¹ Ilyo Yesu nabasambi bakwe bafikile muyelusalemu nokwisa kuli Betilemu, kulupili lwa Oliva, elo Yesu atumine abasambi babili, ² nokulanda kuli bena ati, "Kabiye mumushi ukonkelepo, ulesanga kabalwe nakakwa, nomwana kumo. Bakakulwe nokubaleta kuli nebo. ³ Ndakuti uli onse alanda icili conse kuli webo palwa filya, ukalanda, Kuuku nabafwaya, naulya muntu akabatuma pamo nawebo."

⁴ Nomba ifi fyaishile pali filya fyalandilwe nakasesema filingile ukufikilishiwa. Alandile, ⁶ Elo abasambi baile nokuyalinda fintu Yesu abalangilile. ⁷ Baletele kabalwe nomwana nokubika nokumufisa pali bena, na Yesu aikele apo babafishilwe. ⁸ Abengi abamucintu bwingi baposele mumusebo ifyakufwala nokufyanshika nabambi baswile imisambo ukufumya kufimuti nokufyanshika mu musebo. ⁹ Elo icintubwingi caile kuli Yesu nabonse abamukonkele bali mukupunda ati, "Hosanna kumwana wakwa Davidi! Uwapalwa niuyo uwisa mwishina lyakwa Kuuku! Hosanna mumulu!"

¹⁰ Elo Yesu aishile mu Yelusalemu, imisumba yonse yalimine nokulanda ati, "Ninani uyu?"

¹¹ Icintu bwingi cayaswike ati, "Uyu ni Yesu kasesema ukufuma mu Nazaleti mu Galilee."

¹² Elo yesu aingile mwitempele. Afumishe bonse abo bashitile nokushitishiwa mwitempele, nokwalulwa amatebulo yakucinjamo indalama nefipula fyabo abashitishe inkunda. ¹³ Alandile kuli bena atia, "Calilembwa, 'Mung'anda yandi muketwa mung'anda yama pepo,' lelo mwapanga ngecinka lya bang'o."

¹⁴ Elo impofu necilema baishile kuli ena mwitempele, baliba poseshe. ¹⁵ Lelo ilyo imfumu kashimika nabakalamba bamwene ifintu fyabapapwishe fintu acitile nelyo baufwile abana bali mukupunda mwitempele nokulanda ati, "Hosanna ku Mwana umwaume wakwa Davidi," Balishile fulwa.

¹⁶ Balandile kuli ena ati, "Davidi ulimukumfwa ifyo balimukulanda?" Yesu alandile kuli bena ati, "Eee! Lelo tawatala belengapo, 'Kunse yatunwa twabana abanono nokunshiwa.

¹⁷ Elo Yesu abashile nokuya kucalo ca Batani nokupwako ubushiku kulya kwine.

¹⁸ Nomba mulucelo elo abwelele kumusumba, alinensala. ¹⁹ Ukumona icimuti camukunyu mumbali lwamusebo, alileko tasangileko nangu kamo ukufumyako amabula. Alandile kulicena ati, "Takwa kabe icisabo kuli webo napeka," palya penefye icimunti calyumine.

²⁰ Elo abasambi bacimwene, balipapile nokulanda ati, "Cinshi imisambo ya cimuti yaumina?

²¹ Yesu ayaswike nokulanda kuli bena ati, "Icine cine nalanda kuli mwebo, ngana mukwata icitetekelo nokushikwata ukushika, ngata wakacite ndefyo nacitile kulici cimuti camukunyu, lelo kuti walanda kuli ulu lupilii, usendwe nokuya poswa mumumana,' nokucitika cikacitika. ²² Conse ico ukalanda mwipepo, ndimukumisuminisha, mukapokelela.

²³ Elo Yesu aishile mwitempele, imfumu bakashimika naba kulu babantu balishile kuli ena elo alimukufunda nokulanda ati, "Niku maka nshi abomfya pakucita ifi, nowakupele ayamaka ninani?"

