¹ Naia tingting from ol kakai we oli stap sakrifaisem igo long ol idol:Yumi save se yumi evri wan igat save.Be save ya i mekem tingting blong man i hae tumas,be lav istap kam antap sloslo. ² Spos eni man i tink se hemi save eni samting,man ya hemi no save yet wanem we hemi sud save. ³ Be spos man we i lavem God,God i save gud long man ya. ⁴ From samting ya,olsem wanem long ol kakai blong sakrifaesem igo long ol idol:Yumi save se ol idol long wol ya hemi nating nomo mo bakegen igat wan God nomo we hemi God blong yumi we hemi wan nomo hemi God. ⁵ Mo iven spos we ol man oli stap talem se oli ol god,spos we hemi long heven o long wol ya [i olsem we ples ya igat fulap ''god''mo fulap ''masta''], ⁶ Mo bakegen long yumi igat wan God nomo,we hemi Papa blong yumi,we olgeta samting ikamaot long hem mo long hem yumi gat laef ya,mo wan Masta nomo we hemi Jisas Kraes,tru long hem nao evri samting istap,mo tru long hem nao yumi tu yumi stap. ⁷ From olsem,save ino stap long evri wan.Be,fasin blong stap wosipim idol istap long taem finis,mo oli stap kakai ol kakai ya i olsem we oli sakrifaisem wan samting igo long wan idol.Oli stap wik from tingting blong olgeta istap spolem olgeta bakegen. ⁸ Be ol kakai ya bae ino save tekem yumi igo long God.Bae yumi no save kam ol rapis man spos yumi no kakai ol kakai ya,o blong yumi kam gud moa spos yumi kakai ol kakai ya. ⁹ Be yufala imas lukaot gud long fridom blong yufala blong ino kam wan risen blong wan man bae i wik long feit mo bae i mekem hem i foldaon. ¹⁰ From spos wan man i luk yu,we hemi gat save,be istap kakai long haos blong wosipim idol,yu ting se hemi stret nomo blong kakai wanem we oli ofarem igo long idol? ¹¹ Nao from yufala i tink se yufala igat save long fasin blong idol,man ya we tingting blong hem ino strong,bae i lus.Be hemi wan brata blong yumi ya we kraes ided from. ¹² Mo long fasin ya,taem we yufala i mekem inogud long ol brata blong yufala we yufala istap spolem tingting blong olgeta we oli no strong,yufala istap mekem nogud long kraes tu. ¹³ From samting ya,spos kakai nao i mekem brata blong mi i foldaon,bae mi nomo kakai mit bakegen,blong i mekem se bae mi nomo mekem brata blong mi bae i foldaon bakegen.