Icipande 2
1
Panuma yakufyalwa kwa kwa Yesu mu Betelemu waku Yudeya mu mfumu Herode, abaume abasambilila kufuma kukabanga bafikile mu Yelusalemu nokulanda ati,
2
"Ali pii uufyelwe imfumu ya ba Yuda? Twamwene ulutanda lwakwe ukufuma kukabanga elo natwisa mukumutotela."
3
Elo Herode imfumu aumfwilefi, bali fulunganishiwe, pamofye na Yelusalemu onse.
4
Herode akolonganike bonse ba shimapepo elo naba kalemba wa bantu, elo alibepwishe, "Nipii kristu afyalilwe?"
5
Balandile kuli ena ati, "Mu Betelemu waku Yudeya, pantu ififine efyo calembelwe muli kasesema,
6
'Nomba webo, we Betelemu, wa mumpanga ya kwa Yuda, tauli uwa cepesha pali bakateka bonse bakwa Yuda, muli webo emukafuma kateka, uukacema abantu bandi mu Israele.'"
7
Kabili Herode aitile munkama abaume abasambilila mukubepusha akashita ulutanda lwamoneke.
8
Ena aba tumine mu Betelemu, nokulanda ati, "Kabiyeni nokusokota bwino pakana akanono. Elo ngamwa kasanga, mwise munjebe epali na Nebo naisa no kumutotela."
9
Panuma nabomfwa ku mfumu, bakonkenyepo ukuya, nolutanda lwalimoneke kukabanga nalubatangilila pakafye nokuya iminina apo akana kali.
10
Elo bamwene ulutanda, balyumfwile insansa ishikulu.
11
Baingile mu ng'anda no kumona akana na nyina Maria. Bawile panshi no kumutotela. Ba kakwile ifipao fyabo nokutula umutulo wa Golide, Libani, elo na Muri.
12
Lesa epakuba cenjesha mu ciloto takuli kubwelela kuli Herode, nabo babwelele kucalo cakumwabo nenshila imbi.
13
Panuma nabaya, umungeli wakwa Lesa wamonekele kuli Yosefe mu ciloto nokulanda ati, "Ima, senda akana kanono na nyina, no kubutukila mu Egypiti. Mukekalilile kulya nkasuke nkamyebe, pantu Herode akafwaisha ukonaula akana akanono."
14
Bulya bwine bushiku Yosefe aimine nokubula akana akanono na nyina nokuya ku Egypiti.
15
Aikele kulya mpaka nemfwa ya kwa Herode. Uku kwali kufikilisha ukwa landile Kuuku ukupitila muli kasesema, ati, "Ukufuma mu Egypiti emo naitile Umwana umwaume wandi."
16
Nomba Herode, elo amwene ukuti naba mubepa kubaume abasambilila, alifulilwe saana. Atumine ukwipaya abaice abanono ukwamba pa mwaka ibili mu Betelemu na mucende monse, ukukonkana kwanshita ilya apatikishe abaume abasambilila.
17
Nomba ilyo cafikilishiwe mu calandilwe kale ukupitila muli Yeremia kasesema ukweba ati,
18
"Imisowa ya lyumfwikike mu Ramah, ukulila nokulosha, Rachel alelosha abaana bakwe, akene ukusansamuka, pantu tabaliko."
19
Elo Herode afwile, palya, umungeli wakwa Kuuku wamonekele kuli Yosefe mu Egypiti nokulanda ati,
20
"kabiyeni, bula umwana na banyina nokuya mu mpanga yakwa Isreal, kuli uyo uwale fwaya ubumi bwa kana nafwa."
21
Yosefe alimine, nokusenda akana na nyina, nokwisa mu mpanga ya kwa Isreal.
22
Nomba alyumfwile Arkelao uwali kateka wa Yudeya muncende yakwa wishi Herode, alwimfwile umwenso wakuyako, panuma Lesa namucenjesha muciloto, ashele necitungu ca Ngalileya
23
nokuya ikala mu musumba waleitwa Nasaleti. Ico kwali kufikilisha pafyo alandile muli bakasesema, aketwa umwina Nasaleni.