¹ Vianten yam pis yam tuwiliesi ka yap tisi kukuone an a soro usii an ne sisie na mudu pisa tuwuane err. ² Ka yat sengene nio miane kiniem,wa gemiane nio na yam mi witness a minister ne,ndaa na yam sengene miane err. ³ Nam esi muwu ne nie mon na lie kuowilie an na muwu ne sisie na mi mhe mho,ka nap tis kukuone we mior ngak kom wuten ebivi se god The-oph-lus. ⁴ Tevean ka kop kuwilie peten an ne sie kevene na kot per husii ane. ⁵ Yan wembung nio na herod ti king ane judia,pris sua san iss sa zecharae me gies sukuo miane abia;a san viaven mi neti Aaron,a san iss sa Elibeth. ⁶ Ngia nokis yem mior mho ne God yem hoko yen comandment a sinisie se yapu na ndaa tho sikya ndaa. ⁷ Nate yaa mi dianga tevian Elisabeth me wah barron a nganokis yem miato vini nge. ⁸ Nge be gene giesan se priest pian hem me God,husili sinisie. ⁹ Husili sini giesan bilina ka te vian pian hem yo me yapu. ¹⁰ A wuo veanten keven yan du vilie te du temtemiap,bilina Aapiang ma hane insens. ¹¹ A angel se yapu ma pisia tinio tevesie na miato ne mili epenpenin an ne insens. ¹² Bilina zacharaes me esi nge te me kienkien a honeknek me mhe ne nge. ¹³ A angel meh kaa miane nge,saka hom ne nek zacharaes.sam temtemiap an ma honga ne;san viaven Elisabeth ka wa lingi temilii sua te ka kop kie san iss wi John. ¹⁴ Ka kop hongane wuwu akaa sipa,a yap pis ka yap hongane wuwu tevian naka kekei ka we saor. ¹⁵ Ka we mhe i towo yan tevesie se yapu,a saka ni mini waen miane iee yasyas;a nge ka wu puo ane nenmeu an a na meh mer yen san nanaa ngabak. ¹⁶ Ka veale ne Israel nio ka yap puo na ka wu kone nio mhe ne yapu sa God. ¹⁷ A ka we vian wi mho ne nge yen ninmeu an a yas an nate Elijah,ka we kone we meu an se tata nio vean ane nate nio,a tete wer ndaa an vean ane kuowilie an ne ling kukuone an;te naknak ane veanten nio ka yap naknak tene yapu. ¹⁸ Zekeraes me kaa miane angel,ka kuowilie entak wakivi,nie nam miato,a sok viaven han dom me save orr an. ¹⁹ A angel meh kaa nge, nge nam mi Gabriel na nam tintinio mho ne God,ma pusane nie ka nap soro miane ngok,a pisien miane ngok,ne hongane muwu an entak. ²⁰ A yene ka ko wi bur,saka kon kuowilie soro,tene wembung na sie nionte ka wa pisia,tevian koto niorkate sok ndaa na ka wa pisia yan wembung an. ²¹ A veanten nio yam tastene zecharaes a du soro piakilie na tevian sewe sa ma tuwili mi merin pian hem yo. ²² Bilina ka te sowilie,te tho wese ka wa soro miane nio,te yam dimie na nge me esi vesion pian hem yo a nge mu kuu ane vehan kuon a pyo soro an per. ²³ Bilina ka san webung ane gies an nio moh sea,te mu kuoli vean pian man hem. ²⁴ A mitoh ne wenbung niote san viavean Elisabeth ma tilia kekei,a lingsene nge per ambiate lim,te kaa. ²⁵ Ente sa yapu me gene meane nie yan webung na nge me esi nie ,ka wi liep kuwu sok hongane ma sanga an tuwane veanten nio. ²⁶ Yam ambiate na milipsies,angel Gabriel,God ma sengene nge vean ane citi ne velie Galili,san iss sa nasaret. ²⁷ Tevean viaven dear sua na me vean per teve man sua san iss sa joseph,ane elingling se david;a viaven dear san iss sa Mary. ²⁸ Te angel me mhe pian hem pesili ne yapu me per miane ngok; guguane an mi san tuwuane viaven nio. ²⁹ Bilina nge usili yen sa niornior an,na sewe sa ka wangitak. ³⁰ A angel me kaa miane nge hom seka nenek,mary God mi siokiliene a wuluk te ngok. ³¹ A niorkate,kakop tilia kekei per,a lingi temili man sua, a ka kop kaa san iss wi Jisas. ³² Nge ka we per milie ayapu God ka wa sengene etastas yo se san tata David. ³³ A nge ka we tepuon hem an elingling Jacob per miatoten a san kingdom saka no nok. ³⁴ Te mary makaa miane angel,ka we me pisah wangivi,na nie natoh esi man tusa we? ³⁵ Angel me dom te kaa miane nge,ninmeu an ka we mhe;a na mu kuon,na kom ling,ka yap kaa we neti God. ³⁶ Kop esi san viale na Elisabeth nge mon na tilia kekei ne temili mon yen san miato an,yene han ambeate mi milipsies,nge ti piow lingling an per. ³⁷ Miane Godsie tusa