1
Ia na gauna igi eya lamai o Joni na daunivivavitaisotaki e dauvunau ina yaloga ni vanuwa i Jutia e kwa,
2
''Mutu vivutuni, ni vo voleke na matanitu va lomalagi.''
3
O kiya ikwe e tata ke o Aisea na parovita, e kwa,
''E domo e kiya vo coco i yaloga ni vanuwa,
Mutu samakiniya na leya calevu o Jiova, vavea me dodonu na leya calevu.''
4
Ia o Joni ikwe na leya i sulu na vuji ni kameli, e vesu ve luvuka na taba ni manumanu na keya cawa na vodre qainiya na oni ni vikai.
5
Aru vo lamai o rau i Jeruisalemi, qainiya o Jutia taucoko, qainiya na vi vanuwa taucoko e voleka i na Joritani.
6
Avo vavitaisotaki nidru o keya ina Joritani, niru vo va tusaniya na ledru i valavala ca.
7
Ia nivo daniya o kiya eru vo lewe levu na Farisi qainiya na leya tokani o Setoki, eru vo lamai ina lea vi vavitaisotaki a kwaya vuwadru, o mutou na kawa ni gwata, o cei e kwaya vuwako mutou me mutu tuba mai, na oca vo la no mai?
8
O keya me mutu vuwa takiniya na vuwa e kilikili qaniya na vivutuni.
9
Ia mtu kuwa ni numiya me mutu i mutu yaloga, 'Na lemadu momo o Eparama.' Niqu vo kwaya vuwako mutou, e rarawa vuwa na Kalou me vatubuniya na vivatu ikwe meru joiya la i luve o Eparama.
10
Ia na kiya evo notu nikuwa ina vunikai. Avo musu dei kena kai taucoko e tasi vuatakiniya na kwa oka, evobiu ina bukawaqa.
11
E jina niqu vo vavitaisotaki niko mutou ina wai ni mutu vo vivutuni. Ia o kiya e tekuciko yau mai e levu cake vuwako maru, ia na leya i vava e tasi rewa niqu kau, ena vavitaisotaki niko mutou i na Yalo Tabu qai niya na buka waqa.
12
Avo notu ve lima na leya i sivi ni sila, ena va savasava takiniya sava na sila ni leya rara, qai soqoniya vata na leya sila ina lololo, ena vayagi niya ina guto tasi boko rewa.