¹ Tutu meadoan nio se yapu Jisas na mi neti devet, ah mi neti Epraam. ² Epraam ma lingi Aesik, Aesik ma lingi Jakab, te Jakab ma lingi Juta te san bivian nio. ³ Juta ma lingi Peres te Sera,sea nana sa mi temar. Peres ma lingi esron te esron ma lingi ram. ⁴ Ram ma lingi Amminadab,Aminadab malingi Nahshon te nahshon malingi salmon. ⁵ Salmon malingi boaz na yiasen sa mi Reab,Boaz malingi Obet, Rut mi san nana,Obet malingi Jesse. ⁶ Te Jesse malingi Devet na mi king. king Devet malingi Solomon. Nana se Solomon ti wito se Urae. ⁷ Solomon malingi Rehoboam, Rehoboam malingi Abijah te Abijah malingi Asa. ⁸ Asa malingi Jehoshaphat, Jehoshaphat malingi Joram, te Joram malingi Uzziah. ⁹ Uzziah malingi Jotham, Jotham malingi Ahaz, te Ahaz malingi Hezekiah. ¹⁰ Hezekiah malingi Manasseh, Manasseh malingi Amon te Amon malingi Josiah. ¹¹ Josiah malingi Jechoniah meane san bivian nio yan team na yam tilia nio vian Babylon. ¹² Mito na yam tilia nio vian Babylon, Jekonaia malingi Seltiel, te Setiel malingi Serubabel. ¹³ Serubbabel malingi Abiud, Abiud malingi Eliakim, Eliakim malingi Asor. ¹⁴ Asor malingi Sadok, Sadok malingi Ajim, te Ajim malingi Eliud. ¹⁵ Eliud malingi Eliasa, Eliasa malingi Mattan, Mattan malingi Jekob. ¹⁶ Te Jekob sa malingi Josep na mi tovor se meri, meri nana se Jisas na yam kie nge mi kraes. ¹⁷ Vianten kevene na yam saor niome yan tenebesye ne Abraham me sikia devet, yami songavi a vier, tenebesye ne devet me sikia na yam tilia nio vian yam presin Babylon yami songavi a vier, te tenebesye na yam presin Babylon me sikia Yapu kraes, yami songavi a vier. ¹⁸ Yene saor an se Jisas Kraes magitak, mitone na san nana Meri momone na kawa lye Josep wi san tovor, mimo na yem me sukuo, yam syokiline na Meri ma lye kekei swa me per monok. Nduan ente mi se ninmeuan na mukuon. ¹⁹ Josep tovor se Meri mi veaten swa na muwu, to ndineane ka wa mawane nge, te mbe niornior ane na ka wa lingkone nge yen ndumarmaran kuon na saka vianten nio yan kowilye. ²⁰ Bilina mbe niornior mankite , engel swa se Yapu ma pisia tevian yen peresian, maka meane ka, '' Josep neti Devet, saka omnenek kakon lye Meri ni sam viaven, teviana kekei na me ber yen tewe Meri mi nkiesan se ninmeuan na mukuon. ²¹ Meri kawa lingi temili swa kawi man, te ka kop kye san is wi Jisas, tevena nge kawa sakuwu san vianten nio yen sanga an.'' ²² Sye nionte meme pisia usili ndio Yapu na provet te ka, ka,'' ²³ Vyaven swa na to per meane man tuswa nkembak, kawa lingi kekei swa kawi man, ka yap kye san is wi Imanuel ''- yam jioptene ka, ''God ber meane err'. ²⁴ Josep ma tavea nane san peresian te ma nkene sewe na engel se Yapu maka meane, ma lye Meri mi san viaven. ²⁵ Josep to vian yen Meri vian sika na Meri ma pyase temili ente, mi man, te nge mi kyene san is mi Jisas