¹ Yen sua jisas beh temtemiap orsua bilina ka do nok.te san epepeso sua mekaa miane nge,yapu pisien ane temtemiap an miane wagemiane john ma pisien ane temtemiap miane san epepeso nio. ² Te makaa miane nio,bilina ka kit bii,kip kaa,seniem tata ne villie yen tongtong,san iss mu kuon san dimiane an mo kop yen tongtong a yan tanapian. ³ Sengene miane kiniem wembung kevene, eniem mehes. ⁴ Yormiline seniem sanga an tevian ka kiniem mon kiniep yormiline na mengene me sanga miane kiniem saka kon dam ane kiniem vean yen tuwiliesi a liep kuwu kiniem metone sanga an. ⁵ Me kaa miane nio,si ne kimim san bivian tusua te ka ve vean ane yen bistuwo ane lemiaek te kaa bivian sengene mia wi miane nie we. ⁶ Sok bivian sua ma hokp suoten mhe dekap pisia tenem kon a nato lingi mehes tusua neper. ⁷ Ka we dam miane nge te kaa saka kon mawane nie belehem kuokuo nam per miane netuk nio saka nan tavea te sengene sie tusua. ⁸ Nap kaa miane kimim ormes saka wa sengene,a tevian mi san bivian,ka we tavea te sengene si wi pis na ma dimiane. ⁹ A nap kaa miane ngok,husi,te yap sengene miane ngok,tene ka kop esi,tutu belehem,te ka wa sengep ane ngok. ¹⁰ Kevene na yam husi,yam tilia na me tene me esi a nge ma tutu belehem,te ma sengep ane nge. ¹¹ Ka temili wa husi mia miane kimim tusua na mi tata,ka wa sengene vior?mende ka wa husi mesyo jojo? ¹² Ka wa husi delijo,te ka wa sengene scorpian? ¹³ Wi ka kip sanga,a kuowilie wagivi ka kip sengene sie na muwu miane semim temilie nio.mangive na semim tata na yen tongtong ka wa sengene ninmeu an na mukuan miane nio na hus ¹⁴ A mi liep kuwu timiar nane sua mi bur bilina ka temiar tu kuo nane te bur ente ma soro.kuon te veanten nio yam nior usili ni towe. ¹⁵ A veanten wosua yam ka mi liep kuwu temiar tae beelsabal na mi mho ne temiar nio. ¹⁶ A wosua yam tuwiliesi nge tevian emiarmiar ne velie yen tongtong. ¹⁷ A mu kuo wilie sa niornior an,te kaa miane nioo,kindem kevene na yam pipi metone nio yem nik a hem na ka ti pipi me tesii. ¹⁸ Ka satan wa pipi ne nge suwuan,san kindem kawa tinio wngivi beelzebul. ¹⁹ Ka nie tae beelzebul nap kokuwu temiar te netimim nio yam kokuwu yen iss si se si?semim lingkukuone me biasio. ²⁰ A ka nie na nam i bokosinvie God ne kokuwu temiar,te saka kin kim ane, tevian kingdem se God me mhe yam kimim monok. ²¹ Bilina vehan na mi yas me tepuon pales,te sukuon nio ka wudu yen dumarmar an. ²² A na kate payas save nge te mhe ne nge,ka we vean save nge te ka we liep kuwu san suku baa an na te niorkate,te pipine a mawane nge. ²³ Nge na to per miane nie,ma sorolili ne nie nge na to tilia wa sukuo miane nie,mo top suasua ne. ²⁴ Bilina ninmeuan na mesanga mu kuo nane veanten,ma hoko yen hor miasmias a te arna ka we ngapngap aran.a to esi tua.te kaa,nap kuoli vean ane arr na nat sowilie nane aran. ²⁵ Bilina ka kuoli mhe ma suokilie ne yam tuwase hem ma mesa per. ²⁶ Te me vean tilia ninmeu an milivio mon na yem sanga save nge te yam kuoli mhe vean du,te gili sinisie se veanten ente bet sangaten save na ti mho. ²⁷ Ka te beh soro vean te viaven sua me soro vean milie te kaa miane nge,guguane an miane nge na ma lingi ngok a sengene sisis miane ngok. ²⁸ A nge makaa muwu na guguone ke we san nio na yam ongane ongane dyo God a gene nio. ²⁹ Bilina veanten nio