¹ Lumingu bu lusuka, mu nkielu yi lumbu binteti ku lumingu, Madiya muisi mangadala ye madiya yu wu nkaka bayenda mu ku tala maziami. ² Tala ntotu wu nikuka mungolu Kadi mbasi mfumu ikulumuka ku zulu, yi yisa ye yikatula tadi, ye yi vonda gana zulu diawu. ³ Mbokani yi kala yintemu ngolu ye binkutu biani bimpembi yi ngolu. ⁴ Ban'kebi ba tita mu bunkuta ye ba kuma bonsu bantu bafua. ⁵ Mbasi yi samuna ku bakentu ye wu batela:«ka lukala ye bunkutaku, dabi monu nzeyi nde benu Yesu luta sosa, yi ba komeni ga kulunsi. ⁶ Yani kena diaka gagaku kansi yani wufutumukini, bonsu buna katela. Luisa ye lutala kifulu ki kalekedi mfumu. ⁷ Luenda munsualu ye luzayisa ku minlogoki miani: «nde yani futumukini ku bafua; ye lutala, yani si ka lutekidila kuna galili. Kuna benu si lumona.» Lutala monu iluteledi mo» ⁸ Buna ba kentu ba katuka ku maziami mu nsualu. Bbawu ba kala ye bunkuta kansi ye kiesi. Bawu ba yenda mu ntinu mpasi ba samuna nsangu zozu ku banlongoki bani. ⁹ Tala, Yesu umonana ye bawu ye wuta:«lukala ye luvuvamu.» Bakentu ba yenda basimba mambu mani ye bansambidila. ¹⁰ Buna yesu wubatela:«kalukala ye bunkuta ku. Lueda luzayisa ku ba mpangi bana baluta kuna galili; kuna bawu si ba mbona.» ¹¹ Mu ntangu ba kento ba kesi kuendanda, tala ndambu minkengi ba yenda kuna mbansa ye bazayisa ku ba nganga zi nzambi mambu makulu ma ba mona. ¹² Mu tangu ba nganga zi nzambi ba monana ye bambuta ye ba sisana mpaka mu mambu momu, bawu ba gana mbongo zi mbidi ku binuani. ¹³ Ye batela:«Luzayisa nde balongoki ba yesu besedingi mu mpimpa ye ba yibidingi ntu ani mu ntangu benu lukesi lekanga. ¹⁴ Go mambu monu makumini ku n'yadi, betu si tulemba ye si kukatula bonsu tumbu ki ka lendi ku lugana. ¹⁵ Buna binuani ba baka mbongo basala makulu mana ba bazayisa. Mazu mana ma muangana ga kati ki ba yudeya makini na te lumbu ka lumbu. ¹⁶ Kansi minlongoki kumi ye mosi ba yenda kuna ngalili, kuna munti wuna ka basonga yesu. ¹⁷ Mu ntangu bawu ba mona yesu, bansambidila kansi bankaka bakala ye keti keti mu ntima. ¹⁸ Yesu ufinama ye bawu, wuta ku bawu:« kimfumu kiakulu bangeni kio tuka kuna zulu ye ga ntotu. ¹⁹ Luenda, lukumisa makanda makulu minlongoki, lubabotika ma nkumbu se, mwana ye mpevi ya n'longu. ²⁰ lu ba longila bazitisa makulu ma yi lutuma. ye lutala monu si yikala ye benu ntangu zakulu, na te ye kuna nsukulu yi nza.