¹ Ibuku lya mfyalwa yakwa Yesu Kristu, umwana umwaume uwa kwa Dabidi, umwana umwaume uwa kwa Abrahamu.

² Abrahamu aali ewishi wa kwa Isaki, elo Isaki ewishi kwa Yakobo, elo Yakobo ewishi wa kwa Yuda elo naba munyina.

³ Yuda aali ewishi wa kwa Perese elo na Sera muli Tamari, Perese ewishi wa kwa Hesroni, elo Hesroni ewishi wa kwa Ramu.

⁴ Ramu aali ewishi wa kwa Aminadabu, Aminadabu aali ewishi wa kwa Nashone elo Nashone ewishi wa kwa Salmone.

⁵ Salmone aali ewishi wa kwa Boasi muli Rahabu, Boasi ewishi wa kwa Obedi muli Ruti, Obedi ewishi wa kwa Yese.

⁶ Yese aali ewishi wa kwa Dabidi imfumu. Dabidi aali ewishi wa kwa Solomone umukashi wa kwa Uria.

⁷ Solomoni aali ewishi wa kwa Rehoboamu, Rehoboamu ewishi wa kwa Abia, Abia ewishi wa kwa Asa.

⁸ Asa aali ewishi wa kwa Yehoshafati ewishi wa kwa Yoramu, elo Yoramu aali ecikolwe ca kwa Ushia.

⁹ Ushia aali ewishi wa kwa Yotamu, Yotamu ewishi wa kwa Ahasi, Ahasi aali ewishi wa kwa Hisekia.

¹⁰ Hisekia aali ewishi wa kwa Manase, Manase ewishi wa kwa Amone, elo Amone ewishi wa kwa Yoshia.

¹¹ Yoshia aali ecikolwe ca kwa Yekonia elo naba munyina pa nshita yakutwalwa ku Babiloni.

¹² Panuma ya kutwalwa ku Babiloni, Yekonia aali ewishi wa kwa Shealtiele, Shealtiele aali ecikolwe cakwa Serubabele.

¹³ Serubabele aali ewishi wa kwa Abiudi, Abiudi ewishi wa kwa Eliakimu, elo Eliakimu ewishi wa kwa Asore.

¹⁴ Asore aali ewishi wa kwa Sadoke, Sadoke ewishi wa kwa Akimu, elo Akimu ewishi wa kwa Eliudi.

¹⁵ Eliudi aali ewishi wa kwa Eleasari, Eleasari ewishi wa kwa Matani, Matani ewishi wa kwa Yakobo.

¹⁶ Yakobo aali ewishi wa kwa Yosefe, Yosefe umulume wa kwa Maria, umo Yesu afyelwe, uwitwa Kristu.

¹⁷ Inkulo yonse ukufuma pali Abrahamu ukufika pali Dabidi yali ikumi limo na shine, ukufuma pali Dabidi ukufika mu kusendwa mu Babiloni ukufika na Christ yali ikumi limo na shine.

¹⁸ Uku fyalwa kwa kwa Yesu Kristu kwa citike mu nshila ngeyi. Nyina, Maria, aali naimanwa kuli Yosefe, ilyo tabalaba pamo, asangilwe aali nefumo ilya ku Mupashi wa Mushilo. ¹⁹ Nomba Yosefe, umulume wakwe, aali muntu uwasanguluka lelo tale fwaya ukumusebanya, alefwaya uku mulubula mubumfinsolo. ²⁰ Ilyo acili aletontonkanya palifi fintu, umungeli wakwa Lesa wamoneke kuli ena mu ciloto, nokulanda ati, "Yosefe umwana umwaume wakwa Dabidi, witina uku piita Maria ngo mukashi obe, pantu uyo na mayo ifumo emite, lya fuma ku Mupashi wa Mushilo. ²¹ Ali nokupapa Umwana umwaume, elo uka mwita inshina lya kwe Yesu, pantu ena akaba nikapususha wa bantu kumembu shabo." ²² Nomba Ifi fyonse fya citike uku fikilisha ukulingana ne fyalandilwe kuli Kuuku ukupitila muli kasesema, ukulanda ati, ²³ "Moneni, nacisungu ali nokwimita elo akapapa umwana umwaume, elo bakala mwita neshina Imanuele"-icilepilibula ukuti, "Lesa ali nafwebo." ²⁴ Elo Yosefe aimine mutulo acitile ukulingana nefyo umungeli wakwa Kuuku amwebele, elo amupitile ngo mukashi wakwe. ²⁵ Nomba taishibe umubili wakwe mpakafye afyala umwana umwaume. Nokumwita ishina lyakwe Yesu.