¹ Vafalisayi ntani vasadukayi avaya nakumusheteka uye mukumupura mukuva negheda shineghedito sha kuliwiru.

² Ano ngoli a limburura ntani aghamba kukwavo, "Ano ntjene ngurova, anwe kutanta, ngavi wa, morwa liwiru lina gehe; ³ Ano ntjene ngurangura, anwe kughamba, 'ngakukara likundungu, morwa kuliwiru kuna gehe ntani kuna shovagana.' Anwe mwa yiva kufaturura limoneko lyaliwiru, ano ngoli anwe kapi munakufwaturura vineghedito vyamaruvede. ⁴ Vadona ntani ruvharo rwarushonda kapapara shineghedito, ano ngoli kwato shineghedito ngava vapa kighupako shineghedito shaJona." Makura Jesusa atundupo pavo makura ayendiko.'

⁵ Apa varongwa vakatikire mushelimunya, ava vhurama kupitura mboroto. ⁶ Jesusa aghamba kukwavo, kotokenu nakurungarara kuhingo yaVafalisayi ntani Sadukayi."

⁷ Varongwa ava kupuraghere mukatji kavo muvavene nakughamba, "Mukonda walye kwato mboroto tuna pitura."

⁸ Jesusa ayivire vino makura aghamba, "Anwe valipuroghgona, vinke muna kukunungaghura mukatji kenu nakughamba ashi mukondashi kwato mboroto muna pitura? ⁹ Shimpe kapi muna vikwata lighano ndi kuvhuruka mboroto ntano kumayovi matano, ntani vikumba vingashi mwapongayikire? ¹⁰ Ndi mbororto ntambiri kumayovi mane, ntani vikumba vi ngashi mwashimbire? ¹¹ Weni mo ashi anwe kapi muna kuvikwata lighano ashi ame kapi nakughamba kukwenu kuhamena mboroto? Kotokenu ntani muvangarare kuhingo yavafalisayi ntani vasadukayi. ¹² Makura avakwata lighano ashi ghuye kapi ava tantilire kurungarara kuhingo mumboroto, ano ngoli kuvangarara kumarongo ghavafalisayi ntani vasadukayi.

¹³ Weno apa Jesusa ayire kuruha mukunda papepi nakerareya Filipi, a pura varongwa vcendi, aghamba, "Are vantu va ghamba ashi Mona muntu shi?"

¹⁴ Ava ghamba, "Vamwe kughamba Johanesa muyoghi, Elijah, ntani vamwe nka Jeremiya, ndi ghumwe wava Porofete."

¹⁵ Ghuye aghamba kukwavo, "ano ngoli are muna kughamba ame a re?"

¹⁶ Kulimburura, Simon Peturusa aghamba, "Ove Kristusa, Mona Karunga wamonyo."

¹⁷ Jesusa alimburua ntani nakughamba kukwendi, "Muna lirago ove, Simon mona Jona, parutu ntani honde kapi vana vimushorwere vino anwe, ano ngoli Vavava muliwiru. ¹⁸ Ame nka kuna kughamba kukwenu ashi ove Peturusa, paliwe lino ame ngani dikapo nkirishe yande. livero lyavafe kap[i ngava lidina po. ¹⁹ Ame ngani kupa tjapi daghuntungi waliwiru. Kehe vino ngaghu manga palivhu ngava vi manga muliwiru." ²⁰ Makura Jesusa arawiri varongwa vendi ashi vasha vitantera kehe ghuno ashi ghuye ndje Kristusa.

²¹ Kutunda paruvede oro Jesusa atameke kutantera varongwa vendi ashi ghuye tupu ndje kuyende kuJerusalema, aka hepere vininke vyavingi mumahoko ghavakurona ntani vaPristeli vavanene ntani Valirongi matjangwa, mukumudipagha, ntani kumuvhumbura kuliparu muliyuva lyaghutatu. ²² Makura Peturusa amu ghupu po kumpengi nakukamukava kapishi ngavi horoke kukoye."

²³ Ano ngoli Jesusa a piruka nakughamba kwaPeturusa, "Kara kunyima yande, Satana! Ove mupukiti kukwande, Ove kapi waghayaranga kuhamena vininke vyaKarunga, ano ngoli kuhamena vininke vya Vantu."

²⁴ Makura Jesusa aghamba kuvarongwa vendi, "Ntjene kehe ghuno ana shano kunkwama ame, ghuye akudine mwene, ashimba shikurushe shendi, makura ankwame. ²⁵ Kehe ghuno ana shano kuparura monyo wendi ngaghu kombanita, ntani kehe ghuno wakukombanita monyo wendi morwa rwande ngakaghu wana. ²⁶ Vinke vya vateranga muntu ntjene ghuye ana wana ghudjuni naghuntje ano ngoli akombanite liparu lyendi? Vinke a vhuranga muntu kutapa mukutjindjita naliparu lyendi? ²⁷ Morwa mona muntu ngakaya mughuyerere wavashe navaEngeli vendi. Makura ghuye ngaka tapa ndjapo kukehe muntu kutwara muvirughana vyendi. ²⁸ Vya shiri nakumutantera anwe, Anwe vamwe muna yimano pano kapi ngamu makera mfa dogoro ngamukamone mona muntu kunakuya mughuntungi wendi."