¹ Jesus kwamuyelilire vafarisayi na valirongi matjangwa vamu Jerusalemu vayamupure ashi, ² "Mukonda munke vakarera ashi varongwa voye kapi valimburukwanga kuveta davakurona? Vavo kapi vakukushanga kumahoko ghavo pa kulya."

³ Makura alimburura ashi, "Makura vinke mudira kulimburukwa kuveta daKarunga mukonda ya mpo yenu? ⁴ Karunga kwatanta ashi, 'Fumadeka vasho na vanyoko, kehe uno wakughamba udona vahse na vawina ogho ngafa.'

⁵ Ngoli mwatanta ashi, 'Kehe uno wakughamba kwa vashe ndi ashi vawina, "Kehe yino mbatero wawana kukwande vitapa kwa Karunga," ⁶ Muntu wa ngoli kapi a hepa kufumadeka vashe,' mundjira yino watura nkango ya Karunga yipire mulyo mukonda ya mpo yenu. ⁷ Vakukunenepa anwe! Kapi mwayiva ashi Isaya kwamuporofeta ashi, ⁸ Vantu vano kumfumadeka ame nadi murungu davo, ngoli dimutjima davo ure dakara name. ⁹ Vankarera me mumahoko-hoko mukondashi veta davo dapangera vantu.'"

¹⁰ Makura ayita mbunga ayitantere ashi, "Teghererenu na kukwata lighano- ¹¹ Kudereko osho shangenango mukanwa kamuntu makura shimunyateke. Ene ngoli, shakurupuka mukanwa, ntjo shakunyateka muntu."

¹² Makura varongwa avaya vayatantere Jesus ashi, "Ghuna yiva ashi vafalisayi kapi vina vahafita opo vanayuvhu shitjangwa shino?" ¹³ Jesus ali mburura ashi, "Kehe shimenwa osho vadira kukuna vavava vamuliwiru ngava shidurapo. ¹⁴ Vashuvenu pentjavo, vampititi vavatwiku. nangeshi muntu wamutwiku apititire mutwiku ghunyendi, navantje kuwera mulikwina."

¹⁵ Peturusa alimburura ashi, "Fwaturura shifanikoto shino."

¹⁶ Jesus aghamba ashi, "Noveshi shimpe kapi ghuna kuviyuva vino ndi? Ashi ¹⁷ kehe vino vya kungena mushipumba kuyenda mushipumba, ntani vakavirupwita mo? ¹⁸ Ngoli vininke vyakurupuka mukanwa kutundilira kumutjima. Ovyo mbyo ngoli vya nyatekango muntu. ¹⁹ Evi vya rupukango mukanwa, kumutjima vyatundanga, vino mbyo ngoli vya nyatekango muntu. ²⁰ Mbyevishi mumutjima mo mwatundango maghayaro ghamadona ghakudipaya, narushona, ghupikipiki, widi, vimpempa, na kushwaura Karunga.

²¹ Kutunda opo Jesus mpo ngoli ayendire kuviha vya virongo ku Tirusi na Sidoni. ²² Monenu, mukamali wa muKanani ogho atundiro mumukunda ghunya. Ayiyiri na kughamba ashi, "Mfere nkenda Hompa, mona wa mukafumu wa Ndafita! Monande wamukamali kuna kumuhepeka ndemone."

²³ Ngoli Jesus kapi amulimbulire napili nkango. Varongwa vendi ava mukandere nakughamba ashi, "Mutjidepo, kuna kutuyoyera."

²⁴ Makura Jesus aghamba ashi, "Ame kapi vantuma kwa kehe uno, ngoli ku ndjwi dakukombana da mulipata lya Israel."

²⁵ Makura aya nyongeke mutwe wendi, kumwe nakughamba ashi, "Hompa, mpopere."

²⁶ Ghuye alimburura ashi, "Kapi vya hungama ashi muntu ghu ghupe mboroto yavanuke ayi tape kumbwaghona."

²⁷ Mukamali aghamba, "Nhii, Hompa, ene ngoli mbwaghona nado kuvhura dilye viruvambi vya kuwa kushitavhura shamughona."

²⁸ Makura Jesus amutantere ashi, "Mukamali, lipuro lyoye linene; renka ngoli vavikuruwanene yira moomu ghuna vishanene." Makura monendi wamukamali averuka mpopo.

²⁹ Jesus makura atundupo akayenda pepi na lifuta lyaGalireya. Makura akanduka pandundu akashungira. ³⁰ Mbunga yayinene ayiya kwendi. Yiyite virema, vadjonauki, vipuru-puru navamwe vavangi ngoli. Ava vatapa kwa Jesus, ava verura. ³¹ Mbunga vya vatetukitire apa vamonine vipuru-puru kuna kughamba, virema kuna kuyenda, vatwiku kuna kumona. Ava mushambere Karunga wa Israel.

³² Jesus ayita varongwa vendi nakuvatantera ashi, "Nakara nankenda kumbunga mukondashi nakara navo ghure wa mayuva matatu hana kulya ndya. Kapi nahoro vatunde pano hana kulya vintu, kuvhura vakugande mundjira."

³³ Varongwa ava mutantere ashi, "Kuni tuvhura kuwana ndya dakugwanapo mposhi tuvhure kutapa kumbunga yakutika pano." ³⁴ Jeusu ava pura ashi, "Mboroto ngashi munakara nado?" ava limburura ashi, "hambo mbali, ntani ntjwi dadisheshu tupu.

³⁵ Makura Jesus atantere mbunga yishingire palivhu. ³⁶ Aghupu mboroto hambo mbali na ntjwi, makura apa amanine kutapa mpandu, abomona mnboroto atapa kuvarongwa. Varongwa ava tapere mbunga. ³⁷ Vantu navantje valire ava kuta. Makura ava pongayiki ndya odo dahupiroko, Visha hambo mbali vya yulire vya ndya odo dahupireko. ³⁸ Ovo valiro kwatikire kushivaro sha vantu mayovi ma ne, kuhupako vakamali na vanuke.

³⁹ Makura Jesus arenke vantu vakayende, ghuye akaronda muwato ayende kushirongo shapeke sha lidina Magadani.