¹ Yen sua bilina veanten nio yam mhe puo seaten yam tukierkier te yam du vease lio nio.te ma soro miane san epepeso nio mi mho, te kaa,kin dimie ne is an faresis yam gene ka yat wua yam geres. ² Loo towe sie tusua na ka wa war wuwuo a too tngsene sie tusua na saka yam kuowilie. ³ Sewe sa kim kaa yen tambung mier,ka yap organe yen oruop,sewe sa kim du soro milili ane pian hem ka yap warwuwuo miane veanten kevene yan hem. ⁴ Nap kaa miane kimim sok bivian saka homim nenek an nio na yam jie tawilinbiemim wonok te sie mi dianga ka yap gene mon. ⁵ Ka nap kiepini ne kimim,si ka homim wenek ane homim wenek ane nge na ka wa jie kimim wonok te towane kimim ean yen hell.mi peten nap kaa miane kimim homim wenek ane nge. ⁶ Yato pusane sparo ni lim yam peni ni loo?a toi nio tusua ka God wi yormili ne. ⁷ Weviu ne betimim kevene ma wulukte,saka homim nenek,kimim kim wu save sparo na yam piss te. ⁸ p kaa miane kimim mon,ka tusua te kaa sok iss mho ne veanten,nge mon ka netli veanten we warwuwuo miane angel nio God. ⁹ A nge na te misien ane mhe nie mho ne veanten ka na misien ane nge mho ne angel nio se God. ¹⁰ A tusua tu soro tetes ane neti veanten,ka wi yormili ne nge.a nge na ma soro vivi ane ninmeuan,saka ni wet i yormiline . ¹¹ Bilina ka yat lie kimim vean yen hem ane wosip an a majestret a yen yas an,saka kon niornior ane sewe sa ka kop damane,a sewe sa ka kop kaa. ¹² Tevian ka ninmeu an ka wa pisien miane kimim bili ente sewe saka kip kaa. ¹³ Nio na yam du te sua me kaa miane nge,yapu kaa te sok bivian wa pipine sukuon nio miane nie mon. ¹⁴ A me kaa miane nge,veanten,si mengene nie ka nap i lingkukuane an a i pipian miane ngok. ¹⁵ Te me kaa miane nio kip lie a dimie veanten mior tevian meuan san veanten too per yen sisie na mu puo na wa diniane ka wa lie. ¹⁶ A mekss jiopte an sua miane nio,te kaa tan sua mi e veanten na sukuon mundu.sie mi piss me pa du yen. ¹⁷ Te be niornior suwuan te kaa sewe ka nap gene or mindianga ka nap lingi nok wehe nio aran. ¹⁸ Ma kaa muwu ka nap gene wangitak.nap doko kawu hem entek a gene tusua wi towo ate ka nap lingi wehe kevene a sukuk kevene. ¹⁹ Te ka nap kaa miane nie suwuk,sukuom mi towo du ka weper dom wi piss lie sam ngapnap an,hen a min a hongane wuwu. ²⁰ A God ne kaa miane,kom deene,yen miaek dema nap liep kuwu sam meuan;si mon ka sukuon nio te ka wi ling kukuone. ²¹ Nge naka ti kinkate sukuan nio,te sukuon to puo vean ane God. ²² Ma kaa miane san epepeso nio saka kin niornior ane semim eu an sewe saka kip hane miane tawilinbimim,sewe sa ka kip lingi. ²³ Meu an me save mhes a tawilinbien veanten me sve sesar an. ²⁴ Nior usili basee,yato beviap,yato guopguop yato lingkukuone,yato topkili a God ma luwuo nio ka wangivi ne kimim na kom wu save basee. ²⁵ Si ne kimim yen san niornior an ka we sasane nge te veyop i kubit sua mon? ²⁶ Ka saka kip wese ka kip gene sisie na ma kekei te tevian sewe sa kim niornior ane sie disie? ²⁷ Niorusili lilis mangivi na yam lik yato hoko,yato yase nio a ngabak nap kaa miane kimim solomon yen san pis an a too per yen mior an gemiane niontak tusua. ²⁸ Ka God wa sesear ane barvinie na me per yen mesa,a pelien yap towone vean yen ven amangivi saka ne sesear ane kimim na semim biangru ma kekei? ²⁹ Saka kin tene sewe sa ka kip hane mende sewe sa ka kip mini a semim niornior saka ni kimkim an. ³⁰ Sie niote sa vilie yasyas ne tanapean yan du tene,a semim tata mu kuwilie na kim dimiane sie nionte. ³¹ A kip tene kingdem se God te sie kevene