¹ Ehele edjei litoto e Yesu kilisito, mana o Davidi, mana o Abalama. ² Abalama amowotali Yisaka; Yisaka amowotali Yakobo, Yakobo amowotali Yuda la wamaanango. ³ Yuda amowotali Peleze la zela, ngbau edjali Tamala; Peleze awotali Ezelona, Ezelona awotali Lama; ⁴ Lama awotali Aminadaba, Aminadaba awotali Nayasona, Nayasona awotali Salemoni. ⁵ Salemoni awotali Boazi nango edjali Lahaba, Boazi awotali Obede iwo la Luta. ⁶ Obede amowotali Isayi, Isayi amowotali Davidi. Likumu Davidi amowotali Salomo la moli omoki mo wato wa Ulia. ⁷ Salomo amowotali Loboama, Loboama amowotali Abidja, Abidja awotali Asa. ⁸ Asa amowotali Yozafata, Yozafata awotali Yolama, Yolama awotali Oziyasi. ⁹ Oziyasi amowotali Yotama; Yotama awotali Azaka; Azaka awotali Ezekiasi; ¹⁰ Ezekiasi awotali Manase; Manase awotali Amona; Amona awotali Yoziasi; ¹¹ Yoziasi amowotali Yekoniasi la wamanango, engele ekpalemate iwo la Babilona.

¹² Mbuse ewototami owu la Babilona, Yekoniasi amowotali Silitieli; Silitieli awotali Zolobabeli; ¹³ Zolobabeli amowotali Abiyudi; Abiyudi awotali Eliakimi; Eliakimi awotali Azolo; ¹⁴ Azolo awotali Sadoki; Sadoki amowotali Akimi; Akimi awotali Eliyudi. ¹⁵ Eliyudi amowotali Eleyazala, Eleyazala awotali Matana; Matana awotali Yakobo, ¹⁶ Yakobo awotali Edjepu, molome o Maliya ongo omowoti Yesu, ongo okomowelaka iwo kilisito.

¹⁷ Edjei mawota liyomu la ineyi obandji la Abalayama tee la Davidi, wawotami liyomu la inei obandji la Davidi tee la ototami ewu la Babilona pe wawotami liyomu la ineyi abandji ototami la Babilona tee owotami o Kilisito.

¹⁸ Denga engele ewumali owotami o Yesu kilisito. Maliya, nango Yesu, adjakali wose o Edjepu, kasi, liwoso ate wayikane, Maliya awumali la lemi la okolu e elimo esatu. ¹⁹ EdjePu ose onde, adjali moto molamu atibalali omosamboli, alukali ndenge ate akawane la inde la oisani ²⁰ Ndenge edjakali inde omungoli, ahumbwa e Mwengei amopumbelia la saki pe amwaselia: Edjepu, mana o Davidi, otidje la mbangi la ototi Maliya nda moli e owe, la loyi ate mana ongo odjei la solo ende alongoyi la elimo esatu. ²¹ Akowota mana opele pe okomohekele kombo e Yesu laate inde moto okowakalesa wato wande la obee owu. ²² Djinge sambo kpaa ikoengesama la ate sambo ekpomali likumu atie wasakoli makoyengesama: ²³ Denga, mana o moseka akowuma la lemi, akowota mana opele alidji wakomowela ate Emanweli, enge easi ate Mwengei laiso mongindji. ²⁴ Ango esusuali Edjepu, akelali ndenge emowaselali ahumbwa aleeti amototali moli onde, ²⁵ Ati wanesali wenge la inde tee ango ewotali inde mana opele, amohekeliya kombo e Yesu.