¹ Ulo Yesu na basambi bakwe bali kupalamina ku Yerusalemu elo bafikile Betifage, ku Lupili lwa miolifi, eluntu Yesu atumine abasambi babili, ² no kubeba ati, "Kabuyeni mu mushi uukonkelepo, kabili pa kwingila mwalaya musangane impunda ilikakilwe palya, pamo naka mwana. Mushikakule elo mushilete kuli nebo. ³ Nga cakwebati umo alanda ifili fyonse kuli mwebo pali ifi fintu mulande ati, 'Ni Shikulu akofifwaya,' kabili uyo muntu ulo lwine ako mipela."

⁴ Nomba ifi fyonse fyacitikile pakufikilisha ifya landilwe uku pitila muli kasesema ati, ⁵ "Ebeni umwana mwanakashi Sioni amuti, 'Bona Imfumu yobe ikoisa iya kuicefya kabili ili ninine pali punda - pa musepela umwana wakwa punda.'"

⁶ Eluntu abasambi baile elo no kucita ifyo fine Yesu abebele. ⁷ Baliletele punda elo no musepela waku punda, no kubula amalaya yabo bayanshikapo elo Yesu aikalapo. ⁸ Amabumba ayengi balibikile insalu shabo mu nshila, Kabili bambi baliputawile imisambo ku fiti elo no kwanshika mu nshila. ⁹ Eluntu icintu bwingi icaishile kuli Yesu kabili abo aba mukonkele balikubilikisha ati, "Hosana kuli mwana Davidi! Wakupaalwa ye uwishila mwishina lya kwa Shikulu! Hosana kuli Lesa mu mulu!"

¹⁰ Uluntu Yesu aishile kwingile mu Yerusalemu yonse imisumba yakaba na see elo nokulanda ati, Bushe ninani uyu?"

¹¹ Icina bwingi calyasukile ati, Uyu ni Yesu kasesema uwafuma ku Nazareti wamu mu Galile."

¹² Eluntu Yesu aingile mwi tempele. Alitamfishe bonse abalikushita elo noku sulwisha mwi tempele kabili alipilibwile ama tebulo yakuba kabushanya bandalama kabili ne fipuna fyabali kusulwisha inkuunda. ¹³ Alilandile kuli bo ati, "Cililembelwe ukwebati, 'Ing'anda yandi ikakutwa ing'anda iya mapepo,' lelo mwebo mwaya kuisangula ukuba icifulo ica kuba pompwe."

¹⁴ Eluntu impofu elo ne filema baishile kuli ye mwi tempele, elo naye ali ba poseshe. ¹⁵ Lelo uluntu abakulu baku ba shimapepo elo na ba kalemba babwene ifipesha mano ifintu alikucita, kabili uluntu abaice bali kupunda mwi tempele abati, "Hosana kuli Mwana Davidi" Balifulilwe bubi bubi.

¹⁶ Bali mwebele ati, "Bushe ulikutikile ifyo bakolanda? "Yesu alibebele ati, "Ana! Lelo bushe tamwa belenga ati, 'Ukufuma mu tunwa twaba baice elo no tunya utukoonka eko upekenye amalumbo?"

¹⁷ Eluntu Yesu abashile elo afuma mu musumba no kuya ku Betani elo alisendemeko ubushiku bumo kulya.

¹⁸ Nomba mu lucelo ulo abwelele ku musumba, alyumfwile insala. ¹⁹ Paku bona iciti ca makunyu mu mbali ya musebo, alileko kabili tasangeneko nangu fimo yeka fye amabula eyaliko. Yesu alandile kuciti ati, "Wikesha uku twalako ifisabo na kabili," elo ulo lweka fye ne iciti ca makunyu calyumine.

²⁰ Uluntu abasambi babwene iciti, balipapukile, elo no kulanda ati, "Bushe nindo ico iciti ica makunyu caumina peka apa?"

²¹ Yesu alibasukile elo alibebele ati, "Mucine nkolanda kuli mwebo ati, nga mwakusha icicetekelo elo tamu kotwishika, tamwakacite fye fyeka ifi ifya citika kuli ici iciti camakunyu, lelo mukalanda kuli ulu lupili ati, 'Sela apa elo uye kuiposa no kuiposa muli bemba,' elo naco cikacitwa. ²² Icili conse ico mukalomba ukupitila mukupepa, mu cisumino, mu kapokelela."

²³ Uluntu Yesu aishile mwi tempele abakulu baku ba shimapepo elo na bakulu mu bantu baishile kuli ye ulo ali kusambilisha elo no kulanda ati, "Bushe ni ku nsambu ndo ucitila ifi fintu, elo ni nani uwaakupela ishi insambu?'

