¹ Mogee geaho yoani bolufisi aa nena, olaisa goete gesobe ge yuda. ² Ebeende mbo: kokodjei baofi, po dje bokonji bo lola bongae bagu. ³ yoani engale oga beaa yisaya, basaoli, go beege: angale liogi li aga bima goete gesobe: Longanyei ndole dje ngene, Batata djei tolole toande.

⁴ Yoani nde la tulu dje fuu dji nama, la bokaba bo mboso dji nama mo bolo. Embende mola bakelele la boge. ⁵ Baito ba yelusaleme, yuda botubu al bikolo bi go ngonga dje yaladene, Beende gongale ge. ⁶ La obea obe bwabo, be lufiame nde laa nde goete lodje loteu lo yaladene.

⁷ Indi mbo, Goene ge geage bafalisai loa ba sadukai, Aa bea laabo: Litinga li fele, ndi abegese enu mbo bokimei ligege liangodja? ⁸ Lagalo botei tuma tolo to nagle la abalayama Ise aiso! Po dje nde bea laino mbo twe totale te Iongiaongia egelane ofaa bana la Abalayama. ⁹ La ndoo bea moete ago: Tongale la Abalayama Ise aiso! Po djende bea laino mbo twe totale twe Iongiaongia egelane ofaa bana la Abalayama. ¹⁰ Ikomba dja so tama motina djikoko: Ikoko itubu aiti mota tuma talo itinyama nde la otama go djimbe.

¹¹ Emi, djeende lufienu la badje, po dje okokdja baofi; kasi aga dja go mbisa djai engae la ofia oetemi, la ifa gelane o bata bilato biande. Ge, elufiendenu la boenda bwelu la djimbe. ¹² Engai la lungu modjogo; Eogola nde mbuke djaande, la esonga nde basangu goete liuta. kasi ehumba nde bingi goete djimbe aiti mo liega.

¹³ La galo, yesu a otoga go galiyaya aa go yaladene gongale yoani, mbo alufiege. ¹⁴ Kasi yoani ati lembe, Ge mbo: Emi na gelane olufiama laago, la boende djaale gongalemi! ¹⁵ Yesu aesha mbisa: Siya mongale galo la bwina, po mogelane mbo to djalese mongale loongene. La yoani ati fee ale.

¹⁶ Gobatiseme yesu, Aa nena go badje. Letaa, lola loa lifoga, la aena boenda bo Iongiaongia osuluga go liolo bo Gebenga. ¹⁷ Leta, liogi ototoga go liolo lia bea mbo; Ono engale bona gai ga oboto, dje sagele laande angandju.