2 Be from se temtesen blong olgeta fasin nogud we man i silip wetem woman we i no blong hem mo woman i silip wetem man we ino blong hem,wan man i save gat stret woman we i mared long hem,mo woman i mas gat stret man blong hem we i mared long hem. 3 Man i mas mared long woman blong hem blong i save silip wetem woman blong hem i semak long woman ia spos i maredem man ia bae i save silip wetem hem.
4 Woman inogat raet long bodi blong hem,hemi man blem nao i gat raet long bodi blong woman blem.I semak long man,man inogat raet long bodi blong hem be woman nao i gat raet ofa long bodi blong man blem. 5 Yufala ino save spolem mared laef blong wan kapol,be bakegen yufala imas mekem wan agrimen long wan stret taem.Yufala i mekem blong komitim yufala long prei.Afta bae yutufala i save kam tugeta bakegen,from se setan bae i no save kam temtem yu from yu no save kontrolem yu wan.
6 Mi no komantem yufala blong mared,be mi promes from mi save se plante long yufala oli mared finis mo olgeta we oli no mared yet oli stap tingting blong mared.
7 Mi stap wantem se spos evriwan oli olsem mi nomo.Be evriwan oli gat wan wan gift weh God i givim long olgeta.Man ya i gat gift blem, mo narafala man ya tu i gat nara gift blem. 8 Long yufala weh ino mared yet mo yufala ol wido mi talem long yufala igud blong yufala istap olsem nomo,olsem mi.
9 Be Spos yufala ino save kontrolem yufala,igud yufala igo mared.Hemi gud blong yufala imared i bitim we oltaem yufala istap wantem ol nara man mo woman. 10 Naia long yufala ol kapol mi givim ol koman ya long yufala-ino mi,be hemi God-ol waef yufala ino sud lego ol man blong yufala
11 (be spos we wan woman ileko man blem,hemi sud stap nomo olsem o hemi sud talem sori long man blem),mo man blem ino sud difosem waef blem. 12 Be naia mi wantem talem long yufala evriwan-mi,ino God-se spos eni brata we igat waef blem we hemi no biliv long God,mo spos we hemi stap join wetem hem,man ya ino sud difosem woman ya. 13 Spos wan woman we istap wetem man we ino biliv long God,mo spos hem i join wetem woman ya,woman ya ino sud difosem man ya. 14 From wan man we hem ino bilivim God, hemi save kam wan biliva spos woman blong hem i kristin, mo spos woman ia hemi no bilivim God, hemi save kam wan biliva spos ol brata o sista blong hem oli ol kristin. Spos no bae ol pikinini blong olgeta tu bae oli stap mekem ol fasin we oli no stret, be naia olgeta oli stap mekem gudfala fasin, sapos oli biliv long God. 15 Be spos wan man o woman weh ino biliv hemi wantem lego woman o man blong hem,letem hem igo.Long sem wei ia,kristin man o woman ya tufala ino mas stap tugeta;God i singaotem yumi blong yumi liv long wan kuwaet laef.
16 Yufala ol woman,yufala istap luk save se ol man blong yufala oli sef tru long yufala?Mo yufala ol man,yufala istap luk save se ol woman blong yufala oli save sef tru long yufala? 17 Wan wan long yufala isud liv long fasin weh God ibin putum yufala long hem,,mo yufala imas liv long fasin weh God isingaotem yufala blong liv long hem.Hemia hemi rul blong mi long evri jej.
18 Igat eni wan weh i sekomsaes finis weh hemi wan biliva?Hem isud tekemaot mak blong sekomsaes ya.Igat eni man weh ino sekomsaes yet weh hemi wan biliva?Hem ino sud sekomsaes.
19 Spos weh yu sekomsaes finis o yu no sekomsaes yet hemia hemi no impoten long mifala.Wanem weh hemi impoten hemi blong yumi obei long komanmen blong God nomo. 20 Yufala i gohet blong liv mo mekem wok blong God olsem we yufala istap mekem finis blong taem weh God bae i singaotem yufala beh yufala i biliv long Kraes finis.
21 Yu bin wan slev taem weh God i sevem yu?Yu no wari from.Be spos weh yu kam wan fri man,yu go wokbaot mo enjoem yu wan.
