¹ Iyi nsesi eni Iesu Kristu mori Novu yovogi worsesi pogi ovon levsau sie tawi tantop kamsok.Iyi yompi iror ndukili marogi hai nagelou itamuli pogi levsau eni Ioane. Ioane yenwatopne ogi nam en ² Novu im ovnompuvsok ogi Iesu Kristu,siame su mori iyi yokhi. ³ Nevaiveh iyi mori kamahapisak ovon nam iyihi,im iror mori kumandigi ovon nam nompi im mori kumnalkolki sie ndwotai wi,ra ndan kompotpot. ⁴ Ioane,ponor ovon nimo tompor(seven)Esia:Itmas pau pogkum im nenparata komne marogi iyi mori kamante,im yete,im mori koumampelom,im ra ovon naviat(seven)mori kumante ra ilvuk lou isen, ⁵ Im ra Iesu Kristu,mori iyi nompuvsok tampoliveh,mori iyi nomprokomol mampum ra nmah im iyi kamnarigi ovon ov'vatmonuk sak ra nmap.Pogi iyi mori yelintogkoh im tenimpe koh marogi ovon sat enogkoh marogi nde isen ⁶ iyi yompikoh hai lou,neteme terenwi/nompun nimo tompor gi Novu isen im Etment--pogi iyi ov'nilaslaswi im horogsak uvruni im uvruni. Amen. ⁷ Ukhi,iyi kamampelom gi ovnompwau;ovon nipmi omwisu waghi iyi,ndal iror mori ndu sei nokorin.Ovon lousulousu ra nemap (wandgompunum iran)wonagri montogi iran.Oo,Amen. ⁸ ''Yau Alfa im Omeka,''nenwi enyau yau Novu,''iyi mori kamante im mori yete im koumampelom iyi gi horogsak eni.'' ⁹ Yau,Ioane--avenhai kimi im iyi mori ndal kimi muvai nohoru im lou im noramel tawi navlutnin mori ra Iesu --memete ra nompuwo ndwatovnin Patmos ra nam en Novu im ovnompuvsok ogi Iesu. ¹⁰ Yau mete ra Naviat ra ndan eni Novsurumon.Yau memorgi rantag hai navian yamsak hogku su ha tovuwi. ¹¹ Yemoku,''Etai sie kemaghi ra netai im mentamuli ponor ovon nimo tompor(seven)pogi Efisas,pogi Smira,pogi Perkamum,pogi Tiatira,pogi saradis,pogi Filatelfia,im pogi Laodisia.'' ¹² Yau movoli yau worokhi mei ma navian yemam poyau,im yau memovoli yau memokhi (seven)ovon koul woretur worelkavi ovnilar mori ma. ¹³ Ilvukuten ra ovnilar mori ma hai yemetur iyuwi hogku su hai nitni neteme yevai gi hai nemah yatau yehep ra non hai momu nemah yagkau gi nementigon. ¹⁴ Nompun im novlin nompun yemetrehevo hogku hai ul --hogkusu hai sno--im ovnipmi hogkusu hai navlarnom. ¹⁵ Ov non hogkusu ovon brons itriorgi,hogkusu brons mori kutni ra nom worompalogi,im navian hogkusu ovon nu ntamah kumnalou moyep. ¹⁶ Yelkavi ovon mosi (seven)ra norun meveh,im hai nautugo itrako nogkon m'nogkon yempelom ra nogun.Nipmi yem miyor hogkusu nen ra ndan nen. ¹⁷ Nempigon yau mokhi iyi,yau momol ra non hogkusu hai neteme iturmah.Iteihak norun meveh irag im memoku,''Kotwametet.Yau mori mampum im avni. ¹⁸ Im iyi mori kamamurep.Yau mah,ko ukhi,yanante uvruni!Im yakam nelkavi ki ra nmah im ra nehewate. ¹⁹ Mompi ma etai se kepmokhi,se marima,im se koumemante penuri siame imo. ²⁰ Kou gi se vamon ogi ovon mosi mori ma(seven)kokhi ra norun meveh,im ovon woretur ra ovon nilar mori(seven:) Ovon mosi mori ma iror ovon(seven)nimo tompor,im ovon woretur mori ma iror ovon nimo tompor(seven)hogku.Ovon(seven)mosi mori ma iror ovon nagelou ra ovon nimo tompor mori ma(seven),im ovon(seven)non woretur iror ovon nimo tompor(seven).''