¹ Paruvede ndoro varongwa avaya kwaJesusa nakughamba, "Are wamunenepo mughuntungi wamuliwiru?"

² Jesusa ayita kwanaghumwendi mwanuke wamudidi, kumutura mukatji kavo, ³ mukura aghamba, "Vya shiri nakumutantera anwe, nkwandi ngamukutjindje nakukara yira mwanuke wamudidi, anwe ndi kapi ngamu kangena munghuntungi wamuliwiru. ⁴ Mposi, kehe uno wo kukudidipita mwene yira uno mwanuke wamudidi uye ndje wo munenepo mu untungi wo muliwiru. ⁵ Kehe uno wakutambura mwanuke wamudidi yira ghuno mulidina lyande ame atamburanga.

⁶ Ano ngoli kehe uno wakurenkita umwe wavano vavadidi umwe apuro mwande adjone, hasako tupu kukwendi ashi limuwe lyalimunene valimumangerere muntingo yendi, ntani ashi ghuye aka dame nalyo mulitondo lyalifuta. ⁷ "Ani nani ghudjuni ghuno mukonda yamapukito! Vya kara hepero ashi ogho mapukito kuya! Ano ngoli ani muntu kupititira ogho ayitango ogho mapukito! ⁸ Ntjene lihoko lyoye ndi lighuru lyoye kuna kukurenkita ghu puke, liteteko makura livhukume litunde koye. Hashako ove kungene muliparu nashironda ndi shirema kupitakana kuvukumina mumundiro wanaruntje nakukara mahoko maviri ndi maghuru maviri. ⁹ Ntjene lintjo lyoye kuna kukurenkita ghu puke, lidokoremo nakulivhukuma litundeko kukoye. Hashako ove mukungena muliparu nalintjo limwe kupitakana kukuvhukumina mulivango lyalidjonaghukiro mumundiro nakukara namantjo naghantje.

¹⁰ Kenga ashi ove kapishi kupukita kehe ghuno ghumwe wavano. Morwa ame kuna kughamba kukwenu ashi muliwiru vaEngeli vavo kehe pano kukenga kushipara sha vavava wamuliwiru. ¹¹ Mposhi mona muntu aya popere ovo vakombano. ¹² Vinke muna kughamba? ntjene kehe ghuno akara nandjwi lifere limwe, makura yimwe yavo yikombanepo, kapi ngashuva edi dimurongo ntani pandundu nakuyenda aka papare yimwe yinya yina kombano? ¹³ Ntjene ana kayiwana, vya shiri ame nakughamba kukwenu, ghuye ngahafa ghunene kupitakana po dinya dimurongo ntane edi dadiro kukombana. ¹⁴ Muntjira ya kukufana, kapishi mpangera yashenu wamuliwiru ashi ghumwe wavano vavadidi akombane.

¹⁵ "Ntjene ghunyoye ana kudjono, yenda nakumu shwenena pakatji koye ntani naye panrtjendi. Ntjene ghuye ana kutegherere ve, ghuye ngakara ghunyoye. ¹⁶ Ano ngoli ghuye ntjene kapi ana kutegherere ove, ghupako ghumwe ndi vavira vamwe kumwe nove mposhi tukanwa tuviri ndi tutatu ghumbangi kukehe nkango yakuvhura kutokora. ¹⁷ Ntani ntjene ghuye ana shwena kutegherera kukwavo, tantera ghudito kunkirishe. Ntjene ghuye nka ana shwena kutegherera kunkirishe, murenkenu akare kukwenu yira muhedana ntani mufutiti mutero. ¹⁸ Vya shiri nakughamba kukwenu, mkehe vino vininke vamanga palivhu ngava vimanga muliwiru, ntani kehe vino mumangurura palivhu ngava vimangurura muliwiru. ¹⁹ Ntani nka ame kuna kumutantera anwe, ntjene muvaviri anwe muna kuyuvhu palivhu kuhamena kehe vino mupura, ngava vimuruwanena vavava muliwiru. ²⁰ Morwa kulivango lyavaviri ndi vatatu vanapongo mulidina lyande, kunya ame mukatji kavo nakaranga."

²¹ Makura Peturusa aya nakughamba kwaJesusa, "Hompa, rungapi ghunyande a ndjono me rwakumughupirapo ghuye?

²² Jesusa aghamba kukwendi, '" Ame kapi nakutantera vikando ntambiri, ano ngoli dogoro dimurongo ntambiri na ntambiri. ²³ Mposhi ghuntungi wamuliwiru kwaghufanikitanga kwaHompa a shanino kuyivilita makongo ghendi kuva kareli vendi. ²⁴ Apa a tamikire kuvarura, mukareli ghumwe oghu amu korotiro mayovi murongo haranda. ²⁵ Ano ngoli pashirugho osho ghuye kapi a kalire nevi vyakufuta, muhona wendi a murawiri mukumughulita, kumwe namukamali wendi ntani vana vendi navantje evi akalire navyo, ntani amana kufuta makongo ghendi. ²⁶ Makura mukareli aghu, kutongamena kumeho yendi, ntani nakughamba, "Muhona, kudidimike tupu name, ntani ame ngani kufuta navintje.' ²⁷ Makura muhona wamukareli, ano ghuye ayi muyura nkenda, amushuvu nakumughupirapo makongo ghendi. ²⁸ Ano ngoli ogho mukareli ayendi ntani kukawana ghumwe wamukareli ghunyendi, oghu amu korotiro lifere limwe lyavisenta. Ghuye amukwata pamulighu nakughamba, 'mfute me evi wa nkorota.'"

²⁹ Ano ngoli mukareli ghunyendi aghu nakumushungida ghuye, nakughamba, 'Kudidimikire name, ntani ame ngani kufuta ve.' ³⁰ Ano ngoli mukareli wakuhova ashwena murupe ghuye ayendi nakumuvhukumina mudorongo dogoro ghuye ngamufute evi a mukorota. ³¹ Apa mukareli ghunyendi a monine evi vyashorokiro, vavo ava guvhu ghunene. Avaya nakutantera muhona navintje evi vyashorokiro.

³² "Makura mukareli ghunya, Muhona amuyita, nakughamba kukwendi, 'Ove mukareli wamudona, ame kani kughupiripo ve makongo naghantje mukondashi ove wakukwambilire kwande. ³³ Nani nove nakuvhurashi kufera nkenda mukareli ghunyoye, yira momu kani kufere me nkenda? ³⁴ Muhona wendi agarapa makura amutapa kuvahepeki dogoro ghuye ngamane kufuta makongo naghantje. ³⁵ Nampiri vavava vamuliwiru ngoli ngavakamuruwana ntjeneshi anwe kapi muna kughupirapo vaghunyenu kutunda kudimutjima denu.