¹ Mwindangagha mukukita bisogha buno muloleke ko na bantu, ndi ubo tamukeleshibwa indigho na Tata winu weli mw'ighulu. ² Gha ukutucha lukaso, w'ipilaghe mu tolompeta, anga bubo bukukitagha bengelele mu masinakoki nu mu milungu, buno batatwe na bantu. Nababula bulili, bite indigho lyabo. ³ Tondo gha ukutucha lukaso, kuboko kobe kw'ikashi kumanaghe bikukita kw'indume; ⁴ buno lukaso lobe lukitwe mu lubisobiso; nu So u kulola mu lubisobiso aka kukulukisha lo.

⁵ Ndi ukusegha, ubaghe anga mwengelela, bakushima kusegha bakwimalimala mu masinakoki nu mu milungu buno baloleke ko na bantu. Nababula bulili bite indigho lyabo. ⁶ Tondo ndi ukusegha, ingila mu chumba chobe, ighala lumbi, nu segha So uli mu kishiki cha lubisobiso; nu So ukulola mu lubisobiso, akakukulukisha. ⁷ Mu kusegha, utendaghe bitondo bingi bya tughutughu, anga batakatisha, bakulenganya buno ku bwingi bwa bitendo u kubakongwibwa. ⁸ Ntususane nabo; kubuno So winu akumana bimwite nabyo nkasa, nu ntumumusegha nenshi. ⁹ Lola bu mwemana kusegha: Tata witu weli mw'ighulu! Ishina lyobe litatwe; bukota bobe bushwe; ¹⁴ Ndi mwashighilila bantu bwaghi bwabo, So winu weli mw'ighulu nuwe akabashighilila; ¹⁵ Tondo ndi tamwashighilila bantu, So winu ntakabashighilila bwaghi bwinu.

¹⁶ Ghongwa mwinania indya, mwindoshaghe anga bite bongwa, anga bengelele, bakwindosha ku bantu buno binanishe indya. Nababula bulili, bite indigho lyabo. ¹⁷ Tondo ndi winania indya, bongya itwe lyobe mwambo nu ogyha malanga, ¹⁸ buno unindosha ku bantu buno winanishe indya, tondo kuli So weli mu kishiki cha lubisobiso, nu So u kulola mu lubisobiso aka kukulukisha.

¹⁹ Tamwinkusumanyaghe butumba mu kisi, mweli kaghembe nu nkisa sa kubigywa, nu bimbi bakubuya numba nu kwimba; ²⁰ Tondo mwinkusumanishe butumba mw'ighulu, kuteli kaghembe nu nkisa sa kubibighya, nu bimbi tabana buya numba nu kwimba. ²¹ Kubuno gha gheli butumba bobe, u ghakaba nu mutima wobe.

²² Liso u tala sa mubili. Ndi liso lyobe lyanaka, mubili wobe unsai nti wenga; ²³ Tondo ndi liso lyobe lyasamba, nti mubili wobe unsai ukaba mu bulimaswa. Ndi lino chengeshi cheli muwe cheli bulimaswa, bulimaswa ubo bukaba bunene!

²⁴ Takuli muntu una kitila bakota babili nkashi. Buno akasomba umoi nu akashima ungo; ali akakomya n'omoi nu akenegha ungo. Ta munakosha kukitila Ghongo nkashi nu Musumbu wa butumba.

²⁵ Uchasula nkubabula: Ta mwighanieghaniaghe ku bya kalamo kinu buno mwalye ki, ali ku bya mubili winu, buno mwashwale ki. Kalamo ta kaghimba indya, nu mubili tawaghimba nshulu? ²⁶ Mulole ku tusoni mw'ighulu; tatukushika, ali kukana, nu tabakukunsumanya kena mu nshi; Nu so winu wa mw'ighulu akusighelesha indya (akusilisha). Tamwaghimba to? ²⁷ Nai ku benywe kutingila kwighanyaghanya kwaghe, anema kw'inkusha?

²⁸ Nu ki chasula mwighanyaghanya ku bitondo bya nshulu? Mulole bukukula maluba mu maswa; ta makukita nkashi ali kunuba; tondo ²⁹ nkubabula Solomono w'inene mu lukumbu lwa bukota bwaghe, ntashwalile anga mo. ³⁰ Ndi Ghongo akushwalicha bisughu bya maswa, byeli gho buno busi, nu munindu nti byalekelwa mu kaya, nta kabashwalicha busogha benywe bantu ba lukatisho lukeke? ³¹ Mwighanieghanie lingo, nu mu tendendaghe: Ki kitwalye, ki kitwanywe nu ki kitwashwale? ³² Kubuno ebyo bikai binsai batakatisha u bakubilonda. So winu wa mw'ighulu akumana bimwite nabyo nkasa. ³³ Kubusho na binsai, mulonde bukota nu bulili bwa Ghongo; nu binsai mukeleshibwa byo. ³⁴ Mwimbushaghe ku bya munindu; kubuno munindu indondele byaghe w'inene. Na busi na bitondo byaghe.