¹ Amɛnsugbɔ va kplɔ yesu do gacinɔnma yi va jete le otoji godo. ² Okpodɔnɔn ɖeka va teteva yesu gbɔ yi va je oklo yi le nunnunkɔ ni be ahuetɔ nɔn ojroa olanan yi gota xignɛn la kɔ. ³ Yesu vlu alɔ ɖoji yi nun nin be ŋji goto tɔo nɛn kɔ zeɖekaa okpoɖɔ yɛtɔ gbɔn ji. ⁴ Yesu nun nin be ŋgbe nunnɔn mɛnɖe kpuikpui yi osɔ wɛɖeki osɔ viɔ ovɔsatɔ lɔ yi nan sa avɔtɔo si be leci nɔn mɔnse nuixa nɔn ya gnin kunnun ɖe ɖet ɔo. ⁵ Amɛnci jɔla ɖeka va tete gogo yesu gacinɔn mɛn yi va yi kapɛnanmon dumɛn. ⁶ Eva le nunnunkɔ ni le kukuɖeɖe mɛn be ahuetɔ subɔvi xignin kplibɔ ci xomɛn yi le vevese kɔ sugbɔ le axomɛn. ⁷ Yesu nun ni be nan yi axuetɔomɛn yi la va da adɔ nin. ⁸ Vɔa amɛnci jɔla cɛ va ɖo ŋci ni be axuetɔ gnɛn nɛn je be ola ɖo oxɔ xignɛn mɛn ɔn vɔa nun ognɔn ɖeka kpoŋ yi ovi xignɛn la kpɔ odɔ yɔyɔ. ⁹ Ɖoa gnin can amɛngɔnmɛn yi ŋle ŋɖo sɔja ci nɔn yi ŋɖɔnɔn odɔ nɔn ŋdɔ mɛnɖe be nɛn yi a e yi nɔn nɛn nun nɔn mɛnɖe be nɛn vaa e va nɔn yi nɔn ŋɖo odɔ nɔn mɛnɖa owanin. ¹⁰ Eva kpaca yesu gacinɔmɛn yi va ɖo otui godo yesu va nun nɔn mɛnciee kplɛdo be ŋle nun nunɔ nɔn mi bekɔ le gnanwo gnanwo mɛn be gnɛn nɛnkplɔ mɛnɖe kpuikpui le israɛli du mɛn ci nɔn yi ɖo xɔse cɛ xao. ¹¹ Man nui nɔn mian amɛnn sugbɔ sugbɔo la to so we zexue kuɖu we yixɔ yi la va nangnin le okplan ŋci kuɖob abraham isaac kuɖo jacob le jiŋkusi. ¹² Vɔa xi xeamɛntɔ woa ola ɖe wo to ji yin xe nu le vivicimɛn ficinɔn yi veve sese ɖa si kuɖo oɖukliɖuɖuo le. ¹³ Yesu nun nɔn amɛncidɔtɔ lɔ be yi nɛngnin wawa nɔn si be lecinɔn okanɖojiɖo zeɖeka amɛnsintɔ lɔ kpɔ odɔ xɔxɔ. ¹⁴ Yesu va kpɔ pitao sinɔn yi je dɔ gacinɔn yesu va pitao xomɛn. ¹⁵ Yesu tɔ alɔɛ yi zeɖeka cikesi dɔ yɛtɔ gbɔnjin yi sa tɔ yesu sɛnsɛn gacinɔnmɛn yi va site godo. ¹⁶ Le fiɛɛsimɛ an amɛno va hɛn mɛncinɔno gbɔngbɔno ɖɔ le ogbɔ susumɛn va yesu gbɔ yi le kuɖo ŋxoxo ɖexa etuka nɔn amɛnwo yi gbe yɔ odɔnɔn amɛno keŋkeŋ cinɔno je odɔ. ¹⁷ Sɔ to cɛmɛn

an ognɔn nunɖɛ ezaitɔ ci yi gnin be yɛŋtɔ xɔ odɔ lele kuɖo onunhueɖo le amɛnci miantɔo va cɛcɛmɛn.