22 Long eni man we isev tru long God olsem wan slev bifo hem ikam wan friman blong God.Long semfala fasin ia,long man we i fri long taem ia we hemi sev ikam wan biliva blong Kraes.
23 God igivim wan praes long yu weh hemi pikinini blong hem,so yu no kam olsem wan slef blong ol man bakegen.
24 Ol brata mo sista long kraes,long wanem situeisen we yu stap long hem long taem we God isingaotem yu,weta yu wan slev o fri man,yu stap nomo wetem God long taem olsem. 25 Naia long yufala ol gel we yufala ino save long man yet,mi mi nogat wan komanmen we ikam long God.Be mi givim ol tinktink blong mi olsem wan we,long gladhat blong God,blong yufala imas trastem God nomo.
26 From samting ya,mi tink se from ol hadtaem ya we istap kam,igud blong man ya istap nomo olsem we hemi stap. 27 Yu yu stap wetem waef blong yu finis?Yu no stap lukaotem blong yu difos.Spos we yu yu fri yu nogat woman,no go lukaotem woman.
28 Be spos we yu tu yu wantem mared,yu yu nogat sin.Be spos we wan woman we ino save man yet i mared,hem i no mekem sin.Be spos olgeta we oli mared finis bae oli fesem fulap trapol long wol ya,mo mi no wantem yufala i fesem ol trapol ya. 29 Mi talem long yufala,ol brata:Taem i sot tumas.Stat tedei igo,olgeta we oli mared finis bae oli lif olsem we oli no mared yet.
30 Olgeta we oli stap krae oli sud mekem olsem se oli no stap krae,mo olgeta we oli stap glad oli stap mekem olsem se oli no glad,mo olgeta we oli pem ol ting blong olgeta oli stap mekem olsem se oli nogat eni samting nomo,
31 Mo olgeta we oli stap mekem fasin blong wol ya oli stap aktem olgeta se oli no stap mekem ol fasin ya.From wol ya istap kam long en blm. 32 Mi wantem blong yu fri long ol wari blong yu.Ol man we oli no mared yet oli stap tingbaot wok blong God,blong mekem God i glad long hem.
33 Be ol mared man oli stap tinkbaot ol tink blong wol ya nomo,blong mekem ol woman blong olgeta i glad from-
34 ol mared man oli wantem mekem wanem nomo we oli wantem mekem.Ol woman we oli no mared yet mo ol kel weh oli no save long man yet oli stap tingbaot wok blong God,mo olgeta oli save hao blong mekem wok blong God long wan stret fasin long spiritual mo long fisikol laef blong olgeta.Be mared woman istap tingbaot ol samting blong wol ya nomo,blong mekem man blem i glad from. 35 Mi talem ol samting blong givan long yufala nomo,ino blong kontrolem laef blong yufala.Mi talem ol samting ya from istret blong mi mas talem,from blong mekem ol wokbaot blong yu wetem God bah i stret gud mo bah i nogat eni distraksen long hem. 36 Be spos wan man i promes blong i maredem wan woman we ino save long man yet be hemi faenem aot se hemi no save tritim gud woman ya from se hemi stap olfala,hemi sud mared nomo,from hemia hemi no sin.Tufala isud mared.
37 Be spos man ya i stanap strong long hat blem se,spos we hemi no tinktink tumas blong i mared be i save kontrolem hem wan,mo spos we hemi tinktink blong mekem samting ya long hat blem blong hemi mekem,blong save lukaotem gud wan woman we ino save long man yet,hem i mekem wan gudfala jois.
38 Man we i maredem woman we ino save long man yet hemi mekem gud,mo man we i jus blong ino mared hem tu i mekem wan gudfala jois blong ino mared. 39 Wan woman i join long man blem taem we hemi laef yet.Be spos we man blem ided,woman ia ifri blong save mared bakegen long wan nara man olsem we hemi wantem,be hemi mas maredem wan man weh i gat Jisas long laef blem.
40 Be long jajmen blong mi woman ia isud glad moa spos we hemi save stap hem wan nomo.Mo mi tink se mi tu mi gat spirit blong God.