¹ Wito na ka Yapu wa saor yien vilier ne Bethlehem yen wembung. Na Herod mi king teh vianten wosua ne is yam liye kowiliye na Yapu ma saor teh yam pisya Jerusalem Teh kah ² . Ngebeh temili na mantakap saor teh ,nge mi king ane jews. kinyem usili misyo wouwa is me bisia atak ka kinip worship mene nge. ³ Mbili na Herod ma hongane sorohusian , te ma hongane ma sanga , nge maneh san vianten nyo neh viliye jerusalem. ^{4 5 6} Herod mi kye jif prist meane skraib san viaten nio kevene yam me sukuo, te ma husi maene nio ka, ''Arve sa ka Kraes ka ne me saor aran?'' 5 Te yam ka, ''Betlehem ne judia,tevian prophet micah mi tisusili merin. ⁷ Te Herod mi kie vianten ne kowiliye an nio me te husi meane nio ka, bili sewe sa misio ma pisia? ⁸ Ma sengene nio vian betlem, ma ka, ''Ka vian te tee biakkilie temili ente, lie da kuolime teviok te ka nie mon na vian memio ane.'' ⁹ Mi to na yam ongane dio king monok te yim lie sa si seli van. Te misio na yem esi ma domo ne nio sie van arr na temilie ma saor arran. ¹⁰ Bilina yem misio ente, obgane muvuan na tovo mene ne yan nio sie. ¹¹ Ka yet vian pian hem te yem esi temili vivi ente meane san nana Meri. Kuon te yem senur vian yan tan te memio ane nge. ¹² Yem sengene gold, frankincense, meane myrrh mi sasi sengeveha an. Yapu ma soro meane nio yen beresian saka yen kiuli vian teve Herod, te nio yem liye seli minies te kiuli vian kuane nio. ¹³ Lemehek ente Joshep meh tavia teh lieh temilie vivie enteh meneh yasen teh yam kuh mutoneh villie Egypt. ¹⁴ Nge meh bahtan sikia merr ahn seh Herod. ¹⁵ Enteh mo mosea sewe sa yapu maka meneh prophet ngio, maka ''kuh motoneh villie Egypt nam kieh neduk man''. ¹⁶ Te Herod, bilina nge mo kowiliye na vianten ne kowiliye an nio yam pios ane nge na yato yet me ka da tuswa meane nge, nge yion mi yiahten. Nge ma ka te yam tiye temili man kevene yan viliye Betlehem na ha dom mi lo vian pian, huisili taem na vianten ne kowiliye an nio yat ka meane. ¹⁷ Ente me me ngemeane na provet Jeremiah te ka, ka, ¹⁸ ''Ndulu nda na yam hongane yan viliye Ramah, ntengan na mi ntengan na towo, Rachel me ntengse naten nio, te nge to dimiane ka tuswa wa waluwu nge tevian na naten nio yato yet ndu.'' ¹⁹ Bilina Herod me merr, angel swa se Yapu ma pisia yen berr esiean se Josep yan viliye Egypt te ka, ²⁰ ''Kop tavea te liye temili ente meane san nana te kasip kiuli vian Israel, tevian nio na yat du ka yap tiye temili ente yam merr nio wuk.'' ²¹ Josep ma tavea kuon te liye temili ente meane yasen te yam kiuli me yan viliye Israel. ²² Ah ka nge te hongane na Archlaus mi liepkiliye mili san dada Herod te i king ber yan viliye Judea, Nge onmenek ka we vian ate. Yapu mi kiebini nge tetes yen beresian, te nge me vian yan viliye Kalili. ²³ Me vian ber ate yan siti na yam ka mi Nazareth. Ente bet me ngimiane na provet nio yat ka, ka nge ka yap kie nge wi Nazarene.