¹ Yufala i mas trae had blong lavem ol nara man from ol spiritual gift,long ol taem we yufala i stap talemaot tok blong God.

² From man we i toktok long difren langwij we spirit igivim long hem hemi no toktok long ol man be hem i toktok long God.Blong inogat man i save wanem we hem i stap talem.

³ Be man we i stap talemaot tok blong God oli talem long ol man blong mekem olgeta i stap strong blong mekem olgeta blong oli no fraet,mo blong mekem olgeta oli harem gud.

⁴ Man we i toktok long difren langwij istap mekem redi laef blong hem, blong man we istap talem aot tok blong God hem i stap helpem evri man long jej blong stanap strong long bilif blong olgeta. ⁵ Mi wis se yufala evriwan i toktok long difren langwij be iven to long hemia,mi wis se bambae yu talemaot wanem we bae i hapen.Man we istap talemaot samting we bae i hapen yet hemi gud moa long wan we istap toktok long difren langwij (Spos eni wan i save explenem long ol nara langwij blong bae jej isave wanem we oli stap talem).

⁶ Be naia ol brata, spos mi kam long yufala we mi stap toktok long langwij long yufala,olsem wanem nao bae mi helpem yufala? Bae mi no save mekem,spos nomo we bae mi talemaot long yufala wanem we i stap haed yet, blong helpem yufala i save wanem we yufala ino save,o blong talemaot sam long ol toktok we yufala ino stap harem,o blong tijim yufala lonh ol samting we yufala i no save. ⁷ Long sem fasin ya,ol instramen we ino gat laef lem be oli mekem saon-iolsem flut o harp -spos we olgeta instramen ya oli no givim gudfala saon,bae olsem wanem nao bah man i save se hemia hemi saon blong flut o harp we istap plei?

⁸ From spos trampet bae i ple wetem wan saon we ino stret,bae olsem wanem nao bah man i save se hemi taem blong redi from faet?

⁹ Hemi semak nomo olsem olgeta we oli stap toktok long nara langwij.Spos toktok blong yu i komplit be ino klia,hao nao bae man i save kasem wanem we yu stap talem?Yu stap toktok igo long heia nomo. ¹⁰ Igat fulap difren langwij long wol ya,mo igat ol mining blong hem we man i save kasem.

¹¹ Be spos we mi no save mining blong langwij ya,bae mi mi olsem man nara ples mo man ya tu iolsem man nara ples long mi. ¹² Istap long yu nomo.Olsem we yu stap wantem mekem ol wok we spirit i wantem, yu mas lukaotem adfaes long jej blong yu save kasem moa.

¹³ Naia wan we i toktok long difren langwij ya hemi sud prea blong mekem se hemi save harem save wanem we oli stap talem mo bae hem i mas talem long narafala langwij bakegen.

¹⁴ Spos we mi prae long difren langwij,spirit blong mi i stap prea,be tingting blong mi ino stap long prea. ¹⁵ Bambae mi mekem wanem?Bae mi prea wetem spirit blong mi,mo wetem tingting blong mi.I semak spos mi sing wetem spirit blong mi mo wetem spirit blong mi mo wetem tingting blong mi.

¹⁶ Spos we,yu stap presem God wetem spirit blong yu wan,bae hao nao ol aotsaeda bae oli talem ''Amen'' taem we yu stap talem tankyu we hem i no save wanem we yu stap talem? ¹⁷ Long yufala ol man korin yufala imas givim tankyu blong yufala i bigwan inaf,be nara man ya hemi no strong nomo blong stanap hem wan.

¹⁸ Mi talem tankyu long God from we mi toktok long ol difren langwij imoa long yufala.

¹⁹ Be long jej bae mi talem faef toktok wetem save blong mi blong mekem se mi save tijim ol narafala wan,mo long ten taosen wod long ol nara langwij. ²⁰ Ol brata ,yufala ino tingting olsem ol pikinini.Be,taem yufala istap tinkbaot ol rapis samting,yufala i sud tinktink olsem ol smol pikinini.Blong yufala igat bigfala save blong mekem se yufala i save kasem gud olsem ol bigfala man.

