¹ Mi tho ne na jisas me tembesie san hoko an kyo siti a tenem,a wartae a soro ndaa na muwu a usili kingdem se God, te niosi sungavi a loo yem dimiane nge. ² Viaven wosua na yam meu metone ninmeu an na ma sanga a sa mese an nio,mery na magdalene na tenior milivio mu kuo nane. ³ A joanna viaven se chuza na mi gies se herod,susanna a nio wosua mon na yen sa gies an,yam gene san dimiane an. ⁴ Bilina wuo veanten yam mhe sukuo s mhe ne nge nane siti kevene,te ma soro husi yen jupte an. ⁵ Veanten sua meh vean ka wa towane witihe,bilina ma towane,wuosua me tesi tevesi seli,te yam vease a base yam mhe hane. ⁶ Wuosua me tesi yam vior ka ti sip,tan na muwu miduaga te me gas to mier. ⁷ Wuosua me tesi yen barvinie kienkien,yem luk sukuo te barvinie ma tili te mi mier. ⁸ A wuosua me tesi yan tan na muwu te meu muwu a pa to weje mi anret.Bilina me kaa ente te me hiss ane, nge na gelinian me per ka we yongta lingkone we yongta. ⁹ San epepeso niosi yem husi miane,san juopte an mangivi? ¹⁰ Te me kaa,ne kimim,mi sengevia an ka kip kuowilie ndaa yas na mi ten kingdom se God a ne nio disie mi juopte an kuon tevian yen esi an,wika saka yan esi a yen yongta an wika saka yan kuowilie. ¹¹ Yene juopte an mangitak,witihee mi dyo God. ¹² Nio na mumur tevesie seli mi nio na yam ongane a temiar me mhe liep kuwu yen sa meuan ningi yan nior kate per te lie meuan. ¹³ Nio na yan vior,mi nio na yam lie ndaa yen ongane muwu an,yato tinio kate hor ka tuwiliesi te sikia sa niorkate an te yam mur. ¹⁴ Nio na yen barvinie kienkien,mi nio na yam ongane a sisie nio me tak ulie ne niornior an ne ka sukuo wundu a ongane muwu an ne sa meuan,te yato pa wejie na mi mior a wu. ¹⁵ Nio na yen tan na mumu,yen sa memuo an a meuan na muwu,yem ongane ndaa a gumkate a pa wejie yen dumarmar an. ¹⁶ Toi veanten tusua wu tung ane apiang yan mili apiang tevian nio na ka kap mhe pian hem ka yap esi oryop ¹⁷ an. Sewe sa mi nii per ka we mhe yem mesa a sewe sa yam towe yen tambung nier,ka we mhe pisya yen oryop. ¹⁸ Kip yonggta wuwu ten,nge na ma lie,wi towo ka yop sengene miane nge a na too lie,sewe sa madimie ka ti lie,kayap liep kuwu metone nge. ¹⁹ San naana a san bivian niosi yem mhe tevian a yeto kuwilie ka yep vean pesili.tevian wo veanten. ²⁰ Yam kaa miane,sam naana a bivian nio yam du vilie yam ka yap esi ngok. ²¹ A jisas makaa sok naana a sok bivian mi nio na yam ongane dyo God a gene. ²² Wenbung sua me vean yen apiang miane san epepeso te kaa miane nio,arvep vean tevesi biliwie,te yam dokone sa hemben te vean. ²³ Bilina yam du kuo vean te me permiaek.a yeng na towo me mhe yen biliwie na towo,kuon te apialo mu puo ane wie,te yam du yen kienkien an. ²⁴ Epepeso se jisas yam mhe ne nge te lye ne nge te kaa yapu yapu ka rap mier mier!''nge mi lye te syap siane yeng miane tevia wowo yen wie te mi vean yonta te biliwie me borr. ²⁵ Te me kaa miane nio,semim bianru nge perr?a nio homenek a yam kulie,te du husi nio te kaa,si sa mangitak,ma soro,te yeng a wie yam yuongta ne nge? ²⁶ Yam vean yan vilie Gerasenes tevesi biliwie ne Galili. ²⁷ Bilina jisas ma tinio va yan tan,mi esi veanten ne siti na ma puo ne temiar merin te too kyo sesear tusua,too per pian hem a pian wap nio kuon. ²⁸ Bilina me esi jisas me deng te mur