¹ Nomba pa kupwa kwa pa Chibelushi, ilyo kwatampile ukuca ku bushiku bwantanshi ubwa mulungu, Maria Mandalena na umbi Maria balishile ku nshishi. ² Boneni kwali icinkukuma icikulu, pantu malaika wakwa Shikulu alikiile ukutula ku mulu alishile kuku nkulushapo ilibwe, no ku likalapo. ³ Imibonekele yakwe yali kubati ni nkuba, ne nsalu shakwe ishakubuta ukubati bunga bwa mfula. ⁴ Ba malonda balitutumimine no mwenso elo bali ukubati bantu bafwile. ⁵ Malaika atekeshe abanakashi, elo no kulanda kulibo ati, "Mwitina, pantu ndishibile ukwebati mukofwaya Yesu, uwatanikilwe. ⁶ Tali pano, lelo alitutubukile, ukubati nifilya fine ifyo alandile. Iseni mubone incende umo Shikulu aci sendama. ⁷ Kabuyeni kangu no kweba abasambi bakwe ati, "Nabushiwa ku bakufwa. Boneni, akomitangilila ku Galile. Kulya eko bali noku mubona,' Boneni, Ndi myebele."

⁸ Abanakashi kangu kangu balifumineko ku nshishi no mwenso elo ne nsansa ishikulu, elo no kubutuka ukuya kweba abasambi bakwe. ⁹ Boneni, Yesu alibakumenye no kulanda ati, "Mwapoleni" Abanakashi balishile, no kufukatila amakasa yakwe no ku mupepa. ¹⁰ Eluntu Yesu alandile kuli bo ati, "Mwitina kabuyeni mwebe ba munyina baye ku Galile. Kulya eko bakoya ku mona."

¹¹ Nomba umo abanakashi bali bakoya, boneni, ba malonda bambi baile mu musumba elo no kweba ba shimapepo abakulu ifintu fyonse ifyacitikile. ¹² Uluntu ba shimapepo bakumene ne ntungulushi no kulanshyanya uyu mulandu nabo bapele icipendo ca ndalama icikulu ku bashilika ¹³ no kubeba ati, "Landeni kuli bambi ati, abasambi bakwa Yesu bacisa ubushiku no kwiba icitumbi ulo twaciba atulele.' ¹⁴ Nga cakwebati ulu ulusebo lwafika ku mulashi, tuka munasha, funyeni ukusakamana muli mwebo." ¹⁵ Eico abashilika balipokele indalama no kulanda umo mwine babebele. Aya malyashi yalisalangene muba Yuda monse kabili yali twatwalilila ukushinta na lelo.

¹⁶ Lelo abasambi ikumi na umo baile ku Galile, ku lupili uko Yesu abalangile. ¹⁷ Uluntu ba mubwene, bamupepele, bambi bali kutwishika. ¹⁸ Yesu aishile kuli bo no kulanda ati, "Yonse amaka yalipelwe kuli nebo mu mulu na muno calo. ¹⁹ Eico kabuyeni no kupanga abasambi abanko shonse. Mulekubabatisha mwishina lya Tata, nelya Mwana, nelya Mupashi wa Mushilo. ²⁰ Mulekubafunda ukukonka ifintu fyonse ifyo na mukonkomesha, boneni nalekuba nenu lyonse, ukushinta na kumpela ya calo."