¹ Muntangu Yezu bu kamanisa ku ba gogila, gu goga ku minlongoki miani: ² Luzeyi nde pasuka si yikala mu bilumbu biodi, ye nde muana muntu si kakabana muku sa nde ka komama. ³ Buna zi mbuta zi nganga zi Nzambi ye zi mbuta zi bantu ba kutakana gana kibansala ki nganga mbuta tu ba nganga zi Nzambi, gu ba bokidilanga nde Kayifa; ⁴ Buna ba yampila mu nki mpila balendi kangila Yesu mu mambu ma luvunu ye ban'gonda. ⁵ Kansi ba goga: kamakadi mu nsungi yi n'kisi il muku sa nde mazu ka makadi ko ga kati ki nkangu. ⁶ Muntangu Yesu gu kala kuna Betenia, muna kati ki nzo Simoni gu belanga kimbefu ki wazi; ⁷ Muana n'kentu mosi gu finama ku yani, gu simba mbungu yi dalibata, yi kala ye mafuta ma n'sunga ma ntalu ngolu, ye muntangu kakala gana mesa, gu tiamuna mafuta ma n'sunga gana ntandu n'tu'ani. ⁸ Minlongoki, bu bamona buna, ba bokuta, ye ba goga: nki m'funu go m'fuilu? ⁹ Buna bu lendakana nde bateka mafuta man'sunga momo muntalu yi ngolo, ye bagana mbongu ku ba mputu. ¹⁰ Yesu bukabamona; gu ba zayisa mudiambu dinki luta muesisa yo muana nkentu mpasi? diambu dimboti kagengi mudiambu di munu: ¹¹ Kadi buluna ntangu zakulu ye bamputu kumosi ye benu, kansi Kalinka ye munu ntangu zakulu ku. ¹² Bu katiamueni mafuta man'sunga mu nitu'amo, luziamu lumunu kagengi. ¹³ Yi ta kilutela bo mukedika, kuakulu zo nsangu zimboti si zikala zi longama mu n'za mvimba, si bagogila mpi ma kuyindula yo muana n'kentu mu mambu makagengi. ¹⁴ Buna yu go mosi gana kati ki ba kumi ye zodi, mu zina di Yuda Iskaliyoti, gu yenda ku bambuta zi ba nganga zi Nzambi, ¹⁵ Ye gu goga: nki kima luzoledi lungana ye si yi luyekudila yani? ye bam'futa m'pata makuma tatu ma mbongu. ¹⁶ Tuka muna ntangu yina, basosa nki nzila yi lendi lenda kana muku sa nde ba yekula Yesu. ¹⁷ Kilumbu lumbu kinteti ki dimpa di konda n'kisi mi kufunisa, minlongoki bayenda ku Yesu mu kun'tela: kue zoledi tuyidikila madia ma Pasa? ¹⁸ Gu vutula: nda luenda kuna mbanza ku muntu mosi ye sa lun'tela: Mfumu bukatedi: ntangu'amo yi finameni; sa yigangila ku kuna ngeyi n'kinsi Pasa ye minlongoki miamo. ¹⁹ Minlongoki baganga mana kabatuma Yesu; ye bakubika Pasa. ²⁰ Nkokila bu yikuma; bafonga gana mesa kumosi ye ba kumi ye zodi. ²¹ Muntangu bakala mu ku dia, gu samuna: yi taluzayisa bo mukedika, yu gu mosi gana kati kibenu si ka ngiekula. ²² Bakuma ye kiadi kifuana, ye konso muntu gu n'tela keti munu Mfumu? ²³ Gu vutula: yuna tudidi koku kuani kumosi ye munu muna kati ki longa, yi yani guna si gu ngiekula. ²⁴ Muana muntu ta kuenda, bonso buna busonama mudiambu di yani. kansi kiadi ku muntu yuna. mudiambu yani muana Nzambi gu yekuka! bulutidi bumboti ka butuka ko. ²⁵ Yuda, yu gu nteka bakidi ndinga ye gu goga: keti munu, Rabi? Yesu gu m'vutula: gogedi bo. ²⁶ Bubakala mu ku dia, Yesu bakadi dimpa; ye kunima kuvutula matondu gu bukuna, ye gu goga ku minlongoki gu samuna: lubaka, ludia, yoyo yi nitu'amo. ²⁷ Gu baka kunima mbungu yi mosi, ye kunima kuvutula matondu, gu ba gana yo, gu samuna: lunua yo benu bakulu; ²⁸ Kadi Momo yi menga mamo, menga ma kangu, mo matiamuka mudiambu di bambidi, mudiambu di kuloluka mu masumu. ²⁹ Yi takulutela bo, si kinua diaka ko tuka bubu dio dibundi di nti gu vinu, nate ye kuna kilumbu ki sa yi nua diaka kumosi ye benu muna kimfumu ki Se diamo. ³⁰ Kunima kuyimbila nkunga, gu yenda kuna mongu gu Olive. ³¹ Buna Yesu gu batela: sa yikala mudiambu di benu kulu, mo mpimpa yoyo, tadi di kutela sakuba; kadi buna busonama: sa yi zuba m'vungi, ye mamemi ma kibuka si ma muangana. ³² Kansi, kunima si futumuka si yi lutekidila kuna Ngalili. ³³ Petelo, bakidi dinga, mudiambu di bakidi kinsunsa kisakuba, si ku sa kala boku mudiambu di munu. ³⁴ Yesu gu n'tela: yi ta kutela bo mu kedika, mo mpimpa yo yigunu, kuntuala nsusu ka kokila si n'yu ntuna nkumbu tatu. ³⁵ Petelo gu m'vutudila: go bufueni nde yi fua kumosi ye ngeyi, si ki kutuna ko ye minlongoki bakulu ba goga mpila mosi. ³⁶ Bu bakatuka gana, Yesu gu yenda kumosi ye bawu gana kifulu kibata bokila Ngetesemani; ye gu zayisa ku minlongoki: lufonga gogo, muntangu si yi galuka ye benu mu ku sambila. ³⁷ Gu baka kumosi ye yani Petelo ye bana bodi ba bayakala ye Bezedayi, ye gu yantika mu kumona kiadi ye mpasi. ³⁸ Buna gu bazayisa: moyu'amo guna ye kiadi ye kuna lufua; lusala gogo, ye luyingila kumosi ye munu. ³⁹ Kunima, bukatama fi bana ba ntambi ku ntuala, gu kigeta ku ntuala luse luani ye gu sambila bonso bu: Se diamu, go buna bu lendakana, yo mbungu yi tanuka ye munu! kansi, ka bonso ta nzodila ko, kansi mana mazoledi ngeyi. ⁴⁰ Ye gu yisa ku mbela ba minlongoki ka kuta baleka, ye gu zayisa ku Petelo: kalulendedi ko mu kuyingila kani ntangu mosi ku mosi ye munu! ⁴¹ Luyingila ye lusambila, mukusa nde kalubue ko mu mpukumunu; Mpefi guna gu kubama mboti mboti, kansi nsuni guna ye kimolo. ⁴² Ye gu galuka mu nkumbu zodi, ye gu sambila bonsu bu: Se diamo, keti ka bulendekeni ko nde yo mbungu yenda kuntama yi konda kunua yo, bika luzolu luaku lugangama! ⁴³ Gu vutuka diaka, ye gu ba wana diaka baleka; kadi mesu magu makala zitu di tolu. ⁴⁴ Gu basisa, ye gu tanuka, gu sambila mu nkumbu yi tatu, gu vutukila bigogu bina kaka. ⁴⁵ Buna gu yenda gana mbela ba minlongoki bani ye gu ba zayisa: luleka bungangi ye lu vunda! tala, ntangu, yi finameni, ye muana muntu ye kukedi ga moku ma ba nsumuki. ⁴⁶ Lutelama, tuenda; tala yani gu ta kungiekula ta finama. ⁴⁷ Bukakala diaka mu ku goga tala Yuda, gu mosi gana kati kibagu kumi ye zodi, wisidi, ye kumosi ye yani kibuka kineni ki bantu bakala ye mbedi ye minti, ba tumama ku ba mbuta zi nganga zi Nzambi ye ba mbuta zi bantu. ⁴⁸ Yani gu n'yekula tu bagana ki kidimbu: yu si yi fiba, ye yuna lu kanga. ⁴⁹ Muna ntangu yina gu finama ga mbela Yesu ye gu zayisa: mboti Mfumu! ye gu m'fiba. ⁵⁰ Yesu gu ba zayisa: nkundi'amo, mawisi ganga, ganga mo. buna bana bantu ba finama, batula moku ku Yesu ye ban'kanga. ⁵¹ Ye tala, yu gu mosi gana kati ki bagu ba bakala ye Yesu gu lambula koku, ye gu gola mbedi'ani, gu zuba n'sadi gu mbuta zi nganga zi Nzambi ye