अक अतुम
देकमिओ दियाकचि
1
सुन्तुमदिवाओ दुवाछा, दाउदओ दुवाछा, देकमि निनामछेनओ इवालाम।
2
सुन्तुमदिवाआ यङचावाछाञा पुकमेत्ता, का यङचावाछाआ सोझामुञा पुक्मेत्ता। सोझामुआ यहुदा का खोसाओ निछाचिञा मपुकमेत्ता।
3
नङ यहुदाआ तामारदाङका पेरेज का जाराञा मपुकमेत्ता। नङ पेरेजआ हेस्रोनञा पुकमेत्ता का हेस्रोनआ आरामञा पुकमेत्ता।
4
नङ आरामआ अमिनादाबञा पुकमेत्ता, का अमिनादबआ नास्सोनञा पुकमेत्ता, का नास्सोनआ सल्मोनञा पुकमेत्ता।
5
नङ सल्मोनआ राहब डाङका बोअजञा पुकमेत्ता, का बोअजआ रूत डाङका ओबेदञा पुकमेत्ता, का ओबेदआ यस्सिञा पुकमेत्ता।
6
नङ यस्सिआ दाउद हेन्कोपङञा पुकमेत्ता। नङ दाऊद हेन्कोपहाङआ उरियाओ तायामा डाङका नुसानहाङञा पुकमेत्ता।
7
नङ नुसानहाङआ रोओबामञा पुकमेत्ता, का रोओबामआ अबियाञा पुकमेत्ता, का अबियाआ आसाफञा पुकमेत्ता।
8
नङ आसाफआ योसाफातञा पुकमेत्ता, का योसाफातआ योरामञा पुकमेत्ता का योरामआ ओजियाञा पुकमेत्ता।
9
नङ ओजियाआ योआथामञा पुकमेत्ता, का योआथामआ आहाजञा पुकमेत्ता, आहाजआ एजेकियाञा पुकमेत्ता।
10
नङ एजेकियाआ मनस्सेञा पुकमेत्ता, का मनस्सेआ आमोसञा पुकमेत्ता, का आमोसआ योसियाञा पुकमेत्ता।
11
नङ योसियाआ बेबिलोनडा खाटवोन वाइदाडा येकोनिया का मोचिओ निछाचिञा मपुकमेत्ता।
12
नङ बेबिलोनडा खाटटानचिन नेतलोक येकोनियाआ शालतिएलञा पुकमेत्ता, का शालतिएलआ जरूबाबेलञा पुकमेत्ता।
13
नङ जरूबाबेलआ अबिउदञा पुकमेत्ता, का अबिउदआ एलियाकिमञा पुकमेत्ता, का एलियाकिमआ आजोरञा पुकमेत्ता।
14
आजोरआ सादोकञा पुकमेत्ता, नङ सादोकआ आखिमञा पुकमेत्ता, का आखिमआ एलिउदञा पुकमेत्ता।
15
नङ एलिउदआ एलियाजरञा मपुक्मेत्ता, का एलियाजरआ मत्थानञा पुकमेत्ता, का मत्थानआ याकुबञा पुकमेत्ता।
16
नङ खोक्को मरियम डाङका निनामछेन लोवो देकमि पुकतानिन, मोचिओ सायापा युसुफञा याकुबआ पुकमेत्ता।
17
मुइसाकिया सुन्तुमदिवा डाङका दाउदतारिओ झारा तालाखुकचि साएङलु तालाखुक, का दाउदडाङका बेबिलोनडा खाट्टानचिनओ वाइदातारि साएङलु तालाखुक का बेबिलोनडा मखाटटानचिन डाङका निनामछेनतारि साएङलु तालाखुक मयाआङ।
देकमिओ छावनछा
18
देकमि निनामछेन छावनछा उइसाकिया लिसा - खोनिनओ मामा मरियमओ दोतमुवारि युसुफसुत्डा लिसाओ याआङा। मेन खोकोचिओ चियाकला लिमा चोङलो बुसिङका मरियाम वाचोङ साकोङ दाङका कोङवातमि लिसाओ याआङा।
19
मेन मोसाओ सायापा युसुफ सामयोकमि मना लिसाओ लिहिडा, मोचिञा सासापसा खायोकला पुवो कोङ मानमुदोनि रिपचिडा ङे छितवो राका मुवा।
20
मेन मुनटोङ खोकोआ ओकोचि दुम मिनला मुयाङसा मयाआङा, खाङानुम, सेन्मिडा धिवाङ हाएसिओ अकटेट याककेन्छाआ खोकोञा उसओ लोवाकि मागदालेन मपुवा, "हेइ! युसुफ, दाऊदओ दुवाछा, आमतायामा मरियमञा खानाओया बाटसिञा मानकुमाकात्दे, देनालो खोक्को मोचिओ खापुपडा लिमानु, खोनिन वाचोङ साकोङ डाङकाओङे लिमानु।
21
नङ मोचिआ अकपाङ दुवाछा पुकवोङ, का खानाआ खोनिनओ नुङ देकमि तयुङवोङ, देनालो खोनिनआ आनओ मनाचिञा मोकोचिओ हुमुकवा डाङका फाखालाम मुमा लिवोङ।"
22
यामाङदाङका धिवाङ हाएसिआ चेवानिनओ इदुम लाटला लिने लोवाकि ओकोचि झारा लिमा ताओ मए,
23
“खाङानुम, दिलिसा कोङवातमि मलिवोङ,
का अकपाङ सावाछा मपुकवोङ,
का मोकोचिआ खोनिनओ नुङ इआनकाकनिन मयुङवोङ,
खाक्को तुपयुङ ए निनाममु आनकानका सुत्डा।"
24
हान युसुफ इपमादाङका पोक्तु, का धिवाङ हाएसिओ याककेनछाआ मोचिञा मलोवा खुवातनि मचुवा, का चितायामाञा हाङपाङओया मबाटटु,
25
का खोकोआ, दुवाछा मानपुकमेत्इनलोक तारि, मोकोसुत्डा चियाकला मानमु, नङ मोचिआ खोनिनओ नुङ देकमि मयुङसा।