¹⁸ Ci nɔn yesu kpɔ amɛn sugbɔ je godomɛn nian enun nɔno be onɛn to akpahue egɔnlɔ nɔn axu galiletɔ lɔ. ¹⁹ Kpoa sikributɔ ɖeka va tete vagbɔ yi va nun ni be cica fiɖekpuikpui ci yi ola yia nan kplɔo do. ²⁰ Yesu ɖo ŋcinin be olan gbemɛntɔ oɖo odo cimɛn yi onɔnnɔn yi xevio nɔn nɔn otɔmɛn vɔa egnɛn agbtɔvia gnɛn nɛn ɖo fiɖƒe kpuikpui ci nɔn nan sɔn ota ɖo kpecio. ²¹ Onun kplanvi bu va nun di be axuetɔ ɖemɔn nun nɔn manyi ɖi odagnin keŋ gbɛxue. ²² Vɔa yesu ɖoŋci ni be kplɔŋdo yi nan tasi mɛn kukuo nɔn wa ɖi woɖeki. ²³ Gacinɔnmɛn yesu ɖo aklo ɖeka mɛn yɔ onun kplan yɛtɔo va kplɛdo. ²⁴ Kpoa aya gangan ɖeka va tɔ xoxo kaka aklo va ji la gnrɔn ɖo axulɔ mɛn vɔa yesu le alɔn mɛn. ²⁵ Onunkplanvi yɛtɔo va fuin yi le hun nun nkɔ ni be axuetɔ hlɛn mi gan mi le ja crɔn. ²⁶ Yesu va nun nɔn wo be ŋɖejɔ mi le vɔnvɔnkɔ agbetɔ xɔseviwɛ ɖotɔo kpoa yesu va site yi va kan adan nɔn aya xoxo lɔ kuɖo a xu lɔ kpo yi zeɖeka onu sianu ɖote. ²⁷ E va kpaca amɛno yi ova le nun nunkɔ be mɛnɖe ŋtɔ yi gnin mɛncɛ ɛ yɛ kaka ayaxoxo kuɖo axu kpoo va senɔn tonun nan. ²⁸ ŋsuglo amɛnve ci nɔno ɖɔ kuɖo gbɔngbɔn vuino va va yesugbɔ gacinɔmɛn yi va to le gadarenientɔ o dumɛn oto le yɔdo mɛn yile adannun wakɔ kaka omɔn zɔntɔ ɖekpuikpui nɛn kpeŋ ci la va yio. ²⁹ Mi kpɔa ŋŋsu amɛnve cɛɛwoa le ŋkɔ nɔn yesu a ovale nunnunkɔ kuɖo axua kpo nɔn yesu be Mawuvi ŋɖe dɔn miɔnwo kuɖo wɔkpo ca ova ofiɛ yi la va do tu ka ɖa nɔn nin keŋgbɛxue gaxoxo lɔ ŋtɔ la va va yɔa. ³⁰ Le axa le oxa le oxɔna agluzao sugbɔ le onunɖukɔ le okpomɛn. ³¹ Gbɔngbɔn vuincɛo va le kukuɖekɔ nɔn yesu kuɖo axuakpo be nɔn oji la gnan mian ɖo mi ɖaɖa ogluzakpo cɛ mɛn. ³² Yesu nun nɔn wo be mi yi gbɔngbɔn vuin lɔo to yi ɖo agluzalɔo mɛn yi zede ka ogbando yi vɛ crɔn le axumɛn. ³³ Ohagnintɔlɔ o si yi ɖo odu lɔ mɛn yi va yi onun ci nɔn yi jɔ ɖo ŋsuglo amɛnve cɛ o ji. ³⁴ Yi oduamɛn tɔo keŋkeŋ to va yesu gbɔ ciwo kpɔ yesua ole kuku ɖekɔ nɔn yesu be nɛn jo le oduamɛn nɔnwo.