gu nzenga kutu. ⁵² Buna Yesu gu tela: vutula mbedi'aku gana kifulu kiani; kadi bakulu ba si ba gondila mu mbedi si ba fuila mu mbedi. ⁵³ Bu ta yindula kilendi bokila ko Se diamu, yu gu fieti ku ngana kibuka kumi ye zodi ki ba mbasi? ⁵⁴ Bue si bulungila masonama, ma fueti kala bonsu bobo? ⁵⁵ Muna ntangu yina, Yesu zayisi ku kibuka: luisidi bonsu ku ntuala kimpumbulu; kumosi ye zi mbedi ye bibota mukusa nde lukanga munu. yikala bilumbu biakulu gu fonga gana kati kibenu, kulongila muna tempelo, ye ka lu n'kanga ko. ⁵⁶ Kansi mana makulu mayisa mukusa nde masonama ma ba mimbikudi malungana. buna minlongoki miakulu ba n'yambula ye ba lemuka. ⁵⁷ Bana bakulu ba kanga Yesu banata kuna mbuta zi nganga zi Nzambi Kayifa, kuna ba minsoneki ye ba mbuta bakala kimvuka. ⁵⁸ Petelo gu n'landa mu kitamina ye kuna kibansala ki mbuta gu zi nganga zi Nzambi, yu kota kuna, ye gu fonga kumosi ye ban'sadi, mu kumona bue si mamanisina. ⁵⁹ Mbuta nganga zi Nzambi ye ba Saduki basosa bana ba bimbangi bi luvunu mudiambu di Yesu, bifuana mudiambu di ku n'gondisa. ⁶⁰ Kansi kabamona Kia ku; nana buna basonga bimbangi bi luvunu bimbidi. kunsuka bamona bantu bodi bazayisa: ⁶¹ Yani bu ka tela: lendedi mu buisa nzo yi Nzambi, ye tunguluedi yo mu bilumbu bitatu. ⁶² Nganga mbuta gu zi nganga zi Nzambi gu telama ye gu n'zayisa: ku tavutula kima ko? nki mambu muntu yoyo kata funda mudiambu di ngeyi? ⁶³ Yesu gu kala na pi., ye nganga mbuta gu ba nganga zi Nzambi, bukabaka ndinga, gu n'tela: yi ta ku zengila ndefi mu nkumbu yi Nzambi gu moyu, gu tuzayisa keti ngeyi Klisto guna, muana gu Nzambi. ⁶⁴ Yesu gu m'vutudila: ngeyi tedi buagu. ye kulutila, yi ta kulutela bo, si lumona muana muntu gu fonga ku koku ku kiyakala mu lulendu lu Nzambi, ye ta kuisa muna matuti mazulu. ⁶⁵ Buna nganga mbuta gu zi nganga zi Nzambi gu pasula m'vuatu miani, gu samuna: ka ta vueza! nki tulendi kadila diaka ye m'funu gu bambangi? tala luwidi luvuezo luani. bue lumueni? ⁶⁶ Bagu bavutula: lufua lum'fueni. ⁶⁷ Mukikuma kina, ban'tabudila mati kuna luse, ye ban'gana nkomi ye zi mbata ye ba zayisa: ⁶⁸ Klisto, bikula: gu tutela nani gu kuzubidi. ⁶⁹ Muntangu yina, Petelo gu kala gu fonga kuna nzila, gana kibansala. n'sadi gu muana nkentu gu mosi gu finama ye yani, ye gu goga ngeyi mpi, gu kala kumosi ye Yesu muisi Ngalili. ⁷⁰ Kansi gu ntuna ku ntuala bakulu nde: kitabakisa ko mata zola gu goga. ⁷¹ Muntangu kakedi kuendanga kuna mbela muelu, n'sadi gu n'kaka gu muana n'kentu gu mueni, ye gu zayisa ku bagu ba bakala gana: yani mpi gu kala kumosi ye Yesu muisi Nazaleti. ⁷² Gu n'tuna diaka, kumosi ye ndefi: kizeyi yo muntu ko. ⁷³ Ku Petelo: bufueti kala buna nde ngeyi diaka guna gu mosi gana kati ki bo bantu, mudiambu nding'aku yi ta kufunda. ⁷⁴ Gu yantika mu kuyindula ye gu zenga Nzambi: kizeyi muntu yo ku. muna ntangu yina nsusu koku yi kokula. ⁷⁵ Ye Petelo gu bambuka mbundu mu kigogu ki kan'tela Yesu: kuntuala nsusu koku ka kokula si gu n'tuna nkumbu tatu. ye bu katuka gu dila ye mpasi mu mbundu.