¹ Momisi yo Yohana mubatizi ariyayichire na hubiri mu mbande tshoshe tsa Yudea agamba, ² Mukihane kubera bwami bo mwijuru ni hofi. ³ Kubera uno ariyagambirwe na namuhanutsi Isaya nagu gamba; murenge gwa mundu yo hamagarwa mu jangwa, mukwitse enjira ya Mana, mukwitse yo.

⁴ Yohana abaga nayambere byoya bya ngamiya na mukaba gwa ruhu mo mbindi yiwe, Biryo biwe byaribiri nzige na buki bwa syamba, ⁵ Kandi Yerusalemu, yuda yeshe na handi handu hoshe habaga ni hazungurukire mugezi gwa yorodani baya kwawe. ⁶ Babaga na babatizwa mo kipfo kya yordani na bakihana byaha byaho.

⁷ Ariko abere areba bana bandu ba babafarisayo na banadukayo bayiche batizwa, abwira bo, “Imwe mwemuryango gwa njoka gwa burotsi inde wabahanire iribita kihano kikayicha? ⁸ Mubute matunda gagabahema mbabazi, ⁹ Mutatekerezage ne gambana hakati wenyu, tufite Abrahamu ye data wetu; kubera ambabwira Mana na yangashobora ikihangana Ibrahimu bana kwiva momabuye gano. ¹⁰ Buno ishoka yame mara ibikwa ku mizi ya kiti, None kira kiti kitabuta matunda meja kikwirire ne tupwa mumuriro,

¹¹ Ambabatiza na mechi kubera ibabarirwa, Ariko yeno uri mweyicha inyuma yani ni mukuru kwi tusumba idjyedjye nadjye ndabushobotsi bwehika ne kora ko birato biwe yeno ebatiza mu Muka Wera gukyere na muriro. ¹² Na ndara yirimomaboko giwe kwi hanagura ekindu kiwe ne runda embuto ye ngano mo kigega, Ariko akatwika ebisigaritswa mumuriro gutikahende tsima.”

¹³ Aho Yesu ayicha naturuka igariraya nagenda ku mugetsi gwa yorodani ibatizwa na Yohana, ¹⁴ Ariko Yohana arashakire na agamba ngo “Ingyeye anjaka ibatizwa nawe, nawe oyicha kwawani” ¹⁵ Yesu amusubiza agamba, “Mbwire bibe utyorero, kubera niko abituhema imara kuri koshe.” Noneho Yohane amwemerera.

¹⁶ Abere akibatizwa, Yesu ashoka nava momechi areba, ijuru yafungurwa kubera ye, Areba Muka Wera gwa Mana gwa teremuka ku rubwereko rwa numa ne hagarara iruguru yiwe. ¹⁷ Reba, ijwi yava mwijuru nayigamba, “None ni mwana wani ye ngundire, Urangisimire kyane.”