mho ne nge te soro yan ndaa na milie,te kaa ka kop gene sewe ne nie,jisas nety God na milie ten? nam husi ngok saka kon gene kiekien''. ²⁹ Jisas me kaa te ninmeuan na mesanga mukuo nane veanten ente via piss me maine nge.yan kuokuo kyo vehan te pisi ne jen a tee puon,a me sekute jen nionte te temiar ma dokone nge vean yen or wiwi. ³⁰ A jisas ma husi nge,sam iss sa si/te me kaa, lyen''temiar mi piss yam sungane nge. ³¹ Te yam husi nge ka saka ne kaa yan vean kienkien we. ³² Awuo barar yam luwuo nio tevesi weu kuon.te temiar nionte yam husi ne nge ka we damane nio te yavean yen nio,te me damane. ³³ Temiar nio yam sowilie nane veanten ente te vean yen barar nio te kevene yam kuo kuo miyas vean pian yan pesyo te duon. ³⁴ Nio na yam du luwo barar ka yat esi sewe sa ma pisya,yam kuo vean te kaa miane nio na yen siti a koyo vilie nio. ³⁵ Veanten nio yam vean ka yap esi na mangivi,te yam mhe teve jisas te esi veanten na temiar nio yat kuo nane,me tas pesili ne lye jisas a sesear a san niornior an na ma mesa mu kuoli mhe,kuon te homenek. ³⁶ Nio na yat esi yam kaa miane nio mangivi ne veanten na temiar tu puo yen te,ne meu tetes. ³⁷ Veanten ne vilie Gerasenes yam husi jisas ka wu kuo metone vean yan apialo te kuoli vean. ³⁸ Veanten na temiar mu kuonane nge me kaa we vean miane nge a jisas ma senge lili ne nge te kaa. ³⁹ Kuoli vean pian nam hem te sengene niornior an kevene na mangivi sa God gene meane ngok.te veanten ente me vean soro husi orkeven yen siti te ka sewe sa jisas me gene miane nge. ⁴⁰ Bilina jisas mukuoli mhe,wuo veanten yam mhe lie nge tevian kevene yam du tastene nge. ⁴¹ Veanten sua sane iss sa jairas mi yapu ne hem ane wosipan!me mhe mur mho ne len jisas,te husi nge ka ve veean pian man hem. ⁴² Natenaven sua kuon a han dom mi sangavi aloo.ber ne mier an ka jisas te pe vean a veanten nio yam tu kerker kyo nge. ⁴³ Viaven sua me per ate na me esi bura dom sangavi aloo a tusua too gene ne meu. ⁴⁴ Me mhe tho ne jisas te sekia san gili sesear via sua kuon bura ente mindianga ⁴⁵ Jisas me kaa,si ma sikia nie?bilina kevene yato kuowilie,peter ma kaa yapu,veanten nio yam tukierkier kyo ngok. ⁴⁶ A jisas ma kaa niosi sua ma sikya nie''mam kuowilie na yasan mi lingkowene nie'' ⁴⁷ Bilina viavean ente me esi na too wese ka wi nii,te me mhe mur a pepyap mho ne nge tuwuane veanten nio te kaa na mangivi sa ma sikia nge te viasua kuon me meu. ⁴⁸ Te me miane nge,netkaven,sam biangru megene kom meu vean yen dumarmar an. ⁴⁹ Kat te per ngabak,te niosi sua me mhe kuwane nge me tee puon hem ane wosip an,natomavane me mier seka kon kienkien ane epipisien ente ne mehep. ⁵⁰ Bilina me jisas ma ongane te makaa miane jaeras,saka homnenek niorkate kuon nge ka we meu. ⁵¹ lina me mhe tevian man hem,too dam ane tusua ka ei vean pianhem miane nge,a peter,john a james miane tata se temili a san nana. ⁵² Kevene yam ongane mesanga a du deng,amekaa miane nio saka kin deng,nge too mier,a permiaek kuon. ⁵³ Kuon te yam pios ane nge tevian yam kuowilie na mi mier. ⁵⁴ Mu gumkate vehan te kie nge a''temili kop tavea''. ⁵⁵ San heng mu kuoli mhe,viasua kuonte me tavea te mekaa miane nio sengene sie tusua wa hane. ⁵⁶ San tata nana yem kuolie metone,a me kaa miane nge saka yen wartae sewe sa me gene.