¹ Talemaot long ol pipol blong yu se oli mas stap antani long paoa blong ol hae man mo gavman blong olgeta,oli mas mekem i gud oltaem mo obei long olgeta. ² Talem long olgeta blong oli no mas tok nogud long ol narafala man,be oltaem oli mas liv long pis wetem olgeta ,mo tu tingting blong olgeta evri wan i mas stap daon long wan quwaet fasin. ³ From we bifo yumi ya tu ,yumi olsem ol kranke man nomo,yumi no save lesin ,yumi no save obei ,be yumi stap letem ol wantem blong bodi blong yumi oli rulum laef blong yumi ol fasin ya nao i mekem yumi stap lukluk mo tingting nogud long yumi. ⁴ Be gudfala fasin we God i soemaot se hemi lavem yumi i klia gud nomo. ⁵ Hemi sevem yumi from Hemi sori long yumi ,Hemi sevem yumi long fasin ya we hemi wasem yumi klin blong kam ol niufala man,mo Hemi sevem yumi tru long paoa blong Holi spirit we i mekem yumi kam niu wan olgeta. ⁶ God Hemi sendem Holi spirit ikam long yumi mo Jisas kraes olsem Sevia blong yumi. ⁷ From gladhat blong God ,bambae yumi save kasem laef ya we ino save finis. ⁸ Tok ya hemi wan tru tok .Mi wantem blong yu mas tokbaot gud ol samting long olgeta .Blong bambae hu we hemi bilif long God ,oli save tingbaot blong mekem ol gudfala wok.Ol samting ya igud mo isave givhan long olgeta. ⁹ Be yu mas kamaot long ol kranke toktok mo ol toktok blong ol famli laen mo raorao wetem ol rao blong law .Ol samting ya oli no helpem yu mo oli westem taem nomo. ¹⁰ kamaot long ol man we oli stap kosem problem,mo kivim wan woning long olgeta ,spos oli stap mekem yet fasin ya yet. ¹¹ Ol man olsem tingting blong olgeta ikam nogud finis .mo ol samting nogud we oli stap mekem i soemaot iklia we oli wrong olgeta. ¹² Taem mi sendem Artemas o Tychicus ikam long yu ,yufala ikam hariap long mi long Nikopolis ,ples we mi jusum blong stap long hem long kolkol taem. ¹³ Traem best blong yu blong sendem lawyer Zenas mo Apollos blong tufala ino sot long wan samting. ¹⁴ Ol man blong yumi oli mas traem lanem blong putum olgeta long ol gudfala wok long taem we oli rili nidim . ¹⁵ Evriwan we oli stap wetem mi ,oli talem halo ,oli sendem halo long olgeta we oli lavem mifala tru long feit.