¹ Madai, Sarah ne jarni grao riba mothapi, Madai Sarah ne khusi dangriba. ² Sarah sao khongin jaba, Madai basain bubli khahi, bo khe thibalaining, ralambai ha, Abraham ne basa hajairiba. ³ Abraham, basani bumu isaac dengba, Sarah hajairiyaba. ⁴ Madai jang sanijaobalai, Abraham jarni basa Isaac khe, basain jang sainjaiba ha sao singli raba. ⁵ Abraham, maithaijang rjasi maithai soba ha, boni basa Isaac hajaiba. ⁶ Sarah thiba, "Madai ang khe minithairiba; sere sere khnadu khripbo ang khe minithaima." ⁷ Bo thibakho,. "Abraham khe sere thiba, Sarah bonthane ansarao khrangrinang, ode nai bonthane ralambai ha ang basa hajairikha!" ⁸ Nana hemphaikha khaiphaikha ode ansa jakha, ode Isaac ansa jasoba ha, Abraham mel khongsi salaiba. ⁹ Egyptjikh Hagar ni basa, Abraham jang hajaiyaba, musuba khe Sarah nuba. ¹⁰ Odejang, bo Abraham khe thiba, "Ebo khrangphajaoyaba masainjikh jang boni basa khe rihonkhla, bede tikhade ebo khrangphajaoyaba ni basa jang ani basa hainthi japhuya." ¹¹ Ebo jathai Abraham, basa ni khlaihi hamseniing dukhu ni grao. ¹² Tikhabo Madai, Abraham khe thiba, "Ansa jang ode nini dangyahjikh masainjikh ni khlaihi, ning dukhu danang. Ebo ni habaha, Sarah thiyaba grao khe gainsong bede tikhade Isaac ni gede jahise nini bumu thaoma. ¹³ Angbo, dangyahjikh masainjikh ni khlaihi raji salamma bede tikhade bo nini sarikh surikhse." ¹⁴ Abraham naiju graha baijaba, jimu lingmu lahi Hagar ne riba, phagrong ha bainkhuriba ode ansa jang baosi bo khe haihaba. Bo thanglakha ode hajengkhongling Beersheba gede daokhlailangba. ¹⁵ Mihgur ni juli ni di jamba ode ansa khe busuling ha galangba. ¹⁶ Ode bo kheisa gjain ha thanghi khamba, bo thiba, "Ansa ni hayu jamba khe ang naiya." Odehe bo graokhaoba. ¹⁷ Nagasa ni khurang khe Madai khnakha, ode nokhasao niprang Madai ni degla, Hagar khe thiba, "Nini ha snadi dukhu dongba, Hagar? Dakhin, bede tikhade nagasa ni khurang khe Madai khnakha. ¹⁸ Baija, nagasa khe bamkhutha, bone khadema ri; bede tikhade bo khe raji gede salamma." ¹⁹ Odehe Madai boni muhthai khe khurukha, bo dikhor khorsi nukha. Bo thanghi, mihgur ni juli ha di philinghi nagasa ne di khainba. ²⁰ Madai nagasa jang baosi dongphaba ode bo deba juba. Bo hajengkhongling ha dongba ode bo baithuli gaoba blaiba. ²¹ Bo Pharan ni hajengkhongling ha dongre ode boni buma, bonthane Egypt niprang nonbrajikh laburiba. ²² Abimelek jang Phicol siphayarao ni hoja jahi dongba bubli ha bonsi Abraham khe thiba, "Ning asaba khusi dangkhabo, Madai ning jang baosi dongphadu. ²³ Odebani darajang, ang jang ode ani sahrikh surikh jang ning musi gjai khusi dangya thihi Madai ni sgang ha ning smai dang, ang ning khe khasaobalai ningbo ani basao ha ode ebo raji ni basao ha khasaoma nangma." ²⁴ Abraham thiba, "Ang smai dangdu." ²⁵ Abimelek ni dangyahsa, Abraham ni dikhor khe selaba thihi Abraham, Abimelek ne jajaoyaba grao khnariba. ²⁶ Abimelek thiba, "Elai sere khusi dangba angde tharmaiya. Sgang habo ning ane sainthiba giri; angde dini sosi khnaba girikho." ²⁷ Odejang, Abraham melma, burun labuhi Abimelek ne riba ode gini jang grao mthaolaiba. ²⁸ Boni yahon ha, Abraham, melma jikh masni labuba. ²⁹ Abimelek, Abraham khe thiba, "Ning melma jikh masni bojom khlaiba ni orthola snadi?" ³⁰ Bo thipinba, "Ebo melma jikh masni khe ning ajaoma ode ebo jangniing ang dikhor khuba thihi sakhi jama." ³¹ Odejang, bo, bo hahthan khe Beersheba thiba, bede tikhade bonsi oraha smai dangba. ³² Beersheba ha bonsi smai dangba, boni yahon ha Abimelek jang boni siphayarao ni hoja Phicol Philistine haphai ha phaipinlaba. ³³ Beersheba ha, Abraham Tamarisk phang gaiba. Oraha bo, thaoglao ni Madai, Gabara khe jirikhba. ³⁴ Naorai jahi Abraham, Phiulistine ha basain jang badamma dongba.