¹ Yesu yivulwa mu Betselehemu yi Vuyuda tsinyinga tsya Herode mwami, hensa, vacheri varhula ivukwi ni vatukha Yerusalemi ni vareva. ² "Ali hena yivulwe mwami wa Vayuda? Shichira khuloli ing'ereng'ani yeye ivukwi, na khwitsi khumusikamira. ³ Lwa Herode mwami yahulira yaka yahenda, halala na Yerusalemi yosi. ⁴ Herode yavunjeritsa vasalisi vakali vosi, na vahandichi va vandu navarheva, "Kristo alivulwa hena?" ⁵ Vamuvolera mu Betselehemu yi Vuyuda, khuli kahandikwa nu muporofeti;

⁷ Herode yalanga vacheri hivisu navarhevelitsa inyinga yi ing'ereng'ani yalolekha khuvo. ⁸ Yavarhuma khutsya Betselehemu; navola, mutsyi mukhaviritse mwana, mwakhamunyola munderele likhuva, khaandi inse nditse khumusikamira." ⁹ Lwavali vakhamala khuhulira mwami, vasimukha ni vatsya, na ing'ereng'ani yavali ni valoli ivukwi yavimirira khaandi yitsa ni sinjira hu mwana yali. ¹⁰ Lwa valola ing'ereng'ani vayansitswa nu vuyansi vukali. ¹¹ Vamanya ni vinjira munsu nivalola mwana na mama wewe Mariya, vamusikamira, ni va voholola mavikhilo kavo, niva muha vihanwa; itsahabu, shimuli na manemane. ¹² Nyasaye yavakaya mu maloro, vavule khukalukha wa Herode, valonde khunjira yindi yukhukalukha mu shivala shyavo.

¹³ Lwa vali vakhatsya, hensa ingerosi yu Mwami ya lolekha khu Yosefu mu maloro, na mu volera vukha uvukule mwana na nyina wewe, mwirukhire Ekepeti, mu menye yo khutukha lwa ndimuvolera lwa mu kalukha, shichira Herode akhavanga mwana amwire. ¹⁴ Yavukha na vukula mwana halala na nyina wewe mu vutukhu, ni vatsya Ekepeti. ¹⁵ Vamenya yo khutukha likhutsa lya Herode, katukhe khurwekhitswa kavolwa nu Mwami khuvirira mu muporofeti, khuvola, "Khurhula Ekepeti nanji mwana wanje."

¹⁶ Lwa Herode ya lola umali khukatwa na vacheri, yitsula vurhima narhuma vasikali, vatukhe khwira vana vishiyayi vosi vali mu Betselehemu vyi mihika chiviri anoho hasi nu mutsisomo tsyosi khulondekhana khurhula khu inyinga ya vacheri vali niva muvolera. ¹⁷ Kamanya karhwekhitswa kavolwa nu muporofeti Yeremia, navola, ¹⁹ Lwa Herode yakhutsa, hensa, ingerosi yu Mwami yalolekha khu Yosefu mu maloro aali Ekepeti. ²⁰ "Vukha na uvukule mwana na nyina wewe, utsi mushivala shya Isiraheli, yavo vakhavanga liva mwoyo lyu mwana vamali khukhutsa." ²¹ Yosefu ya vukha, navukula mwana na nyina wewe ni vitsa mu shivala shya Isiraheli. ²² Navutsa lwayahulira Arkelao neye yali ni yamihanga Ivuyuda, ha vukono ha ise wewe Herode, yarhia khutsyayo. Nyasaye lwayali na mukayi mu maloro yavirha natsya Igalilaya ²³ Ni vamenya mu litaala lyalangwa Nazaleti. Yaka karhwekhitsa kavolwa khuvirhira mu vaporofeti, ndi alalangwa Munazaleti.