²⁴ 'Yesu alibasukile nokubeba ati, "Nandibo nala mipusha ilipusho limo. Nga cakwebati mwala njeba, Nandibo nko myeba uko ishi nsambu Ncintilamo ifi fintu sha tula. ²⁵ Ulubatisho lwakwa Njoni - bushe lwatulile kwisa? Niku mulu nangu lwatulile ku bantu? Batampile ukulaitepelesha abene beka bakolanda ati, umfwa tulande ati, niku mulu akotweba ati, 'Cindo kanshi ico tamwa musuminine?' ²⁶ Lelo nga cakwebati tulande ati, 'Niku bantu' tukotina icina bwingi, pantu bonse batunga Njoni ukuba kasesema." ²⁷ Eluntu ba asukile Yesu elo no kulanda ati, tatwishibile. "Naye epakubeba ati, "Ifyo fine Nandibo ntamyebe niku nsambu ndo uko ncitila ifi fintu. ²⁸ Lelo mwebo nindo mu tontonkanyapo? Umuntu alikwete abana baume babili elo atile kuwa kutampilapo ati, 'wenu, 'Mwana wandi, kabuye lelo uye kubombako mwibala lya mwangashi.'

²⁹ Umwana mwaume alyasukile ati, 'Nebo ntayemo,' lelo panuma aisa kwalula amatontonkanyo elo no kuya ku bomba."

³⁰ Eluntu umuntu aile ku mwana mwaume uwa bubili elo no kulanda kuli ye ifintu fimo fine. Alyasukile no kulanda ati, 'Nalaya tata' lelo taile. ³¹ Ninani pali aba abana babili uwacitile ifyo wishi alikufwaya?" Balandile ati, "Uwakutampilapo." Yesu alilandile kuli bo ati, "Mu cine fye nkolanda kuli mwebo ati, ba kasonkesha elo na maule bakengila mu bufumu bwa kwa Lesa pali mwebo. ³² Pantu Njoni alishile muli mwebo mu nshila iya bulungami, lelo mwebo tamwa musumiin. Lelo mwebo, no luntu mwa bwene ifi, tamwalapiile panuma elo noku musumina.

³³ "Kutikeni ku mulumbe naumbi uyu. Kwaliko umuntu umo uwakwete impanga. Alibyele ibala lya myangashi, abikako nelinga abikamo ne cakukaminamo umwangashi, akulilamo no lupungu no kusonkesha kubalimi ba myangashi. Eluntu aile ku calo cimbi. ³⁴ Uluntu inshita ya kusombola yapaleme, alitumineko bamo ababomfi ku mulimi wa myangashi ukuya kupiita ifisabo. ³⁵ Lelo abalimi bamwangashi balipitiile ababomfi baumapo na umo, umbi ba mupuma elo umbi naye bamwipaya elo kabili noku longaula umbi amabwe. ³⁶ Nakabili umwime alitumine na bambi ababomfi, ukucila paba kutampilapo, lelo abalimi bamyangashi balibacitile mu musango umo wine. ³⁷ Panuma ya ifyo, umwine alitumine umwana wakwe kuli bo, no kulanda ati, Bakaya ku cindika umwana wandi.'

³⁸ "Lelo uluntu abalimi ba myangashi ba bwene umwana mwaume, balitampile ukutepelekeshanya abene beka ati, 'Uyu e mpyani, ka tumwipaye elo no kubula ifyuma. ³⁹ Elo bamupitile, bamuposa na kunse yebela lya myangashi elo no kumwipaya. ⁴⁰ Nomba uluntu umwine webala lya myangashi akesa, Bushe nindo akesa ku cita abalimi ba myangashi?"

⁴¹ Balilandile kuli ye ati, "Akesa konaula mu cifukushi abo bantu bakubipisha, elo e luntu akasonkesha ibala lya mwangashi kubalimi ba mwangwashi bambi, abantu abo abakamupa icakaniko ca filimwa pa nshita iya kusombola."

⁴² Yesu alilandile kulibo ati, "Bushe tamwatala amu belenga mu malembo ati, Itafwali ilyo bakakula basuulile elya isa kuba ilya pa cifutu. Ici ca tulile kuli Shikulu, kabili cakupapusha mu menso yesu'? ⁴³ Eico kanshi Nkolanda kuli mwebo ati, ubufumu bwakwa Lesa bukapokwa ukufuma kuli mwebo elo bukapelwa ku calo ico icitwala ifisabo. ⁴⁴ Naye onse u ukawila pali ili itafwali aka putaulwa mutupimfya. Lelo ye onse uo likaponenapo aka shonaulwa." ⁴⁵ Uluntu abakulu baku bashimapepo naba Falisi bakutikile imilumbe yakwa Yesu, balisumine ati alikulanda palibo. ⁴⁶ Bali kufwailisha ukumwikata, balikutina icintu bwingi, pantu abantu bali kumutunga pali ba kasesema.