Netai eni Timoti penuri tamas:1virok:1 mafeli-18
1
Pol apostol en Iesu Kristu murigi nakayogi en Novu,marogi neyeviwoh ra nomurep mori unisog Iesu kristu,
2
pogi Timoti, nalau ndwolintogi:Itmas pau togosovli im nenparata ra Novu Itment im Iesu Kristu Novsurumon enogkoh.
3
Yakamanwi kompalogi pogi Novu,mori yakamentorogat wi marogi ovotalam enyau,gi hai ntaru itetar,hogkusu yakamanteigi taruwogkum ra ovnofuaki enyau pumrok im pwakah go
4
Mementarugi ovon novlimtomi,yakam nakayogi worokohkum,ma yakampwar gi navoh.
5
Yau yakementaru wogkum ra ovon tavniriveh enogkimi mori yete mampum ra uyou Lois im ndnme Unes,im yakamagkili ma kamante hogku iram.
6
Ra nompi iyima,Yau yokoumem manwi ponok worilar gi ovon itmah en Novu mori iram marogi yaumetipe norug iram.
7
Ra Novu yetuvogkoh naviat gi nemetet,kou gi horog im nelitogi im neteveh .
8
Mompi ma kotwon naromprom ra ovon nompumsok gi Novsurumon enogkoh,ku irag,Paul prisina isen.Kou,nesoru kosu gi nam navosavos marogi horog en Novu.
9
Iyi mori yompalogkoh im movrogkoh gi hai novrogi mori tompor,tawi marogi ovnompurak horet,kou marogi ovon taru im nelintogi,mori yovogkoh,unisog Iesu Kristu mampumpe penuri ndan yatipotnin
10
Mori ndusesi parogi nvelom en Iesu Kristu Neiyowara.Iyi yemetipe nmah ra navlutnin,paimpelom ra nilar nomurep im kotwamwi sai ndan marogi nam navosavos.
11
Mori marogi ndusemsi yau worvelom hai neteme torenwi,im aposol,im hai tavsogi.
12
Ra nompi ima yau masauwi hogku.Kou yau yokotum naromprom,ra yakamagkili mei ma yakemen tavnirigi iyi,im yakemen tarugiveh magku iyi fan neteme iyi mori kaptavnirigi iyi mafeli ndan mori.
13
Efinteveh ovon sesie ra ovon nam kimorgi irag,ra tavniri im nelintogi mori ra Iesu Kristu.
14
Ovon siame armai ndu tavniri iram muvonok,avlehvehwi gi Naviat Tompor mori kamante unisog koh.
15
Kimokili siame imo,ma omuwi su kumante Esia nduwalou muvyokyau,ra mompon iror ovon Fijelas im Hermokenes.
16
Novsurumon kamponok togosovli pogi nimote en Onesiphoras,ra iyi yemanteigi nompalok yau im yetum naromprom gi nevat neiti irag.
17
Kou Yemete Roum iyi yatekisak veh.
18
Novsurumon kampogi iyi worohorogi worvai ra Novsurumon ra ndan mori ma.Im kemagkili.