¹ Mboli e owotami o Yesu la Betelema e wa Yuda la masio mango madjaakali Elode Likumu, wadenga wato walomungo wa midjoto, walongoiya ongo la epumbeli e liusause wakadjia la Betelema. ² Waasia ate: eni Likumu o wayuda awotami? Late toeneli mondjoto monde ango edjakali iso ongo la epumbelo e liwusawuse, ase todjayakongi la inde.

³ Ango eokia Likumu Elode ndjongo, mamungo ma mosambali inde la wato wa Yelusalema kpaa. ⁴ Ase awabolyanesia makumu ma wanganga Mwengei la wato wa lokenge kpàa apotia owahueli nda ati ewotami Kilisito?” ⁵ Wamwaselia ate la Betelema e wa Yuda; ase denga ndenge enge edhingamali la mboka e mosakoli. ⁶ Ase owe Betelema owe ma moki oeti mokeke ndondo e miki misungumisungu ma Yuda; late moto mokikima ongo okookambani, akokamba wato wa Isalayela akopumba atie owe.

⁷ Ndjongo Elode awawelaali wato wa lokenge la oyaisi ase awahuelia olamu olamu late ayewe nda engele mweneneli modjoto muho; ⁸ Ase ango ewatomali inde la Betelema, aasali la iwo ate kekeni okamolukani mana oho olamu olamu, inga omwenekeni, djakani o ndjaselani mbai late mbai mpe ikayakonga lainde.

⁹ Mbuse e omoki Likumu, wakeeli. Mondjoto mungo eeneli iwo ongo ekopumbaka liusause, edjakaali okii liwoso lau, tee ekayamalia likolo la mana ongo omokeke. ¹⁰ Ango eeneli iwo mondjoto muho waemeleeli ngbii. ¹¹ Aleti ango elingelaali iwo la molako wamogbotia mana mokee ayabati iwo la nango Malia, wamaya mauli wayakongia lamano oho. Wadhukolaali ogumake owu ase wamohekelia makawo wolo, paka, la malasi. ¹² Mbuse, nda ewaunelaali Mwengei la saki ate watimowongwele Elode, wa wongwali la moki mowu la eeti mboka.

¹³ Mbuse eiwo owongoi, denga! Ahumbwa o Mwengei amopumbelaali Edjepu la saki amwaselia ate: amala, motota mana la nango ndjongo tila la Ezipito, alidji yabata ongo tee ango ekowaasela mbai ate owongwe, late Elode akobalaka omolukani mana ate amoole. ¹⁴ Ndjongo ayamalali ase amototaali mana oho la nango la likolo ase akeeli la Ezipito. ¹⁵ Ase ayabatali ongo tee la logo e Elode, late ungo owasaali Mwengéi la monoko e motuke monde moengesame: imowelaali mana ombai alongwe la ezipito. ¹⁶ Ndjongo ango eeneli Elode ate wanganga myoto wamohengi aumaali la limemu ngbii, ase atomali waole wana kpàa wa pele opoti mbula iwale tee sese wango wadjakali la Betelema aleti la miki maho kpàa, ndenge wato wa lokenge wamuaselali. ¹⁷ Laate eyengesame enge mosakoli Yilimia aasali. ¹⁹ Ango egbaali Elode, denga! Ahumbia e Mwengéi amopumbelaali Edjepu la saki la Ezipito. ²⁰ Ase amwaselia ate: amala motota mana la nango okeeni la moki mo Isalayele late wango wadjaakali omoluki omooli mana oho wagbieke. ²¹ Ndjongo ayamalaali ase omototia mana oho la nango ase wawongoiya la moki mo Isalayele.

²² Aseko nda eokaali inde ate Akelosi adjakaali Likumu ongo la Yudeya ebete esango Elode, awangaali okii ongo aleeti, nda emokebesaali Mwengei la saki, akeeli ongo la moki mo Galileya. ²³ Aleeti ayabataali la moki mwesi eweli iwo Nazaleta, aloi ate eyengesame wungo oasanaali la nano e wasakoli: wakomowela ate moto o Nazalete.