¹ Shitabu shyu Luvamba lwa Yesu Kristo, mwana wa Daudi, mwana wa Aburahamu. ² Aburahamu yali ise, neye Isaka yivula Yakobo, neye Yakobo yivula Yuda, na vamwavo veve. ³ Yuda ni yivula khu Tamala Peresi na Zera, Peresi niyivula Hezeroni, neye Hezeroni niyivula Ramu. ⁴ Ramu yivula Aminadabu, neye Aminadabu yivula Nashoni, neye Nashoni yivula Salumoni. ⁵ Salumoni ni yivula Boasi khurula khu Rahabu; Boaz yivula Obedi khurula khu Ruth; Obedi yivula Yese. ⁶ Yese yali ise wu Mwami Daudi, neye Daudi yivula Solomoni khurula khu mukhali wali wa Uria. ⁷ Solomoni yivula Rehoboamu, na Rehoboamu yivula Abiya, na Abiya ni yivula Asa. ⁸ Asa yivula Yehoshafati, na Yehoshafati yali ise wa Joramu, na Joramu yivula Uzziya. ⁹ Uzziya yivula Jothamu, na Jothamu ni yivula Ahazia. Na Ahazia ni yivula Hezekia.

¹⁰ Hezekia yivula Manase; na Manase ni yivula Amoni; na Amoni ni yivula Yosia; ¹¹ Yosia yivula Yekonia na vamwavo veve inyinga ya vahirwa muvuhambe Babiloni.

¹² Lwavahirwa muvuhambe Babiloni, Jehokania yivula Shelitieli, na Shelitieli yivula Zerubabeli; ¹³ Zerubabeli ni yivula Abiudi, na Abiudi ni yivvula Eliakimu, na Eliakimu ni yivula Azori.

¹⁴ Azori yivula Zadoko; na Zadoku ni yivula Akimu, na Akimu ni yivula Eliudi.

¹⁵ Eliudi yivula Eliazari, neye Eliazari niyivula Mathani, na Mathani niyivula Yakobo; ¹⁶ Yakobo yivula Yosefu: musatsa wa Malya yivula Yesu ulangwangwa Kristo.

¹⁷ Makhula kosi khurhangila khu Aburahamu khutukha khu Daudi ni makhula likhomi na kane; khurhula khu Daudi khutukha khu inyinga yu khuhirwa mu vuhambe vwa Babiloni ni makhula likhomi na kane; khurhula inyinga yu vuhambe vwa Babilonia khutukha khu Kristo ni makhula likhomi na kane.

¹⁸ Livulwa lya Yesu Kristo lyali khuli ndi. Mama wewe, Maria, yali yasererwa na Yosefu, navutsa nivashishiri khwitsa halala, yanyolekha nali inda khu tsingulu tsya Roho Mutakatifu. ¹⁹ Navutsa Yosefu, musatsa wewe yali mundu mulunji, na shiyenya khumuha tsisoni imberi wa vandu tawe, yenya khumulekha kalaha. ²⁰ Lwa yali na kanakananga khu makhuva yaka, hensa ingerosi yu Mwami yalolekha khuye mu maloro, na muvolera, "Yosefu mwana wa Daudi, ukharhya khuvukula Malya khuli mukhali wowo tawe. Shichira waverekhwa muye yaverekhwa na Roho Mutakatifu. ²¹ Alivula mwana muyayi, lirha lye ulamukulikha Yesu, shichira naye yitsa ahonyinye vandu khurhula mu vwoni vwavo." ²² Yaka kosi kakholekha khurhwekhitsa kavolwa nu Mwami khuvirhira khu muporofeti; ²⁴ Yosefu lwa yavukha khurhula mu tsindolo, na khola khuli ingerosi yu Mwami ya muvolera; namuvukula khuli mukhali wewe. ²⁵ Navutsa shiyamumanyakhu tawe khutukha lwa yamala khwivula mwana muyayi; namukulikha lirha lyelye Yesu.