¹ Hanyuma ha haho, Yesu hehwile otokoma bibyo binwa, kuhumine Galilaya kuwile ulugumba lwa Bayahudi, m'bwala mwa Yolodani. ² Ibalo manda iilamine, kubaminye ubo.

³ Haho Bafalisayo bamkilile, na uumsambila, bili hululu mtu uleena na mmachake wa kila ibalo?

⁴ kwekaile, na obakanina, mikolo atikilihugana uya u abutililo gee m'bumbi, gubumbile, mlumiana na mmachana. ⁵ Guganine, yulu ya bibyo mtu kuileena na sage na mnage na uumbatilana na mmachake; babo bopii babe mpili kumwechi? ⁶ Na babi bashi bopi iyaka, babi mpili kumwechi bibyo balungilwe na Abetcha Pungu, mtu kashibasambule.

⁷ Bamsambile, “Yulu yai Musa kukonine, umma mkanda kwa uleana na umlea?”

⁸ Gubasambile, “Yulu ya ugumagala wa mitima gienyu Musa gumsambile muleane na baachi benyu, na bishibele bibyo abutililo. ⁹ Na nene nihumganina benywe, mtugegese kuikana na mmachage, nambo yulu ya lusengu, na ugondaa kunge, kuita masei, na guya mine kwimgonda kuita masei.

¹⁰ Bakikiwa bake bamsambile, “nambo bili bibyo wa mlume na mmachi, mndi nangu ugondaa.”

¹¹ Yesu kubasammbile, “Bashi bose banaosha uhulicha lulo ligigyo, baya tu babasobolwe. ¹² Yulu ulibabotilwe batowashi utula mnda mwa ba mnago: na ulibene batowashi bwiswa na batu babe batowashi, iyaka ulibatowashi ba uliita uba batowashi yulu ya wolo bwa hekulu, kuiosha osha uhulisha lugigyo lulo na kaluhuliche.

¹³ Bachwilile na baana batulenge bululi bababiile maboo hekulu habo na ubasabila, bakikiwa bake batulile ubaambila. ¹⁴ Yesu kubasambile, balewe baana ba tulenge bachwe wandi, nangu ubachibila, bululi bene balihu lingilishwa na babo, bwolo bwa hekulu ii bwabo. ¹⁵ Gubiile maboo make hekulu habo, na uhuma uya.

¹⁶ Na lola gumwe mtu kumkilile Yesu nukanina, mkikya na k ile ihisho naiya ibenju, bululi na hewe mwego gwa milumbu?

¹⁷ Yesu kumgaile, bululi bwa ii umbucha mwano gwa ubenja? uli mtu gumwechi m'benju. ubebenju ugingila m'mwego, ukile m'bindo.

¹⁸ Gumsambile gihi?

Yesu kuganine, iigino ushihage, lusengu, ushigibe, nangu udokoma lulimi.

¹⁹ Banyemiye sobe na mmobe, mmunde m'binji nobe nahi mtima kobe.

²⁰ Guya mmwalubaga kumganine bibyo byose nisugila nishibakile ii iyaka?

²¹ Yesu kumsambile, wahubenja uba minene, ukiye ugucha bioli na byo byose, ubahe bambuchu, na gogwe walibiila lindo hekulu, noo uchwe undame. ²² Guya mmwalubaga helihuliche iyo inywa, gee nukia gwamchikililwe; bululi kubele na bumona bwingi.

²³ Yesu kubasambile bakikiwa bake, bibyo nihumsambila bibi bigumu wa mona ukingila m'bwolo bwa hekulu. ²⁴ Nihumsambila iyaka, ii bihuhu abisa ngomia uhita mnda hundu lya lushinge, uli mona ugingila ii m'bwolo bwa Abetcha Pungu.

²⁵ Bakikiwa habahuliche, bagagilwe bakanine, ii nanyi kwihona?

²⁶ Yesu kubalolile meso, hubakanina, ubalanga msenge iyo ishinagiliya, wa Abetcha Pungu byose biihugiliya.

²⁷ Pedelo no ugana, naudogoma, lola beswe tushikile byose na uulama; tubi na ii na twihewa ii?

²⁸ Yesu kumsambile, bibyo nihumsambila, ukana benywe bene mundamine nene, mda ibalo iyia himonea mwama kwa Adamu helishama wii isuba yage ya ihaha, na benywe mwishama ubisuba umina biopi, na ubihukumu bilango umina biopi bya isilaeli. ²⁹ Kekese mine kushikile ndu, bashiwabo ba balumiana na ba baachana, sage, mnage, baana bage na lubala yulu ya china lianyi, kwihewa nyendo sambi, na uhiana mwego gwa milumbu.

³⁰ Itu ya ulola bali batangi beai ba isula na ba isula beba batangi.