¹ हान सावाएमलेनओ थेन्युडा एखपओ बुसि लेन, ओङसा लिहिडा मरियम मग्दालिनि का हाउसो मरियम सुचिन्खुम खाङसि मता। ² मन्कि खाङानुम, धिलुटलि खारा, देनादि धिवाङ हाएसिओ अक्टेट याकेन्छा सारूडगाङका ह्युनि मधासा, का ताकि लुङटाक सोत्ताकि मोधानि मयुङा। ³ मोसाओ ङालुङ यानचुरि इसा, का मोचिओ सङनान नाङइसा ओमचुक याआङा। ⁴ नङ मोचिओ कुमाआ मोचि हुङकाबाचि धुन्धुनि मधुन्ता, का सुवा इसा मलिसा।

⁵ मेन सारूङकेन्छाआ मोचि मारिछाञा मयिङा, 'खानाचि मानकुमाकात्दानुम, देनालो सिनताङयाक हे खानाचि इलाकडा लाक्‌ताननिनओ देकमिञा अलाम्याङ। ⁶ खोनिन ओडा लिमा नुनिन देनादि खोनिनआ लोवानिन ओटनि खोनिनओ लाहङलेन लिसाओ याआङ। बानानुम, हाएसि फेयानिनओ खाम् खाङानुम।

⁷ हान चकनि खाराकि खोनिनओ खेन्‌माछाचिञा यङखान पुवानुम, खोनिनओ लाहङलेन लिसाओ याआङ, का खाङानुम, खोनिन खानाचि चोङलो बुसि गालिलडा खात्मानु, मोडा खानाचिआ खोनिनञा अटोक्वोङ। खाङानुम, अङकाआ खानाचिञा लोवाओ याक्ङा, ओनेउ।'

⁸ मन्कि मोकोचि कुमा का धिसावालेत सुत्डा हालेङे एपमाखाडाङका लोन्ताकि मखारा, का खोनिनओ खेनमाछाचिञा यङखान पुसिञा मलोरा। ⁹ मन्कि खाङानुम, देकमिआ मोकोचिञा धिराकि लोवानिन, 'नुसानने।' नङ मोकोचिआ चुकडा ताकि खोनिन्‌ओ लाङ लाप्तकि खोनिनञा सायालोङ मचुवा। ¹⁰ मोबेन देकमिआ मोकोचिञा लोवानिन, 'मानकुमाकात्दानुम, खारानुम, अङनिछाचिञा गालिलदा खातसिञा लोनिपुवानुम, का मोडा मोकोचिआ मटोकताङवोङ।'

¹¹ नङ मुन्टोङ मोकोचि खात्याङसा याआङा, खाङानुम, खाचोपवाखप्‌ओ खाउ खाउङे तालावाङडा ताकि बुलाम्बु बुबमिचिञा मोडा लिसाओ मुवाइमुचि लोनि मपुवा। ¹² नङ मुन्टोङ मोकोचि पासङ बुलाम्बु सुत्डा झाराझुम मलिसा, मोबेन टाङकारूकचिञा उसओ यिङाकि बदधेका फेकवा मपुवा, ¹³ 'खानाचिआ लोमा, हे आनकान इम्साओ वाइदा मोसाओ खेन्‌माचाचिआ ताकि मोसाञा खुसाकि मखाट्टुयाछा। ¹⁴ नङ खाटनिङे धिखारूखाहाङछामिओ नाबाकडा ओको दुम तालो, आन्‌कान् खोनिनञा नुवानुत्ताकि खानाचिञा रातनि पुउमने।' ¹⁵ मोबेन मोकोचिआ मोको फेकवा ताराकि मचिनलुवा ओटनि मचुवा का यहुदिचिडा आइओ लेन्तारि ओको ङे दुम फेयाओ याआङ, ओको ङे डोवाङदुम याङतुओ याआङ।

¹⁶ मेन अक पौङे खेन्माछाचि गालिलडा देकमिआ मोकोचिञा खप्मेत्तुओ भुरूडा मखारा। ¹⁷ नङ मोकोचिआ खोनिनञा टोकताकि सायालोङ मचुवा, मेन् साङआ ना मिन्छेन् मचुवा। ¹⁸ मन्कि मोकोचिओया बानाकि देकमि मोकोचिसुत्डा उसओ यिङयाङसा चेवानिन, 'सारूङगा का हेन्‌खामाडा झारा कोपरू पुवाङचिनओ याआङ। ¹⁹ ओसुन्दुम खाराकि झारा लुङवाङओ रावाचिञा खेन्‌माछा मेत्तानुम्, का पापा, सावाछा नङ् वाचोङ साकोङओ नुङडा हङसानवा पुवानुम। ²⁰ खाक्को खाक्को अङकाआ खानाचिञा इङइवा मुउङ, मोकोचिञा मोचि झारा मुसिञा चिन्लुवानुम। का खाङानुम, अङका झारा लेन, ज्यो, बुलुहुत्‌ओ थेन्यु तारि खानाचिओ ढायुकडा याक्याङा।'