1 Piyave-kana pigo ige aogiena pepa ige Juda tuwami iteva nana ure-e? Pigo ige ih kasae-ndana-vindi-sava nana aogi nasanava ure-e? 2 Pindana-va tave-enara-kane ayaema ki-omandava. Paita-kayapa, ige Juda tuwamiva Anutu-nd kakama witi kamanapa ago u-uritaene. 3 Aya-vikiveye pigo kaisa Juda tuwami kamba imatiti-ena pikivepa? Pindana-enava kamba imatiti-ena pumagini Anutu-nda taga kamanawapa uga-suga ena pugaikive. 4 Ageva kamba piyambapa avorakiye. Kambae, igeva piyamba-nema aguyosama-avora atakive-e, pigo ige waya-wawa-va kambari kina-ndana pikive-e. Piyambane, kamana-omanda kanepa ago witatainema piyamba, "Kageva arata-kaena-gatasa iyakima ayikikivi kanatapa kamana-katasa pigo wini-vikivene. 5 Piyamba-kana tagenda kamba arata-kaena mava ayakiki-ye Anutu-nda arata-ka ena-wa, tageva nanae ukune? Tageva piya-ukune Anutu-va kamba arata-kaena purata-ndana amondana tagetapa atae? (Nage piya kamana yopa wasana-mita pombe-ndanaga uwe). 6 Age piyambapa kamba avorano. Nana kitisa, Anutu-va ma-mavisa kinapa ayigi-itakiye? 7 Piyamba-kana, pigo Anutu-nda taga kama-nawa-pindisa nage kambari kamana uma amukamana uma Anutu-ti aisaga-kuvopa, nanama agoraka-ga pigo nageva ayikimuwe piyamba agunda yagara-gandamapa? 8 Nana-viyemae, tageva ukune, tage kambari kamana umagini kaisa kina oime, kaisamiva tageva piyamba unemagini, "Tataigita tageva kamba aogi-ena pekana pih kitisa, aogi enava me kanano?" Inatasaena ayikikena pih tuwava arata-ka ena-rakana. 9 Nanae ivava? Tagere ke-kuenama agaikuna? Kamba-rakane. Nana-viyemae, tageva aogo ayaema kina ayigi-itagaindune, ige Juda tuke pigo grki tukeva agunda-enaom amendapindi misu putaegata. 10 Pih kamara-pa paitaka, Anutu isapindi witatai kamanane piyambanema, "Kamba ka kinapa aratak-kinapiye, kambae. 11 Kamba ka kinamba agandiye. Kamba ka kinamba Anutu-pa aguyosandiye. 12 Ayaema ago ika amigainela-e. Ayaemava ugasuga-ena puwandae. Kamba ka wina arataka-enava pugandiye, kamba-rakane." 13 Inamu-omava piyamba ka wasana-arugandama awitate mindiyeiye. Indemu-omava kambari-ena windiyeiye. Iwamutapa kuya-am anda kioen-wa windiyeiye. 14 Ige iwamutapa asapawa-nda kamana windagina togina asore pikena-ena windiyiye. 15 "Igisa-omava avagataka wamagina togina kora imikena wagaviye. 16 Asore pikena-enage kunda-ena urikena-ena geva ige kita windiyeiye. 17 Pih tupa kamba agandae anda paruma mikena kipa kamba agandae. 18 Igeva iyora-kapisava kamba agandae Anutu-ka karu-vikena enava." 19 Ivava tageva piyambanema agaune, nanagava-ya umaranda kamana-oma ipa, ageva iye kegivaya umara-nda kamana-oma amenda-pindi miye kina-kaga. Pindanava piyamba avorae, ayaema iwamupa akuewa no, pigo ayaema ma mavisa waya wawava Anutu-nda ayikikena avewata-pa asikive-e. 20 Pindana-va piyambane, kamba ka yagara-omayo ka wembayova umaranda kamana-oma eriyawa-takava. Anutu aovindiva kamba arataka-enava pugakiye. Nana-viye ma, umaranda kamana-oma anda vinpindiva agunda ena uma avorawae. 21 Piyavegina ivava, umaranda kamana-oma-nda aveiwapa, Anutu-nda arataka- enawapa uma avorawae. Pindanava, ageva umaranda kamanane pigo ige awamuwa-kinapa kamona mete wate kanate kina kandama mindae piyamba. 22 Ageva piyamba-ne, arata-ka enava Anutu-nda Isu Mesaiya-ta tamatiti pukuno-mbe kagae. kevaya kanama amba amatiti pikivina. Nana-viyema, kamba pih tu ayiki-itakena enava kawindiye. 23 Nana-viyema, ayaema waya-wawa ago agunda-ena pugaindae. Pigo igeva kamba Anutu-nda ewasaena-wamba-nda agorapa kamba kana-kive. 24 Pigo igeva ayiki kena-enava agasae kamba ka eriyapa pendana-raka. Kambae Ige arataka-ena putaepa Anutu-nda paruena-watasa putaene, Isu-Mesaiya puma-gina pigo ugaraka ika-tivutaine. 25 Nana-viyemae, Anutu-va tamitae Isu-Mesaiya ika tavikena yagara-andamagina tage tandavi-pindisa tamatiti-ena pumagita karawa-takaga age. Anutu-va tamitae Mesaiyapa piyamba amundana-gandama arataka-mba ayikikena-ena ema tayakima tamitae tage, piyamba Anutu Paisa agunda-ena kaisuma. 26 Pasema mikena-enaoma andavipi-ndiva. Pindana ayaema-ena avorataippa arataka-enawa, agenda pih kanata tage ivava. Pindanava piyambane, ageva ayakima avorasa-enaemagini arataka-enava. Pigo ageva piya ikiye igeva kanara pundaemagini ayikikena-ena agaikenava Isu-ta imatiti-pumagini. 27 Piyamba-kana pigo agewa age inata pikenaena-va? Kamba aya ema-viye. Nanama agoraka? Ige eriyataka? Kambae, piyamba imatiti-enarakae. 28 Ivava tageva kamana-pa piyamba uma pagipugai-kune, Anutu-va umagina ige waya-wawava ayikikena-enava agaikive pigo arata-enava imatiti-enamana-tasamana pikive, Kamba umaranda kamana-oma eriyatasaviye. 29 Age Anutu-va Juda kinambi Anutu-ye igenda? Agero-va kamba kaisa tuwami Anutu-vi? Tagane ageva kaisa-kinambi Anutu-ye. 30 Piyamba taga Anutu-va ageva asana, ageva kegivaya iu kasamara-ndakive kina ivavikiye ige. Pigo ige kegivaya imatiti-enama andavi-pindisa kamba iu kasamar-ndakive-kava. 31 Piyamba-kara pigo tageva ukaikune umara-nda kamana-oma andavindi-sa tamatiti-enava? Ageva kamba piyambapa avorakiye! Kambae, piyamba-kata tageva umaranda kaman-keve ayakuru-kune.