¹ Lwa litukhu lilisabato liali niliviri, asubuyi litukhu liukhuranga lilisitsa, mariamu makatalena, nende mariamu wundi, viitsa khulola shilindwa. ² Lola khandi shivala shiatechela vutinyu, khandi injelosi ya Nyasaye yiikha khurula mwikulu, nikolongominya lichina liali khushilindwa nilirulakhu, niyikhalakulio. ³ Khandi mumoni mwinjelosi mwang' a ng' a kuli luheni, khandi tsinguvu tsie tsiali tsindavu muno khuli majina kimbarafu. ⁴ Khandi vasikhali vaali nivalindi vatechela nuvurii vunyishi nivavwa tsingulu nivashinda nivava khuli vandu vakhutsii. ⁵ Nalwo lwa injelosi yavolela vakhaliavo, mwakhavi nuvuriitawe, shichila manyi mukhava Yesu uvambililwi. ⁶ Shiali hanu tawe yisimushi khurula mushilindwa khuli yaali niyavoola. Hambi mulole ha Mwami wenyu avele navishilwi. ⁷ Simushi mutsii vwangu khuvolela veechi ve, yisimishi khurula mushilindwa. Khandi yimiili khutsia kalilaya. Mulamulola iweneyo; inzi mali khuvavolela.

⁸ Vamanya varulao nivilokhokanga nivali nuvuri khandi nivitsuli vuyanzi, nivatsistanga khuvolela veechi ve. ⁹ Khandi lola Yusu yavukana navo khunjila nivatsitanga, "navaha milembe!" Lwavamulola vatsia nivamukumila muvilennje vie nivamusikamil. ¹⁰ Nalwo lwaYesu yavavolela, "mwakhavi nuvurii tawe, tsii muvolele vamwavo vaje viitse kalilaya. Naho wakhutsitsa khuvukanila."

¹¹ Khandi lwa vakhali yavo vaali nivatsitsanga, lola valala khuvasikali vaali nivalindi hashilindwa, vatsia mulitaala nivavolela vimilili vavasalisi vindu viosi vikholeshe. ¹² Nalwo lwa vimilili vavasalisi valanga vasakhulu nivapanga shiavanyala khukola, vamanya nivavukula mangondu manyishi nivaha vasikali. ¹³ Nivavavolela, "mutsii muvolele vandu, veechi va Yesu vitsi vutukhu valahuva mbili kwuekwue, lwakhuvele nikhukonanga; ¹⁴ Khandi niiva makhuva yaka anyala kukahulila khulatsia khulomolome naye, khandi shindu shiosi shinyala khuchila muve nuvurii khutsitsa khushirulitsao." ¹⁵ Khulwa yako vasikali valinda hashilindwa vavukula mang' o ndoako nivakhola kuli vaali nivavolelwi. Makhuva kenako kalanda ivuyaudi wosi khali nunundi.

¹⁶ Nikhali veechi va Yesu vatsia kalilaya, khushikulu shia yaali navavolele. ¹⁷ Lwa vamulola, vamusikamila, nikhali veechi valala vaali nuvurii. ¹⁸ Yesu yiitsa wavali nivali, nalomoloma navo navavolela mbelelwi vunyali vwoosi mwikulu nende mwilova. ¹⁹ Khulwa yako tsii havundu hosi mushivala mulombe vandu voosi khuva veechi vanje, muvabetise khulira liatata, nu mwana, na Roho mtakatifu. ²⁰ Muvekitse, valonde shiashindu shiosi, khuli nali navavolela mukhole. Loli inzi ndinamunyi khutukha mulimalilikha lishivala"