niote ka wa mhe dom miane ngok. ³² Sipsep nio na kito pis saka homim nenek tevian semim tata yen san dimiane ka wa sengene kingdem miane kimim. ³³ Puos ane sukuomim nio a sengene semim atuwu na saka ne mhe miato,sukuomim nio muwu lingi yen tongtong tevian seka ne sanga,a veanten ne yas an nio seka yan mhe,miane saka bura ne gene mendar. ³⁴ Arve sa sukuomim na muwu ber aran,semim meu an ber aran. ³⁵ Pisi sam etoptop kyo ngok wi yas to tung ane apiang wa pipili. ³⁶ A ngok suwuom kop gemiane nio na yam du tas tene sa yapu bilina naka tu kuoli nane le an,a ka tu tutu belehem,bili ente kuon ka yap sengeb. ³⁷ Guguone an mi epepeso nio bilina yapu ka te mhe te esi na yam naknak.peten nap kaa miane kimim na nge ka wa pisi san etoptop a yene nio yap tas a ka yap hen te ka we mhe tevian te luwuo nio. ³⁸ A ka te mhe via too an a mhe via sii a siokili ne na yam du kuon te guguone an mi san epepeso nionte. ³⁹ Kip kuowilie na ka veanten na muwu ne hem mu kuowilie bili sewe sa ka veanten ne yhas an ka we mhe nge ka we tete tevian na saka tu tatae vean yen. ⁴⁰ Kip naknak wuwu mon,tevian neti veanten ka we mhe bilina kito du dimiane. ⁴¹ Te peter ma usi ne nge te kaa,yapu,,kom kaa jiopte an entak mi seniem kuon mende veanten kevene? ⁴² A yap me kaa,si sa muwu perper a lie kuowilie an gene sie an,ente sa san yapu we gene ka we tepuon kuwuane nge,te nge ka wet pipi ne mehes bilina ka te mior. ⁴³ Guguone an mi san epepeso na ka san yapu te mhe,te esi na nge be gies kon. ⁴⁴ Petenten nap kaa miane kinem,ka we gene nge we tepuon sukuon kevene na mi san. ⁴⁵ A ka epepeso ente we kaa yen san meu an,sok yapu me sasane san mhe an a tembesie ka ea jie epepeso man a epepeso viaven nio a hem miane mi min a trong. ⁴⁶ Kuon te yapu ne epepeso ka we mhe yan wembung na nge to pe tene nge,bilina nge too naknak,te ka wa sengene san kienkien an we per miane nio na yato lie niorkatean. ⁴⁷ A epepeso ente na mukuowilie dimiane an se san yapu kuon a too naknak ane nge usili dimiane an ka yap wase ne ewilis via pis. ⁴⁸ A nge na too kuowilie a gene sie na mior ane ewilis,ka yap wase ne wase ne ewilis vijio kuon,si sa yam sengene mi towo,husili na ma dimiane mi towo ka veanten te gene sie na mi towo te ma usi sie na mi towo. ⁴⁹ Nam mhe ka nap lingi apiang yan tanapian mangivi na ka nat mhe a esi te pe hen wuk! ⁵⁰ Nam lie baptisem sua ka nap baptais yen a ka nap ongane we sanga ne sikia na ka wonok. ⁵¹ Kim dimie ka nat mhe ka nap sengene dumarmar an yan tanapian,mi dyanga ten a mi pipian. ⁵² A yene vean,ka wi lim pian hem sua,te ka yep pipi sii metone loo, a loo metone sii. ⁵³ Tata ka wa pipi metone naten mon,a naten man metone san tata nana metone natenaven a natenaven metone san nana tutu viaven metone evian a evian metone san tutu viaven. ⁵⁴ Te me kaa miane wuo veanten,ka kit esi mob te tavea wes,te kim kaa via sua kuon ka os ka we kin te mangemiane. ⁵⁵ Te ka kit esi yeng na saot tu wuwup,kim kaa,ka orr wa herer te mangemiane. ⁵⁶ We gegeres nio!kim kuowilie kakip kaa nio mesa ne tanapian a mangivi sa kito kuowilie sisie na ten yene? ⁵⁷ Tevian sewe sa kito lingkukuone kimim yen sie na mi mior ka kip gene. ⁵⁸ Bilina na kot vean miane nge na ka wa lie ngok vean yen kot,tuwiliesi wi yas ka kop mior kukuone ngok wi mho wonok miane nge te wet vean yen kot.saka kot gene ka yap lie ngok vean ane na mi ten ling kukuone ngok te police wa lingi ngok yen presen. ⁵⁹ A te ka kop per aran,nap kaa miane ngok,tene ka kop puos sea sam faen.