²¹ Long loa oli bin raetem se, ''Tru long ol man blong narafala langwij mo tru long maot blong olgeta bae mi toktok long ol man blong mi.Be bae oli no harem save mi,'' ²² Spos wan man i toktok long nara langwij we ino blong hem hemi wan saen igo long man we ino bilif,be ino man we i bilif.Be profesi hemi wan saen blong ol bilifa be ino blong ol man we oli no bilif.

²³ Spos, evri bilifa oli kam tugeta mo oli toktok long ol nara langwij we God i allawem ,mo man we oli no bilif be oli harem olgeta bae oli talem se tru ol man ya oli lusum hed? ²⁴ Be spos we yufala evriwan istap talemaot tok blong God mo olgeta we oli no bilif o wan aotsaeda bae ikam insaed,bambae hem i save harem save se hemi no wan stret man tru long wanem we oli stap talem.Bae hem i save karem jajmen long evri samting we oli stap talem.

²⁵ Olgeta sikret long hat blem bae i kamaot long taem ya nah.Olsem wan risatlt blem,bambae hemi kam bifo long fes blong God blong i wosipim God.Hem bae i save talemaot se God istap wetem yu oltaem. ²⁶ Naia bae yumi mekem wanem bakegen, ol brata?Taem yufala ikam tugeta,wan wan long yufala igat ol sing blong pres,wan tijing,wan visen,wan langwij,o blong talemaot wanem we oli stap talem.Yufala i mekem evri samting we yufala i save mekem blong inkarejem yufala from yufala nao i jej blong kraes.

²⁷ Spos eni man we i wantem toktok long narafala langwij,inomo nid blong gat tu o tri man bakegen,olgeta oli sut toktok wan bae wan,mo wan man imas talemaot wanem we oli stap talem.

²⁸ Be spos inogat man blong talemaot wanem we oli stap talem,letem olgeta oli stap quaet long jej.Mo letem oli toktok long olgeta wan wan mo long God hem wan. ²⁹ Letem tu o tri profet i toktok,mo letem ol narafala wan oli lisen mo blong oli save kasem wanem we ol profet oli stap talem.

³⁰ Be spos we igat wan man we God i stap toktok long hem o istap luk visen we hemi stap lisen insaed long miting,letem ol bilifa oli stap quaet mo oli lisen long mesej blong hem blong oli save kasem gud. ³¹ Blong wan wan long yufala i save talemaot tok blong God mo bae i save mekem wok blong God tu.Be olgeta oli mas mekem olgeta nomo,blong mekem se ol bilifa oli save gat karej blong lavem God.

³² Olgeta we oli stap talem aot tok blong God olgeta oli save hao blong oli kontrolem spirit blong olgeta olsem we oli stap mekem.

³³ From God hemi no God blong konfusum ol man,be hemi God we igat pis oltaem.Hemia hemi ol rul blong evri jej blong ol pipol blong God. ³⁴ Ol woman oli sud stap quwaet taem we oli stap insaed long jej.From olgeta oli nogat raet blong toktok.Olgeta oli sud obei o stap anta long wan man oltaem,iolsem we loa tu i talem.

³⁵ Spos we igat wan samting we olgeta oli wantem tumas blong oli save,letem olgeta oli askem long ol man blong olgeta long haos.From hemi no stret blong wan woman i toktok insaed long jej.

³⁶ Yu ting se tok blong God ikam long yu olsem wanem?Hemi yu wan nomo we tok blong God ikasem yu? ³⁷ Spos we eni man i tink se hem bae i olsem ol profet o man we hemi save God,hemi sud talemaot se ol samting we mi raetem ikam long yu hemi ol oda blong God.

³⁸ Be spos eni man i no luksave,letem hem blong ino luk save. ³⁹ Mo bakegen,ol brata,yufala i wantem tumas blong talem aot tok blong God,mo yufala ino mas blokem ol narafala man blong oli toktok long langwij we God igivim long olgeta.

⁴⁰ Be letem evri samting i finis gud mo istap long oda blem.