ki mvuta gu nkulu; kadi si ki nata ndamba mvutu, ye mpakusulu si kala yi mbi ¹⁷ Ka ba tula n'kutu ko ma lafu ma mpa mu n'kalu zi n'kulu; mu mpila nk'aka, zi n'kalu zi budikidi, malafu ma ntiamukina, ye n'kalu zi muangeni; kansi ba tulanga malafa mpa muna n'kalu zi mpa, ye malafu ye n'kalu bi n'lundameni ¹⁸ Bu kakesi ku ba zayisanga mio gogu, tala mfumu mosi u yisa, u fukama ku nn'tuan'ani ye u goga: muan'anu gu n'kentu fuiti fi ntangu fi nduelo fi lutidi, kansi nza wisa, gu ntensika moko, ye ka zinga. ¹⁹ Yesu u telama, ye u n'landa kumosi ye ba n'longoki bani. ²⁰ Ye tala, muana nkentu mosi gu kala ye kuluta ku menga tuka mvu kumi ye miodi u filama ku niama, ye u nsimba nsoki mvuatu'ani. ²¹ Kadi u kesi gogila yani mosi nde: go si yi lenda kaka muku nsimba mvuatu 'ani si yi beluka. ²² Yesu u baluka, ye gogedi, muku m'mona: kala kikesa, muan'amu gu nkentu, minu kiaku ki ku beluesi. Ye yo muana n'kentu gu beluka muna ntangu ya yina. ²³ Muntangu Yesu ka kuma kuna nzo mfumu, ye ka mona mi n'siki mi ma tutu ye kibuka ki kesi sanga ma zu, ²⁴ gu ba zayisa: lukatuka; kadi muana n'kentu kena u fua ko, kansi ta n'leka. Ye bakedi ku seyanga. ²⁵ Luntangu kibuka ki vutaka, gu kota, gu baka koko ku muana n'kentu, ye muana n'kentu gu telama. ²⁶ Mazu ma muangana muna n'lambu wakulu. ²⁷ Mu nkatuka gana, Yesu ba n'landa ku ba mpofi bodi, ba kedi kayanga: gu tu fuila nkenda, Muana Davidi! ²⁸ Muntangu ka kuma kuna nzo, ba mpofi ba finama ku yani, ye Yesu gu ba zayisi: lu kuikidi nde ndendi ganga mana? inga, Mfumu, ba vutuluedi. ²⁹ Buna gu ba simba meso, muku zayisa: manu gangimina bonso buna lukuikilu luenu. ³⁰ Ye meso mau ma zibuka. Yesu gu ba gana lo lutumu lu ngolu: lukeba nde ka muntu ka zaya mau. ³¹ Kansi muntangu ba tuka, ba muangasa nsangu sani mu nsi yakulu. ³² Bu ba kedi kuendanga, tala ba natina Yesu muntu gu kala ye mpefi yi mbi ka kedi goganga ko. ³³ Mpefi mbi bu yi tuka, muntu yu ka kedi goganga ko gogedi. Ye kibuka ki yituka ki goga: mambu ma mpila yo ka ma sa monikaku ku Isayeli. ³⁴ Kansi m'bafalisi ba gogedi: yi mu mfumu yi ma tebo kata kudila ma tebo. ³⁵ Yesu gu kedi n'zietanga mu zi mbanza zakulu ye mu ma gata, muku n'longa mu nzo zi bi sambu, muku n'longa nsangu zi mboti zi Kimfumu, ye ku belusa kimbefu kiakulu ye kifu kiakula ki nitu. ³⁶ Buka mona kibuka, gu mona nkenda mu kiau, mudiambu ki kala ki yoya ye ki konda ki kikesa, bonso ma memi ka mena ye mvungi ko. ³⁷ Buna zayisi ku ba n'longoki bani: ya dinina di neni, kansi bisadi bina bi nduelu. ³⁸ Lu sambula buna N'longi gu ya ka fidisa bisadi mu ya diani.