¹ Kitabo kya bugingo kya Yesu kristu mwa wa Daudi mwana wa Aburahamu. ² Aburahamu ni she wa Isaka, na Isaka nishe wa Yakobo na Yakobo nishe wa Yuda na Banyakyabo. ³ Yuda nishe wa Peresi na Sara kwa tamani, Peresi nishe wa Hezeroni, na Hezeroni nishe wa Ramu. ⁴ Ramu nishe wa Aminadabu, Aminadabu nishe wa Nashomi, Nashomi nishe wa Salimoni, ⁵ Salimoni ni ishe wa Boazi kwa Rahabu, Bohazi nishe wa Obedi kwa Ruta, Obedi nishe wa Yese, ⁶ Yese nishe wa mwami Daudi, Daudi ishe wa Suremani kumukatsi wiwe Uriya. ⁷ Suremani ishe wa Rehoboamu, Rehoboamu nishe wa Abiya, Abiya nishe wa Asa, ⁸ Asa nishe wa Yehoshafati, Yehoshafati nishe wa Yoramu, yoramu ishe wa Uzia. ⁹ Uzia nishe wa Yothamu, Yothamu nishe wa Ahazi, Ahazi nishe wa Ezekiya, ¹⁰ Ezekiya nishe wa Manase, Manase nishe wa Amoni, Amoni nishe wa Yoshua, ¹¹ Yoshua nishe wa Yekoniya na bagara babo, ekihekyo babaga nabagenda mu Babari.

¹² Nenyuma ye genda na baya mu baberi, Yekoniya nishe wa Shatieri, Shatirli nishe wa Zarubaberi, ¹³ Zarubaberi nishe wa Abiudi, Abiudi ni ishe wa Eliakimu, Eliakimu nishe wa Azori, ¹⁴ Azori nishe wa Zadoki, Zadoki nishe wa Akimu, Akimu ni ishe wa Eliudi, ¹⁵ Eliudi nishe wa Eliezi, Eliezi nishe wa Matani, Matani nishe wa Yakobo, ¹⁶ Yakobo nishe wa Yusufu, murume wa maria niniye wa butaga Yesu Kirisitu.

¹⁷ Omuryango goshe, ituruka ku Ibrahimu igetsa ku Daudi ni muryango gwe kumi na kane, ituruka ku Daudi igetsa kihe kya baberi ni muryango gwe kumi na kane, ituruka ku muryango gwe baberi igetsa kwibutwa rya Kirisitu naho ni muryango gwe kumi na kane.

¹⁸ Ibutwa kwa Yesu Kirisitu byabaga utya, Nyina Maria, aganitswaga na Yusufu, ariko babaga ni batatsi bahura haguma, byarebekana kwafite bukure kumbaraga tsa Muka Wera, ¹⁹ Muru wiwe Yusufu arafite kyizere, kubera ari yayangire imutetsa shoni murubanda, ahitamo iyange muganitsa mubanga. ²⁰ Abere akitekereza ko magambo gano maraika amuyichira mu Biroto, Agamba yusufu mwana wa Daudi, utayubahaga ifata Maria, kimwe nga mukatsi wawe, Kubera obukure bwafite nikubushake bwa Muka wera, ²¹ Akabuta mwana wa mutsana, kandi akamuruka tsina rya Yesu, kubera akakitsa bandu bewe ne vanabo mu byaha byabo. ²² Ebyoshe'bi byameyicha ku byagambwaga na Mana kunjira ya muhanutsi nagamba, ²³ Reba mukobwa utechi murume akahaheka bukure no mwana bakamuha tsina rya kandi Emmanueri ri sobanwire,” Mana haguma natwe.” ²⁴ Yusufu abatuka na va mutiro, nekora byo marayika ya megamba, amufata nga mugore wiwe, ²⁵ Kuva Ekihechyo, atari ya ryamire naye igetsa kihe kye buta omwana amuha tsina rya Yesu.