toh yas ane nge. ³⁸ Mery makaa, nam i se yapu ling kowene wa pisah yan nie wangemiane na kom kaa. ³⁹ A mery ma tavea te piarpiar vean ane vehu caantri ane citi ne Juda. ⁴⁰ Me vean pisah pianhem me Zacharaes te soro yen hongane muwu an miane Elisabeth. ⁴¹ Via sua kuon ka Elisabeth hongane soro mamai an se mery,te temili mu khu yen towan te nin meu an ma sungane Elisabeth. ⁴² Ma soro yan ndaa na mi vean miliee te kaa,gugune an miane ngok tuwuane viaven nio,a gugune an mi wejie ne atuwuo se sam kekei. ⁴³ Tevian sewe ne nie,sa nana se sok yapu kawe mhe ne e? ⁴⁴ Kuon sa ndaa ne sam soro mamai an ka sikia geliniok,te temilie mu khu ne hongane muwu an yen towok. ⁴⁵ Ongane muwu mi san na mi niorkate ne sewe nio sa ka we mhe pisah,mi wortae an se yapu. ⁴⁶ A mery mekaa tawilinbik me tavegio yapu. ⁴⁷ Sok meu an ma hongane muwu vean miane God sok sakuwu an. ⁴⁸ Me tekuowilie san temili veaven na yantan ten;tevian ente elingling kevene ka yap kaa gugune an yan nie. ⁴⁹ Nge na me payas ten me gene sie na towo ten a san iss mu kuon. ⁵⁰ San yos an me per yan nio na yam mio mio ne nge husilie elingling. ⁵¹ Ma pesyen ane yas an ne vehan;me se suasua ne nio na yam viose nio ye sa niornior geres an ane sa meu an. ⁵² Ma lingi nio na yam payas via yantan metone sa etastas,a liep kuwu nio mhe yam du pian. ⁵³ Ma sungane meagiergier nio miane wuan,a nio na sa sukuan na mundu me mhe dianqa vean. ⁵⁴ Nge me warkate miane san epepeso Israel,ka yap nior kuowili san miomio an. ⁵⁵ Ma soro miane sar tata nio a miane Abraham a miane san elingling nio du miato ten ⁵⁶ Mery me per Ambiate sii miane Elisabeth monok te mu kuoli vian tenem. ⁵⁷ Yene Elisabeth ber mior ane san wembung ane lingling an;te ma lingi temili man sua. ⁵⁸ Veanten nio na yam du pesili ne nge miane san viale nio na yam hongane mangivi na yapu ma pisien ane yos an na towo miane nge,te yam hoongane muwu miane nge. ⁵⁹ Ka yat du sikia wembung milipsi te yam mhe ka yap lingi temili ente yen biakvi miane ka yop lingi san iss wi zacharaes usili san tata. ⁶⁰ A san nana me dam te kaa,seka negite,ka san iss wi John. ⁶¹ Te yam kaa miane nge,toi sam elingling tusua ka wa lie iss ente ngabak. ⁶² Te yam soro yan viah miane san tata,na ka we kaa san iss wi si. ⁶³ Kuon te ma usi ka wi tis kuon te tis,te tisi san iss sa John a kevene yan kule ⁶⁴ A bungun ma seng ngep via sua kuon,a myan ma te ma soro a ka sipa miane God. ⁶⁵ Te honeknek me mhe yan nio na yam du kikyo orr ane nio a yam dum ane ndaa an koyo weu kaontri ne judia. ⁶⁶ A nio na yam ongane nio,yam sah tavijio nio yen meuan te kaa,temili seve saka wakitak!aveh yapu me per miane nge. ⁶⁷ A san tata Zacharaes mu puo ane ninmeu an a pendar ane te kaa. ⁶⁸ Guguone miane yapu god ne Israel,tevian me tee esi a sah kuwu san veanten nio. ⁶⁹ A tavejio lewawa ne sahkuwu an ka wi sar yen elingling se san Epepeso David. ⁷⁰ Wa gemiane na me kaa yen bumgun prophet na mu kuon,nio na yam du bilina tanapian me tembesie. ⁷¹ Tevian ka rop lie sahkuwu an metone sar tevesi tungan a metone vehan nio na yo me piane err. ⁷² Ka wa pisien ane memeo an warkate an se sarr tata nio a niorkate dyon na kuon. ⁷³ Ma ling ndaa nio na ma kaa wuk miane sar tata Abraham. ⁷⁴ Me warkate miane err na me sakuwu err metone vehan tevesi ttungan te veo tavijio nge saka ni yen honeknek. ⁷⁵ Yen na mu kuon a mior an mho ne nge,wembung kevene ne sar meu an. ⁷⁶ Yen na mu kuon a mior an wi prophet se me per milie ten,kakot vean mho ne nyo yapu te nak nak ane san seli. ⁷⁷ Sengene kuo wilie an ne sakuwu an miane san veanten nio tevean mi yormili ne sah sanga an. ⁷⁸ seh nio te na ka wapisya maine yapu tevian ka yaa pukuo men milieh te ka we seh yan her. ⁷⁹ Ma sekene hore yupe miane nio na yam tas do yen webung viore ononong mier an na ka we tebung pitinlien yan sele ne tumarmar ane. ⁸⁰ Yen ne temili me mehu yen yas an na yapu ma sekene keh meh vian wiltenes webung sua me vian pisia Israel.