¹ Yen antak webung entak caesar Augustus ma wartevane an sua ousili census mene veanten kevene ne tana pean. ² Census na mi mo Quiri nius te tepuon syria sa megene. ³ Te nio kevene na yam do yen city nio yam meh ligi sa iss nio yen census. ⁴ Joseph mi ling kowiline Galilee city ne nasareth judea,city se david,na san iss Bethlehem,tevean na mi elingling se david. ⁵ Me vean ka va lingi san iss mene se Mary,na me meap per. ⁶ Yen antak mi pesili ka sea temili ka ve saor. ⁷ Yam kakei meh sahor muvuan temili,tomo yem loukio yen sesear vivi monok te sogane bar vinie mou puo kewene. ⁸ Veanten wuosua yam do suten ane vilie yam do tetepuon a sipsip nio yen meek. ⁹ Angel se yapu ma pisia tevean nio te san peasan ma see yan nio. ¹⁰ gel me kamene nio''seka homin ne nek tevean nam segene ndaa vivi oganevouvou na tovo mene veanten kevene. ¹¹ Dema sakuvuan meh sahor yen city se david! ¹² Nge mi christ a yapu!Ente mi emearm mear na me ne linkio ne sesehar te na yam yen kes lengi ber mene shevunu nio. ¹³ h angel nio yam du yen tongtong yam organe muwu. ¹⁴ Hongane muwu yen tongtong miane yan tanapian tuanne vianten nio. ¹⁵ Meh yem taem na engel nio yam kioh maine vian yen tongtong''shepet nio yam soro sukuo ka ya vian betlem arr sa yapu meh saor a rane. ¹⁶ Te yam neh yam essi mery ten Josep maiene kekei na meh perr peanem man shewunio bilina ka yet vian essi nge. ¹⁷ Na yapu ma ka maine nio husili temili na an te. ¹⁸ Kevene yam ongane wuwu tevean ndaa na shepet nio yam meu kaa. ¹⁹ Te mmery ma nior ussili sewe sa ma ongane yen san meuan. ²⁰ Shepet nio yam bian iss se yapu te vian na ongane a yam essi. ²¹ Bili webung si an ke meh vian yen biak vi,yam kei san iss me jisas na engel ma liki perr tevian engel ma sekene iss me moh a kekei pet saor ²² Te yen antak ka nia nornor an monok te yem lie kekei ente van pean em you Jerusalem a segene mene yapu Lord. ²³ Bilina san webung ne biak vi ka te nok usili law se moses yam lieh vian peanem guon guon sekene maine yapu. ²⁴ Te nia yen do segene epenpenin magemene law se God A tie pase na makemaine wip kawi lo''. ²⁵ Bili ente,vianten sua perr jerusalem san iss sa simon san memeu an meh meu meh temtemeap maine Israel nio. ²⁶ Ma ka kaseka nge ne esi meran sika na me esi lords christ. ²⁷ Inmehuan ma lieh simon vian peanem kuon kuon vian tevian kastom a sinisear meh vesse yen vean te ka sipa maine nge mhe essi yapu. ²⁸ Te nge mhe essi yapu te ka. ²⁹ Yen ne cope lieh sam epepeso te kuoli vian yen melumlum an yen inmeuan se yapu lord yan dion. ³⁰ Metok mhe essi sam salvetion. ³¹ Arana com naknak anne me san veanten se ha. ³² Hore yop a ma war viaser miane Gentiles a sekene beas an mene sam vianten nio ne vilieh Israel. ³³ San tata,maine san sam nana yem ongane meh sanga tevean seveh sa yam ka maine,te. ³⁴ Simeon ma kukune nio,te masoro mene Mary san nana,yene temili entak meh meh pean te me tavviju veanten yam puo yan vilie Israel tene eh mermer na me. ³⁵ Te metas ente ka wa suote ngok ka sa niornior an te meuan ka wa pisia. ³⁶ ovet veaven san is sa anna me perr ate,mi temili veaven se phanuel,yan peleim se asher,mi per ate meh perr mane san yapu dom milivio. ³⁷ Te mi porna per sikia dom 84 a tho ling kowiline hem kuonkuon meh yapu, yen fasting te temtemeap an,lemeak an oryop,kevene me meh pesili ne nior te beh sekene. ³⁸ Bili eh te beh sekene soro ussi an ne sakuvuan ne temili ne Jerusalem. ³⁹ Bilina yam nok,she kevene na yam kene mi se yapu,a yam kuolili vean yen vilie nazareth. ⁴⁰ Te temili ente me meu a mhe payas yen ninmeuan a pu ane kuowiliean miane yuos se God me per miane nge. ⁴¹ n tata miane nana yem vean dom kevene Jerusalem yen sao ne pasover. ⁴² Bilina nge han dom mi sungavi a lo,yen vean Jerusalem tevian sinisie ne sao. ⁴³ Bilina wembung sua ne sao ente monok,a ka yat du kuoli,te temili jisas ente me per jerusalem a timian nga yet to kuowilie. ⁴⁴ Yem dimie ka tu sukuo miane nio na yam du hoko,a hokoan mi wembung sua yene yem du tee piakilie nge muwu tuwuane viale a bivian nio. ⁴⁵ Bilina yeto siokiliene nge yem kuoli vean Jerusalem te tene nge aran. ⁴⁶ Mito ne wembung sii,yem siokilie ne nge pian hem kuonkuon me tas per yen bistuwo ne epipisien nio,beh yongta ne nio a be usi nio. ⁴⁷ Nio na yam hongane nge yam meas ane san kuowiliean a san warviasea an. ⁴⁸ Bilina ka yet esi nge,yem kulie,te san nana mekaa netuk tevian sewe sa kom gene mangitak?esi sam tata a nie kanam pakuon ane tene ngok an''. ⁴⁹ Ma kaa miane nga,tevian sewe sa kam du tne nie?kato kuowilie na nam per na ka nap gene giesan se sok tata? ⁵⁰ A yeto kuwilie ndaa sewe sa me kaa miane nga. ⁵¹ Me kuoli vean tenem miane nge vean naseret te yongta pian nge.a san nana me niokate sie kevene niote yen san meu an. ⁵² Jisas meh meu yen kuowiliean a yen tawilinbien a lie dimiane an se god a veanten nio.