¹ Yesu alandile nabo mu milumbe nakabili, ukulanda ati, ² "Ubufumu bwa mu mulu bwa palanishiwa ku mfumu iyo iya teyenye umutebeto wa bwinga bwa mwana mwaume waiko. ³ Yalitumine ababomfi bakwe ukuya ku kuuta abo abakutilwe ukwisa ku mutebeto wa bwinga, lelo tabaishileko. ⁴ Nakabili imfumu yalitumine ababomfi bambi, noku beba ati, "Kebebeni abo abakutilwe, "Boneni nditeyenye imitebeto yandi. Ndipeye ŋombe ishilume elo ishakwina, elo ne fintu fyonse filiteyanishiwilwe. Iseni ku mutebeto uwa kufya."' ⁵ Lelo taba poseleko amano kabili balifuminepo, cila umo kwibala kwakwe, na umbi kuma kwebo yakwe. ⁶ Bambi abakutilwe baikata ababomfi bamfumu, ba bacusha no musebanya, elo no kubepaya. ⁷ Imfumu yalikalipile, kabili yalitumine abashilika baiko elo bailekonaula bonse abaipeye nokoca umusumba wabo. ⁸ Eluntu alandile ku babomfi bakwe ati, "Ubwinga buliteyenywe, lelo abakutilwe tabalingile. ⁹ Kanshi kabuyeni muma nsansa yamu misebo muye ku kuta bonse abo mukosangana kumitebeto ya bwinga ngefyo mwingasangana! ¹⁰ Ababomfi balile mu mansansa ya misebo elo no kulonganya abantu bonse abo baile kusangana, bonse ababubi elo na babune. Kanshi icikulwa cabwinga yaiwilemo naba shi mucindikwa. ¹¹ Lelo uluntu imfumu yaingile pakwisa kulolesha abakutilwe, yalibwene umuntu umo uu tafwele ilaya lya bwinga. ¹² Imfumu yali mwebele ati, 'We munandi, bushe wingile shani muno ukwakubula ukufwala ilaya lya bwinga?' Lelo umuntu takwete amashiwi ayali yonse. ¹³ Eluntu imfumu yaebele ababomfi ati, 'Mukakileni uyu muntu amaboko na molu, elo mu mupose panse pa mfinshi, apo apa kaba ukulila elo kusumanya ameno.' ¹⁴ Pantu abakutwa bengi, lelo banono abasalwa."

¹⁵ Eluntu aba Falis baile elo no kuya kwa nshika apaku fyenenkesesha Yesu mukulanda kwakwe. ¹⁶ Eluntu batumine kuli Yesu abasambi babo pamo nabena Herodi. Balandile kuli Yesu ati, "Kafundisha twalishiba ati mwebo mulibacine, elo musambilisha inshila ya kwa Lesa mu cine. Tamusakamana pa muntu nangu umo, kabili tamwaba nakapatulula pa bantu. ¹⁷ Kanshi twebeni, findo ifyo ukotontonkanya? Bushe calisuminishiwa ukupela umusonko kuli Kaisale nangu iyo?"

¹⁸ Lelo Yesu alishibile ifyo bali kutontonkanya elo alandile ati, "Bushe cindo ico mukonjesesha, mweba bumbi munda mwe? ¹⁹ Nangeni indalama umuwaya wa musonko." Eluntu baletele indalama kuli ye. ²⁰ Yesu alibebela ati, "Nimpumi elo ne shina lyakwa nani ilili apa?"

²¹ Bali mwasukile ati, "Ni Kaisale." "Kanshi peleni Kaisale ifintu fya kwa Kaisale kabili kuli Lesa ifintu fya kwa Lesa." ²² Uluntu bakutikile ici, balipapile. Eluntu balimushile no kuya.

²³ Pali bulya bushiku aba Saduki, abalikulanda ati takwaba kututubuka baishile kuli ye. Bali mwipwishi, ²⁴ nokulanda ati, "Kasambilisha, Musa alitwebele ati, 'Nga cakwebati umwaume afwa, ukwakubula ukufyalapo abana, wabo afwile ukupa umukashi wakwe noku mufyalilako abana.' ²⁵ Kwaliko abaume cine lubali. Uwakutampilapo alyupile kabili eluntu afwa. Tashilepo no mwana, aishile kusha umukashi wakwe kuli wabo. ²⁶ Elo uwa bubili naye acitile fimo fine, eluntu uwa butatu, ukuyaku shinta na ku wakulenga cine lubali. ²⁷ Panuma ya aba bonse umwanakshi alifwile. ²⁸ Nomba mukututubuka, mukashi wakwa nani akaba pali aba ba wabo na wabo cine lubali? Pantu bonse bali mupileko."

²⁹ Lelo Yesu alibasukile nokulanda ati, Mwaliluba pantu tamwaishiba amalembo nangu amaka yakwa Lesa. ³⁰ Pantu mukututubuka tapakabe ukupa nangu ukupwa. Lelo baba ukubati niba malaika aba mu mulu. ³¹ Lelo ukulosha palwa kututubuka kubakufwa, bushe tamwa belenga ifyo Lesa alandile kuli mwebo, ati, ³² 'Ninebo Lesa wakwa Abrahamu, Lesa wakwa Isaki, elo Lesa wakwa Yakobo? Lesa tali Lesa waba kufwa, lelo wa balole" ³³ Uluntu icintu bwingi cakutikile ifi, calipapile imi sambilishishe yakwe.

³⁴ Lelo uluntu aba Falisi bakutikile ukwebati Yesu alitalalikile aba Saduki, balilongene beka beka. ³⁵ Umunabo umo kafundisha wa mafunde amwipwishe ilipusho, kuku mwesha- ³⁶ "Kasambilisha, bushe lifunde ndo ilyakulishapo?"

³⁷ Yesu alandile kuli ye ati, "Ulekutemwa Shikulu Lesa obe, no mweo obe onse, no mutima obe onse, na mano yobe yonse,' ³⁸ Ili e funde ilikulu elo e lyakutampilapo. ³⁹ Elo ifunde lyabuli lyaba ukubati nili--'Ulekutemwa umwina mupalamano ukubati ni we mwine.' ⁴⁰ Pali aya mafunde yabili epa shintilila amafunde yonse kabili elo naba kasesema."

⁴¹ Nomba umo aba Falisi bali balilongene pano, Yesu alibepwishe ilipusho. ⁴² Alandile ati, 'Mutontonkanya indo pali Kristu? Bushe mwana wakwa nani?" Balimwasukile ati, "Mwana mwaume wakwa Davidi."

⁴³ Yesu alandile kuli bo ati, "Nindo ico kanshi Davidi mu Mupashi amukutila ukwebati Shikulu, ukulanda ati, ⁴⁵ Nga cakwebati Davidi alikukuta Kristu ati, Shikulu; cindo ico abela umwana mwaume wakwa Davidi?" ⁴⁶ Takwali nangu umo uwakumineko uku mwasukapo ishiwi, elo tapali umuntu nangu umo uwapamine ukumwipusha amepusho nayambi ukutula bulyabwine ubushiku.