¹ Uluntu Yesu atentemukile ukufuma pa lupili amabumba ayakulu yalikumukonkele. ² Boneni, Kabili uwafibashi aishile kuli ye no kufukama kuli ye, nokulanda ati, "Shikulu, nga mulitemenwe, kuti mwansangulula nebo.

³ Yesu alitambalikile ukuboko kwakwe elo ali mwikete, nokulanda ati, "Nditemenwe sangululwa." Ulolwine fye naye alisangulukile kufibashi fyakwe. ⁴ Yesu alandile kuli ye ati, "Ubone ukwbati taulandile nangu cimo kumuntu uuli onse. Kabuye, uye kuilangisha wemwine kuli bashimapepo, elo ukapele icabupe ukubati ni filya fine Musa akonkomeshe, kukuba ubunte kuli bo."

⁵ Uluntu ye alikwisa mu Kapenamu, mushika wapaba mwanda aishile kuli ye, ⁶ akomupapata elo alandile ati, "Shikulu, umubomfi wandi aliilwele pa ng'anda ali nobulebe elo fikokalipa cibi."

⁷ Elo Yesu alandile kuli ye ati, "Ubo nkoisa elo nkoisa kumuposha."

⁸ Mushika alyasukile nokulanda ati, "Nshikulu nebo ntalingile ukwebati mwebo mwingile mu ng'anda mwandi. Landeni fye ishiwi elo nomubomfi wandi akopola. ⁹ Pantu na ndibo ndi muntu uwasontwa namaka, elo ndikwete nefita ifinakila ndalanda kuli uyu ati, 'kabuye naye kaya, elo nakuli umbi, ati isa naye kaisa, elo nokumubomfi wandi ati, cita ici naye acita.

¹⁰ UluntuYesu akutikile ifi, alipapile elo alandile kubali kumukonka ati, "Icine fye nkolanda kuli mwebo, ntatala nsanganapo nangu umo uwacicetekelo ukubati nici muli Israeli. ¹¹ Nkomweba ati, abengi bakatula kukabanga nakumasamba, elo bakesa kwikala kwitebulo pamo na Abrahamu, Isaki, na Yakobo, mubufumu bwa mumulu. ¹² Lelo nabana baume babufumu bakabatamfishiwa kunse yamfimfi, uko ukukaba ukulila elo nokusumanya ameno. ¹³ Yesu alandile kuli mushika ati, "kabuye! Ifyo fine ifyo usumine, efyo cicitwe kuli webo." Elo nomubomfi alipolele pali iyo ine inshita.

¹⁴ Uluntu Yesu aishile mu ng'anda yakwa Petelo, ye alibwene nafyala Petelo alisendeme alilwele impepo. ¹⁵ Yesu alimwikete paku boko, nempepo yalipwile. Naye alimine nokutampa ukumubombela. ¹⁶ Awe ilyo icungulo cafikile, abantu balikuleta kuli Yesu abengi abaikatwa ne fiwa, Naye alikufunya imipashi iyi ku cebo no kuposha abalwele. ¹⁷ Mu nshila iyi emo cafikilishiwe ico icalandile Esaya kasesema ati, "Ye umwine alipitiile ukulwala kwesu elo na malwele yesu."

¹⁸ Lelo uluntu Yesu abwene amabumba yalimushingulukile, aebebele ukufumako nokuya kuncende imbi bushilya bwa bemba wa Galile. ¹⁹ Eluntu kalemba aishile kuli ye no kulanda ati, "Kafundisha, nalekumikonka konse uko mwalekuya."

²⁰ Yesu alandile kuli ye ati, "Bamumbwe balikwete amendo, elo umwana wa muntu takwete nangu pamo apakusemika umutwe wakwe."

²¹ Naumbi pa basambi alanda kuli ye ati, "Shikulu, nsuminisheni nebo ndekuya kushika tata."

²² Lelo Yesu alandile kuli Ye, ati, "Nkonka nebo, nokusha abakufwa bashike abakufwa banabo."

²³ Uluntu Yesu apateme mu bwange, abasambi bakwe balimukonkele mulya mwine. ²⁴ Boneni kwalimine ipunga ilikulu icakwebati ubwange bwafimbwa na maba. Lelo Yesu alisendeme. ²⁵ Abasambi baishile kuli ye noku mwalamusha no kulanda ati, "Fwebo tupusushe, Shikulu, twalaloba!"

²⁶ Yesu alandile kulibo ati, "Cindo mukotinina, mwebacicetekelo icinono mwe?" Eluntu aalamukile nokukalipila imyela na cibemba. Eluntu kwali ulushi ulukulu.

²⁷ Nabaume balisungukile nokulanda ati, "Bushe muntu wamusango ndo uyu apo ne myela na bemba ako mukutika?"

²⁸ Uluntu Yesu aishile kubushilya ku mpanga yabena Gadara, abaume babili abali ne ngulu balimukumenye. Balikufuma ku nshishi elo bali abakali icakwebati takuli umulendo uwalikupita ilya nshila. ²⁹ Boneni, babilikishe nokulanda ati, "Findo twingacita nobe, we mwana mwaume wakwa Lesa? Bushe wishile mukutucushisha ulo inshita iyateyanishiwa tailafika?"

³⁰ Nomba icikunka icikulu ica ku ba kapoli cali uko ninshi cikolya, akatalamukila napo babelele. ³¹ Ne ngulu shalitwalilile ukupapatila Yesu no kulanda ati, '"Nga mwatutamfya fwebo, tutumeni tuye mucikunka cakuba kapolii."

³² Yesu alandile kuli sho ati, "Kabuyeni!" Ne ngulu shalifumine nokuyakwingila mulibakapoli; elo boneni, conse icikunka califulumukile ukutentemukila mucikonkwa no kuponena muli bemba no kufwila mu menshi. ³³ Naabo abalikulonda bakapoli balibutukile nokuya mu musumba no kutubulula fyonse, makamaka ifyacitikile ku baume abaiketwe ne ngulu. ³⁴ Boneni, onse umusumba walishile muku kumanya Yesu. Uluntu bamubwene, bali mulombele ukufuma mufitungu fyabo.