1
Taetas ,yu mas talem long evri wan nao oli sud laef long fasin we i stret gud wetem tru tok .
2
Tijim ol olfala man blong kontrolem fasinblong olgeta ,gat strong tingting ,mo gat waes ,oli mas strong long bilif blong olgeta ,lav ,mo longfala tingting.
3
Bakeken yu mas tijim ol olfala woman blong laef long fasin we ol man blong God oli sud laef long hem ,oli no sud koraon mo talem ol nogud toktok agensem narafala man o stap long fasin blong drink tumas oli sud tijim wanem we i tru.
4
From ol fasin ya bae oli tijim ol yaungfala gel blong lavem ol man mo ol pikinini blong olgeta.
5
Mo bambae ol tijim ol pikinini blong olgeta blong gat waes mo stap klin,lukaot long hom blong olgeta ,lukaot gud long olgeta ,mo wantem blong givhan long man blong olgeta ,nao bambae i nogat wan man i save tok nogud agens long tijing ya we God i givim long yumi.
6
Long semfala fasin,leftemap tingting blong ol yangfala man blong yusum ol toktok we istret nomo.
7
Long evri fasin sowem yu wan olsem wan gudfala pija blong ol gudfala wok.Long ol tijing blong yu ,sowemaot ol tru samting ,tingting strong .
8
Mo wan tru mesej we i antap mo long ol rapis toktok ,blong mekem se eni man we i angens long yu bae i sem from oli nogat wan samting nogud blong tokbaot yumi long hem.
9
Sleiv oli mas rere oltaem blong wok blong masta blong olgeta long evri samting blong mekem oli harem gud ,be ino blong raorao wetem olgeta.
10
Blong oli no stil long olgeta ,be blong oli sowemaot ol gudfala feit ,blong mekem se long evri samting olgeta oli save karem samting long ol tijjing abaot God seivia blong yumi.
11
From fasin blong hem yumi mas liv folem ,gladhat blong God i kam mo i sevem evri man.
12
Yumi no mas liv agens long God ,no mas mekem ol samting blong wol i wantem ,hemi talem se yumi liv insaed long waes mo folem fasin we i stret ,stret fasin blong presem God.
13
Yumi mas stap mo wet from kaming blong Papa God mo Sevia Jisas Kraes hemi hop blong yumi ,mo bae hemi kam wetem gladhat blong God.
14
Hemi givim hem from yumi ,hem i ded from sin blong yumi ,hemi ded blong mekem yumi klin man long hem mo long taem yumi stap gud.
15
from samting ya yumi mas talem long ol pipol ,toktok blong leftemap tingting blong olgeta ,spos oli stap long sin yet ,talem long olgeta blong folem stret fasin ,mo gladhat blong God i stap wetem yumi.