¹ Yes ebotamende go beteleme ye yuda, go geleko ge bokondji Elode, letei baito babweli batoga go gegnenelo ge bwina go yelusaleme. ² Ebee nde; goni a gae Bokonji bo uda agaumo obotama? Pombo toene nde isoesoe ya ande go ge twegelo bo bwina, momoo ayeesu go inamela ge.

³ Bokonji Elode, goe ge galo, Alulungana, la yelusaleme laa ge. ⁴ Geo go asaganya beumi belene bitubu la bakomeli ye baito, laa geo goo tudja bo gesee a gengo botama kilisito. ⁵ Abea labo: Go beteleme ye uda; laa letei mosile gosina kanga ye mungu. ⁶ La, age, Beteleme, Nele ye yuda, bwago ena mbo bongale okee goete bei belene be yuda, pombo goete yango nde amo twenga bokondji bomoo agaa yoo ngomanya Isalaele, baito bay.

⁷ AgoElode etende a gio baito ba bweli, bauya lisosoli ga ngae bompo yebekolo liambe isoesoe ongala. ⁸ kombisa atoma boo go beteleme, obae: keeyi mpe bosleyi mboli ilo mpo ye bona bolome ga boke; gwa ngoenenu ge, yabegisei mpo yembo iyee ambwale emi laene go faa ge lokuku.

⁹ Gombisa yeowa bokonji bobo baa go, leta isoesoe ai yene bo go chongelo bo bwina oenda kopelo yabo tee gaige tii goliolo ye gesee age mbe bona boke, mwaemala. ¹⁰ Gaenabo isoeso, baowa gelemo buwe. ¹¹ Bagota gombele, bayena bona boli la inango ande Maliya, baenamela ge la opage luma, bobo balibola gemamelo giabo gee bioto, bobo bapa homolo, paka la malasi. ¹² Gombise h bobo baa bea mbo batoale mbisa gwangae Bokonji Elode baetee andole yasina mpo yoiga go iuya ya bo.

¹³ Geleko agee bo, oleta anjelu bo mungu enee nde sema obeisa yosefu, mbo emala, osa bona la inango gande, keyaa abo go Ejipito galiese tee ebengi she age, mpo Elode Esila nde bona boli mpo yolowa bo. ¹⁴ yosefu aemala, la batotonga go ejipito. ¹⁵ engae nde go tii agalo angbe bokonji Elode, mpo yembo baogi babee ngeene akanga ye mungu bakokisamee: yetende bona gai ototoga go Ejipito. ¹⁶ Goene Elode galo gombo baaitaage abaito ba bweli, gioho atoma mbo baloe bana ba bilanga biele la oeta hoo abambe go Beteleme, la goete toasina, ogiabeebo abaito babweli. ¹⁷ Ogalo abee jelemi, kanga ye mungu. ¹⁹ Gee gengbe Elode, Ajelu bo ngene aanenela yosefu go Ejipito. ²⁰ Geoho abea: Emala bwago, osaa boona ga boke la inango wande, bobo baa go yisalaele, mpo yembo obambe mosila olowa boona baangba. ²¹ yosefu ohoo aemala, geoho aosa bona ga bokee la inango ango ande, boo ba goo iyula bo yisalaele.

²² Mpo yembo gee geowe ge mbo Alkelausu mobokondji bwande go tie yuda gesee geElode, Ise gande, ebange nde owa go; l olubanesa la boenda goeta sai, ko ebinoga mbisa goeta iuya yi Nasaleta, mpo yembo liogi liaho likokisame abaogi ababee kanga ye mungu: Etoma nde boto ga nasaleta.