1
Paul,silvanus,im Timoti,ponor nimo tompor ra nur Teselonia ra Novu Itment im Iesu Kristu Novsurumon.
2
Nevaives pogkum im nenparata ra Novu Itment im Iesu kristu Novsurumon.
3
Koklanteigi worenuwi kompalogi pogi Novu irami rapmamsaime.Iyi hai nompi aremai,ra ntavniri enogkimi kamenteli momu im momu,im nvaiveh enogkimi irami wokon kamehakveh.
4
Mompi kakimlanwukum wi ra ovnimo tompor su en Novu kakimlenamgi noramel im tavniri ra ovon ndan ndomo kumampe wi.kakilanwukum ra ovndan ndomo kumutantevak pewi.
5
Iyi hai nsesi tanpoves eni Novu.Kwampelom ovon nompogon ra lou en Novu mori kumasau wi.
6
Ra iyi hogku,Novu kafitorilki ovon nompi ndi ponor mori ndwompi kimi ur,
7
im aremai niskomi mori kumuvai ndomo ndal kam.Iyi konompi ra ndan nvelom en Iesu Novsurumon ra pokup ndal ovon nagelou ra horogsak eni.
8
Ra navlarnom iyi kafitorilki ponor mori kutumagkili Novu im ponor mori kutum nakayogi nvai nam ra nam navosavos en Iesu Kristu.
9
Wampai novselatvi mori uvruni isut marogi nipmi Novsurumon im ra nilaslaswi ra horog eni.
10
Iyi konompi imo nempigon kamentorilki ra ndan mori ovoteme/ovnetwontu wampogi nilaslaswi im mampaihak iyi ovoteme mori kumontavniri gi iyi.Ra ovon nempeleveh enogkam kumutavnirigi.
11
Ra siame yihi kakimlanteigi nofuaki niskomi,kakimlenofuaki ma Novu enogkoh kampai kimi itnompogon ra novrogkum hormi.Kakimlenofuaki ma iyi agkompliveh ovon nakayogi gi siame armai im ovnompurak su gi ntavniri ogi horog.
12
Kakimlenofuaki gi siame iyihi ma nin Iesu Novsurumon kampai wi nilaslaswi irami.Kakimlenofuaki ma kwampai wi nilaslaswi iran,ra nefielintogiveh en Novu enogkoh im Iesu Kristu Novsurumon.