²⁴ Yesu ayaswike nokulanda kuli bena ati, "Nanebo nkamipusha icipusho cimo. Ndamwanjeba, nkamyeba nikumaka nshi ncitila ifi fintu. ²⁵ Ulubatisho lwakwa Yohane- nikwisa lwafumine? Ukufuma kumulu nangu ukufuma ku bantu?" Balanshenye palwabo, nokulanda ati, "nga fwebo twalanda ati, 'ukufuma kumulu, 'alalanda kuli fwebo ati, 'Cinshi nomba tamwamusuminine?' ²⁶ Lelo ngatwalanda ati, 'Ukufuma kubantu,' Tulatina icintu bwingi, pantu bakalanda Yohane ndakasesema." ²⁷ Elo bayaswike Yesu nokulanda ati, "Tatwishibe." Nao alandile kuli bena, 'Tapali ukamyeba pamaka nebo mbomfya pali ifi fintu. ²⁸ Nomba cinshi mulimukutontonkanya? Umuntu alikwete abana abaume babili. Aile kuwa kutapilapo nokulanda ati, 'Wemwana mwaume, kabiye mukubomba kwibala lyamyangashi.'

²⁹ "Umwana mwaume alyaswike nokulanda ati, 'Nebo nshaye,' lelo panuma aliisa bwesha kampingu nokuya.

³⁰ "Nomba umuntu aile kumwana mwaume wakonkapo nokulanda ifintu fimo fine. Alyaswike nokulanda ati, 'Nebo ndeya, mukwai,' nomba taile. ³¹ Nani pabana abaume babili uwabombele ubufwayo bwa bawishi?" Balandile ati, "Ukutampilapo." Yesu alandile kuli bena ati, "Icine cine Nebo nalanda kuli mwebo, kapoka wamisonko na bacende bakengile mubufumu bwakwa Lesa apo taulacita. ³² Yohane aishile kuli mwebo ngamunshila ya bololoke, lelo tamwa musumine. Nomba bakapoka wamisonko na bacende balisumine muli ena. Nomba mwebo, nelyo mwamwene ici, tamwalapile panuma nokwisa sumina.

³³ Umfweni kumulumbe naumbi, kwali umuntu, umwine wampanga, alilimine ibala lya myangashi, abikileko nolupango, aimbile nomwaku finina, akulile ulupungu, nokusonkesha kuli bakalima. Nomba aile mu calo cimbi. ³⁴ Ilyo inshita yakusombola ifisabo yafikile, atumine ababomfi bamo kuli ba kalima ba myangashi mukukolonganika ifisabo fyakwe. ³⁵ Nomba bakalima bamyangashi bakwete ababomfi bakwe, baumapo umo, umbi bamwipaya, nokumutoba naumbi amabwe. ³⁶ Peka, umwine atumine bambi ababomfi, bambi, ukucila abakutapilapo, nomba bakalima bamyangashi babacitile fye munshila imo ine. ³⁷ Panuma yafilya, umwine atumine umwana wakwe umwaume kuli bena, nokulanda ati, 'Bakacindika umwana wandi umwaume.'

³⁸ "Nomba ilyo bakalima ba myangashi bamwene umwana umwaume, balandile muli bena ati, "Uyu ni mpyani. Aisa, na tumwipaye nobumpyani tusende.' ³⁹ Balimusendele, nokumuposa kunse yebala lyamyangashi nokumwipaya. ⁴⁰ Nomba ilyo umwine webala lyamyangashi akesa, cinshi ena akacita kuli bakalima ba myangashi?"

⁴¹ Balandile kuli ena ati, "Akonaula abo bantu ababipa, naena akalisonkesha kuli bakalima bambi abamyangashi, abantu bakamupelako icakaniko cakwe ica fisabo panshita yakusombola."

⁴² Yesu alandile kuli bena ati, "Tamwabelengapo mumalembo, 'Ilibwe lintu bakakula bakene elyaisaba libwe lyapakona. Ici cafuma kuli Kuuku, nokuba cipesha mano kumenso yeesu?"

⁴³ Eico Nebo ndelanda kuli mwebo ati, ubufumu bwakwa Lesa bukasendwa ukufuma kuli mwebo nokupelwa ku luko ulu kalatwalisha ifisabo. ⁴⁴ Onse ukaponena pali ili libwe akapandauka mutu pimfya tupimfya. Nomba uli onse untu likaponena akashonaika." ⁴⁵ Ilyo bashi mapepo bakalamba naba Farise ba umfwile imilumbe yakwe, balyumfwile ali mukulanda pali bena. ⁴⁶ Mukufwaya ukumukwata, baletina icintubwingi, pantu balemutunga ena kwati ni kasesema.