¹ Min gbe ɖo kojo nɔn mɛnɖe nɔn ogbe va ɖo nɔn mi ɔ ɔno can. ² Lecinɔn mi jre nɔn amɛno nɛnnɛnke ola jre nɔn miɔnwocan. ³ Wɔ nɛnkpɔ onungangan ci nɔn yi je ŋkuvi ji nɔno yi ebekuin viwɛ cinɔn yi le nɔnvio tɔji yi kpɔkɔ o le. ⁴ Ŋɖejɔ yi obekuin cinɔnyi le nɔnvio tɔji yi jikɔ le la ɖe yitrɔ gbe onungangan ci nɔn yi le ŋkuvi tɔo ji. ⁵ Ayemɛnnu watɔ ɖe acikuin gangan cinɔn yi le ŋkuvi tɔoji atinŋŋ nan ŋkuvitɔ ɔ akpe ŋci akpɔnun je nɔnvio tɔji ganɔnmɛn nɔn ɖe obekuin cinɔn yi le nɔnvio ŋkuviji. ⁶ Mi gbe sɔ ŋɖuɖu adodui asɔnan ɖuvio yi kea mi gbe sɔ jenuno asɔkɔ ɖo ŋkɔ nɔn agluzao kuɖo dusu be ogbe va ɖo avɔji o yi la va trɔ yi godo keŋ ava drɛn mion. ⁷ Mi biɔ yi ola nan min mi ji yi mi la kpɔ mi xuxu yi wa hun nɔnmin. ⁸ Ɖoa mɛnɖekpuikpui yi bi ɔ a la kpɔ mɛnɖe kpuikpui ci nɔn ji lo kpɔ yi ola hun nɔn mɛnɖekpuikpui ci nɔn yi le ohɔnlɔ xuxu kɔ. ⁹ Mɛnɖe le mian mɛn yi la sɔ ekpe ɖo alɔ mɛn nɔn ovialɔɔ gacinɔnmɛn yi la va biɛ kpɔnnɔn. ¹⁰ Alo yi va sɔ odan do alɔmɛn nɔn ovialɔ nɛn eva biɛ kpavi. ¹¹ Amɛngnlanku cinɔn min gnin min jesi onun adodui yi nan nɔn mian vio min kpɔ ze nɛn nin ci nɔn mianda kɔ kuɛ yi la nan onun adodui mɛnci nɔn yi la biɛ. ¹² Ŋcinɔn mi jinɔn be wa wa nɔn mia mi wa nɔn amɛno can ɖoa ose yi gnin kuɖo ognɔn nunɖɛ. ¹³ Min ɖo mɛn to xɔmɔnnun viwɛlɔ ɖoa xomɔn nu ganganlɔ kplɔ nɔn amɛn yi crncrɔn mɛn yi amɛn sugbɔ le crɔncrɔn mɛn lɔ o mɔn sɔ kɔ. ¹⁴ Ɖoa xɔmɔn nu vi wɛ kuɖo omɔnviwɛ lɔo yi kplɔ nɔn amɛnyi agbe manvɔ lɔ mɛn yi amɛnkpui ɖeo kpoun yi sɔ nɔn omɔn agbetɔlɔ. ¹⁵ Mi ci mianɖekuio ɖaɖa ognɔn nunɖɛ tɔo agɔo cio gnin ohlao vɔa yi do nɔn lɛngbɔ gbazao. ¹⁶ Mi la do jesio sɔ to oku sɛnsɛn wotɔo olatɛnŋ gbɛn acikusɛnsɛn ododui le aci gnrangnrano jia alo le ŋjaci baɖabaɖa o jia. ¹⁷ Nɛn nɛn kea aci adodui sɛn nɔn oku adokui vɔa aci gnrangnran sɛn nɔn oku gnrangnran. ¹⁸ Yiaci adodui sɛn nɔn oku adokui yi nɛn nɛn kea aci gnrangnran sɛnnɔn oku gnrangnran. ¹⁹ Ola so aci ɖekpuikpui ci nɔn nɛn sɛnnɔn oku adoduio yi la gbe bii. ²⁰ Yi nɛnnɛnkea mi la do jesio sɔto okusɛnsɛn wo tɔo mɛn. ²¹ Nɔn mɛncio nunnɔn ahuetɔ ahuetɔ keŋkeŋo la yi ofiɔɖun hue lɔ mɛno vɔ a mɛncinɔno wanɔn ojro Mawu tɔ. ²² Amɛnsugbɔ sugbɔ o la va tonun gbehɔngbe be ahuetɔ ahluetɔ min nɛn nun ognɔnɖɛ sɔ to gninkɔ tɔo mɛn lo min nɛn gnan gbɔngbɔn vuio le gninkɔ tɔ o mɛn lo yi nɛnnɛnkea min nɛn wo onun ji nuno le gninkɔtɔo mɛn lo. ²³ Yi nan va nɔno le ŋmɛn ŋmɛn be gnɛn nɛn jesi mi no min tete ɖaɖa on un vui watɔ cɛo. ²⁴ Min ɖekpuikpui ci yi se nɔn ognɔn xignɛn yi zɔnnɔn ɖojia ele sibe mɛnci gba ahue ɖo okpeɖi xa. ²⁵ Yi ahue xɔ na aya la xo oji ja ɖoji voɔ nan. ²⁶ Vɔa mɛncinɔn yi se nɔn ognɔn xignɛn yi nɛn zɔnnɔn ɖojia ele si be be sukunɔn cinɔn yi gbanɔn ahue ɖo kugudumɛn. ²⁷ Axɔ cɔ va gninnɔn gbangban gacinɔnmnɛ aya la xo oji la ja gacinɔnmɛn etɔ la ɖɔ. ²⁸ Gacimɛn Mawuo gnɔn si ve va ci yesua onun kplankplanlɔ va gnan sese nɔn dukɔnlɔ. ²⁹ Ɖoa ele onunlɔkplano kɔ kuɖo acɛkpakpakpo sɔɔtovo nɔn skribtɔo.