¹ Me kie niosi na sungavi a loo mhe sukuo te sengene yasan na yem payas ka yep kokuwu temiar a liep kuwu mesean na me per ne nio. ² Ma sengene nio ka yap soro usili kingdem se God a liep kuwu mese an na me per yen nio. ³ Me kaa miane nio,saka kon lie tusua yen sam hokoan ni sukuom,saka ni paus ,saka ni mees,saka ni mani a saka ni sakuom tusua mon. ⁴ Hem enbe sa ka ko vean pian,per ate tene ka kop kuoli. ⁵ Arve sa saka yatodimian ngok a bilina kot lingkowene taon ente,te biwiline bilisokop ne liem we soro usie an sua metone nio. ⁶ Te yam kuonane a veanten vilie nio a wartowane ndaa na muwu a sengene meuan ne mesa an orkevene. ⁷ Yene herod na tetrarch ma ongane usili sie kevene na mundu gies te mi niorseane,tevian wosua yam kaa ka john te tavea metone mier an. ⁸ A wosua yam kaa ti ilaeja ma pisia,a nio wosua mon yam kaa mi profet temerin sua me tavea. ⁹ Herod yam kaa,duluk sa piadio john me sekuor a si sa nam ongane nge,be gies tak?te be tuwiliesi ka we esi nge. ¹⁰ Ka epepeso nio yat kuoli,yam soro usili sie kevene na yam gene te ma kie nio yam vean miane nge,te yam vean suwo yen taon na bethsaida. ¹¹ Woo veanten ka yat ongane nge te yam husili nge.me kie nio te soro usili kingdem se God,a sengene meu an miane nio na yam dimiane meuan. ¹² Yene wembung be vean ka wonok,te niosi na sungavi a loo mhe esi nge te kaa,sengene wo veanten niontak yap vean yen sa tenem nio a vilie na tevesie ka yap tee ha mees tevian ram du arna mees me dianga aran. ¹³ A makaa miane nio kip sengene sie tusua yap hone yem kaa kinieto lie ne wese a mya lim miane miasyo loo ngetak,towese ka rap gilie mess an veanten kevene niotak''. ¹⁴ Veanten nio yam i faef taosen.maka miane epepeso nio, pipi ne nio ne wung lim yop tas orsua. ¹⁵ Te yam gene mangemiane,yan lingi nio yam tas suasua. ¹⁶ Ma lie mya na lim miane miasyo loo,me tee vean yen tongtong,mi ling guguane an yan te mijie ma milili sengene miane san epeepso te yam pipine miane vie nio. ¹⁷ Kevene yan hen te henkop a di mees na mundu,yam tppkili te atuwo mi sungavi a loo. ¹⁸ Yen sua bilina isas be temtemiap suwuon a san epepeso nio yam du miane nge,te ma usi miane nio te kaa,wuo veanten yam kaa ka nat i si? ¹⁹ Yam kaa miane ka John te baptis a wuosua yan ka ilaeja a wuosua yam kaa porfet temerin sua me tavea. ²⁰ ma usi nio,a kim kaa ka nat i si?te peter meh kaa,kom i krass nami God. ²¹ Mi kiepini ne a pisien ane nio na saka yan wor wuwuo miane tusua. ²² Ma kaa,neti veanten ka wi kienkien ne sie mi piss,ka yap siva elda nio,mho ne priss a skreep nio,a ka yap jie we mier a yan wembung sii ka we tevea. ²³ Me kaa miane nio kevene,ka tusua dimiane ka wa husili nie,ka wi kie ormes ane nge suwuon a viose san lee buowuo wembung kene a husili nie. ²⁴ Tusua ka te tangkilie san meuan teveok,ka wa lie sakuwu an. ²⁵ sewe ka muwu ne veanten na ka wa suok sea tanapian a tangkili nge suwuon mende yap shap seane. ²⁶ tusua na ka ontesa ne nie miane duluk,ne nge ka neti veanten ka onwesa ne bilina ka te mhe miane san kuon. ²⁷ A petenten map kaa miane kimim wuosua na yam tinio du atak saka yan esi mier an nge per a ka yap esi kingdem se God. ²⁸ Mito ne wembung milipsi na jisas me kaa ndaa ente,ma lie peter john miane jemis vean milie yan weu ka wa temteemiap. ²⁹ Bilina be temtemiap te nion me sakuokuo a san sesear me mhe pipio seaten. ³⁰ Veanten loo yem du sosoro miane nge,mosis miane ilaeja. ³¹ Yem pisja yen