1
Marima ogi nvelom eni Iesu Kristu Novsurumon enogkoh im worete ra hai novrompun haiteven worevtit ndal iyi,kakimlentagkolkum,rapmamsaime,
2
ma kutwon nendvavosu sempia im nvai neoumple,nendevawo nagku gi hai naviat,gi hai hai nam seleli,ku gi hai hai netai mori kamesesi horog ku kamne marogkam,worenuwi ma ndan eni Novsurumon kokvelom su.
3
Kutwontenimpe ma hai neteme konovotogkum ra hai nokugo itokwo/itoko.Ra kotwampelom mafeli penuri ndan ra hai nomol kampelom mampe,im neteme ra worarki namalam iyi kamsok/kamamsok,nitni worsaiki/worokini.
4
Iyi mori ma neteme ntapmi im memandiokisak iyi pe iyi parogi siame su mori worovrogi ma iyi Novu ku mori worteveta wi.Iyi mori ma kamantehep ra nimo tompor en Novu im memantipe iyi hogku Novu.
5
Mose kutumontarugi nempigon yau ndal kimi yau menuwi pogkum siame imo?
6
Marima kumagkili se ma kamesaveti pelak iyi,ma koumamsok wokon ra ndan semsi eni.
7
Ra siame famon ra narki namalam kamnompurak,hai neteme kamesaveti pelak iyi mafeli wampai pelak iyi ra nokugo.
8
Im neteme narki namalam worsesi iyi,mori Iesu Novsurumon kontalogi gi navian nogun.Novsurumon kampai iyi kampelom hai neteme nendevavo gi nvelom eni.
9
Neteme narki namalam kamampelom ndan eni kompotpot ra nompurak eni Natmah ndal ovon horogsak,nsesi im nompi namlai,
10
im gi ovon namlai ra tawi tanpoves.Siame imo iyi niskon iror mori kumampia/kumnamiap ra nduvai nelintogi ra tanpo woraviveh iror.
11
Ra nompi imo Novu kamentamuli ponor ovon nompurak ndi ma wagkili tavniri gi hai namlai.
12
Nompi wi ma iror wampai nurian iror mori ndututavniri gi tanpo kou duvai nomolsep ra tawi tanpoves wi.
13
Kou kam/koh kolanteigi nenuwi kompalogi pogi Novu irami rapmamsaime mori ovon nevaiyeves en Novsurumon.Ra Novu isemsi kimi hogkusu ovon novwan mampum ra neiyoum keiyoarawara unisog ovon nofuaki ra Naviat im tavniri unisog tanpoveh.
14
Yovrogkum worenwi marogi nam navosavos enogkam,ma kwagkili nvai nilaswi en Iesu Kristu Novsurumon enogkoh.
15
Mompi ma rapmamsaime,utur ndomo im monekkavsisi nogkogko ra ovon nompi mori ndu tavsokond gi ra nam ku ra netai enogkam.
16
Marima Iesu Kristu Novsurumon iyi kohai im Novu Itment,mori yelintogkoh im movogkoh norgiveh uvuruni im taru aremai marogi nofiyelintogi,
17
itmas eni/konesitu im magklogi ra ovon patmonuk hormi gi ovon ovnompurak armaigo im ovon nam.