yam mhe piss,te me tembesie san soro an te kaa,veanten nio na yene yato wu,yam du tene emiarmiar,saka esi emiarmiar tusua a emiarmiar se jona na mi profet kuon. ³⁰ Tevian jona mi emiarmiar ane nio na niniva,te neti veanten mon mangite elingling nio na yene. ³¹ Queen ane saot ka we tavea yan wembung ane lingkukuone an miane veanten nio ne elingling an entak te mawane nio.me mhe tevesi tanapian ka wa hongane kuowilie se solomon,a esi na mi towo save solomon ber atak. ³² Veanten nio vili niniva ka yap tavea yan wembung ane lingkuone an miane elingling nioo na yene te mawane yan kone ni tevian kiepini an se jona a na mi towo save jona atak. ³³ Toi veanten tusua ka wu tung an apiang te lingsene a ling pian behe tusua,ka wa lingi yan mesa tevian nio na yam mhe pianhem ka yap esi oryop. ³⁴ Oryop ane tawilingbien veanten mi myar.ka myar ti nge suwuon tawilinbien veanten ma puo ane oryop a ka myas te sanga,bien veanten mu puo ane tembung nier. ³⁵ Tee puom saka oryop na me per yen ngok ne mhe tambung mier. ³⁶ ka tawilingbien tu puo ane oryop miane saka ni miermier,te ka we see kevene orr wange miane kondel ma sangene oryop kevene orr. ³⁷ Bilina be soro,te farasis sua mi kie kuwu nge vean ka yep hen.me vean tas te naknak ka we hen. ³⁸ Bilina farasis me esi nge te ma kulie tevian na too kase vehan ni mho we. ³⁹ Te yapu ma kaa miane nge kimim farasis nio kim guguone vilie ne kap miane plet a yenemane kimim ma puo ane veanten miar a duan sansanga. ⁴⁰ Kimedene,kimdimie ka nge na mengene viliye me gene yelisie mon? ⁴¹ Sengene sew sa me per yen mon kap miane ham piet miane gigiwetu an te sie kevene ka wa mesa ne ngok. ⁴² Vetune kimim faresis nio kimim sengene tithe ne yesukuo mili a ne na buon mi yas a yesukuo minyes mon te kuonane lingkuane an miane yakieskies se God sie ente sa kip gene,saka kin lingi ne per. ⁴³ Vetune kimim faresis nio kim dimiane ka kip tas wuwu pian hem ane wosip an yap kie mamai ne ngok yen mili maket. ⁴⁴ Vetune kimim skraep nio miane faresis nio,na geraes veanten ankim gemiane sitan ne mieran na veanten yato kuowilie a du hooko milie yan. ⁴⁵ Te nio sua na mi loya ma kaa miane nge,yapu na kom soro,te kom kaa kimim mon. ⁴⁶ Te me kaa veatune kimim loya nio,kim lingi gongon na mi miap ka yap viose,a kito sikia gongon an tusua ne bokosin viemim. ⁴⁷ vetune kimim tevian kim gene buluwu ne mier an san profet nio a semim tata nio yan juop vivini nio. ⁴⁸ Petenten kimim kim tee kate te damane sinisie sesemim tete nio.tevian nio se yam jie nio a kimim kip gene se buluwu. ⁴⁹ Ma kaa,kuowilie an se God,ka nap sengene profet a epepeso nio,a nio wuosua ka yap jio vini nio a kokuwu nio. ⁵⁰ Te ka bura ne profet nio na mi lip yan beti tanapian,ka wi san elingling nio na yene. ⁵¹ Tembesie yan bura se Abel sikia Zacharaes na mi mier yan bistuwo an miti epenpenenin an a hem na mu kuon nom kaa mi mior miane kimim.ka we per yan elining na yene. ⁵² vetune kimi loyo nio,liep kuwu ki ane kuowilie,te kimim suwom mim kito vean yen,a kuokuo kyo nio na yam dimiane ka ya vian yen. ⁵³ Ka te peh kaa sie niote miane nio,te skraep a faresis yam tembesie ka yap war miane nge me payas a du husi sie mi piss miane nge. ⁵⁴ Yam lingi mi miap yan nge, a tene sewe ka bunguon we kaa te ka yan suote nge tevian.