piasan a soro usili san mier an na ka we vean mo sea jerusalem. ³² Peter miane nga na yem du miane nge yam per miaek,aka yat lye te miane esi piasan miane nge na loo sa yem tinio du miane nge. ³³ Ka yet kuo nane jisas,peter ma kaa miane nge yapu muwu na ram du atak,rap gene hem wi sii,sua mam,sua wi me moses sua we ilaeja a tookuowilie sewe sa be ka. ³⁴ Bilina be ka ente,mob sua me mhe towe ngia,te hsii menek na ka yet du veantae mob. ³⁵ A dulu ndaa sua me mhe yen mob te kaa entak mi netuk na nam dimiane yuongta ne nge. ³⁶ Bilina na dulu ndaa ente mi vean nok,yem esi jisas me per suwuon,te yam yuongdu a yato wartae yan wembung niote ne sewe sa yaam esi. ³⁷ Yan wembung sian bilina yam seling yan weu mhe pian,te wuo nat towo yan sakvi miane nge. ³⁸ Veanten sua tuwuane nio me deng vean te kaa''Epipisien,nam dimiane ka kop esi netuk mi temili sua kuon. ³⁹ Nenmeu an na mesanga ma lie nge mi his mi towo a dedene te teve mawane nge a kokyo tawilin bien me sanga ten a bunguon. ⁴⁰ Nam usi sam epepeso ka yap kokuwu a yato wese. ⁴¹ sas me dam a kaa kimim na kito lie niorkate an a viavia veanten na yam kivear,ka nap per miane kimim vean wonok na nge a kienkien ane kimim?lie natom mhe atak. ⁴² Be naknak ka we mhe,te timiar ma towane nge yan tan te be pipyap,te jisas mi kokuwu ninmeu an na ma sanga a gene temili me meu te sengene nge miane san tata. ⁴³ Nio kevene yam kulie metone yas an na towo se God ka yat du nior usili kevene na jisas me gene te nge me kaa miane san epepeso. ⁴⁴ Lingkowene ndaa entak ve vean wi towo yen geleneemim tevean neti veanten ka yap sengene miane tungan a vean yen vehan. ⁴⁵ Nio yato kuowilie san ndaa mi nii metone nio,yato kuowilie san jiopte an ,a tusua to dimaine ka wa usi ka ndaa ente ka wangivi. ⁴⁶ Te war an ber tuwuane nio ne si sa wi towo. ⁴⁷ Jisas mu kuowilie niornior ane sa meu an,te ma lie temili sua mhe tevesi nge. ⁴⁸ A kaa miane nio,tusua we do miane ka we mhe i temili entak yen sok iss ma dimiane nie a tusua ka ti dimiane nie,ma dimiane nge na ma sengene nie.asa meper yantan save kimim kevene,nge sa mi towo. ⁴⁹ John me kaa,yapu kimim esi veanten sua mu kokuwo temiar yen sam iss te kiniem kietase nge. ⁵⁰ Saka kin kie tase nio jisas ma kaa,tevian si sa to soro tetes ane kimim mi semim. ⁵¹ Bilina wembung be mhe pesili ka yap lie nge,te mo kone nion ka we vean jerusalem. ⁵² Ma sengene veanten wosua mhe ne nge ka yap vean yan vilie ne samariten te naknak ane kevene tene nge. ⁵³ A veanten ne vilie avan yato kieh nge tevian ma lingi nio ka we vean jerisalem. ⁵⁴ Bilina epepeso jemis a john yem esi ente te yem kaa,yapu,koto dimie ka rap kaa te apiang we mhe pian yen tongtong te jivini nio? ⁵⁵ A mi yiase nge te kietase nio. ⁵⁶ Te yam vean yen tenem minies. ⁵⁷ Yen sa hoko an vean yan seli,niosua me kaa miane nge ka nap husili ngok arve sa ka ko vean arve. ⁵⁸ Jisas mekaa miane nge,Fox sa buluwu me per,a base ne mese sa wini yam du,a neti veanten orr mindianga ka wa lingi baten aran. ⁵⁹ Ma kaa miane sua mon husili nie''a nge makaa we mho lingkowene na vean teveni sok tata we. ⁶⁰ A me kaa miane nge,linkowene mier an ka we tevini sa mier an a ne ngok,vean kaa sioten a arr kevene ne kingdem se God. ⁶¹ Te sua mon mekaa,nap husili ngok yapu,a lingkowene na vean ka pelien miane sok viale nio tenem we. ⁶² Jisas mekaa miane nge,toi veanten tusua wa lingi vehan yan plao a telisto,ka we mior wese kingdem se God.