¹ Piyamba kana pigo tigeva kamba kamanapa windie kamana ayikike-narapa, tige kegitavaya kaisa kina avikimi-kivekava, nanaena-vaya togina ayikiata-mikivembe-kava kageka ayiki-miyene. Nana-viyema, tige kegitavaya togina ayikimiyepa, tigelove kamasa-ena pumiye. ² Piyamba-kana tagelova ago savevune piyamban-emava Anutu-nda kamana avora-kivipa taga kamanane-ma ae-yagara-mavaya pinelana pugagavi-kivipa. ³ Pigo kageva napiyo pindanaga, kage kegavaya togina ayikimi-kivembekava ageva pavindana ro pumiye. Pigo tigeva Anutu-nda kamana-wa ayiki-kenaena-wapa agaikive? ⁴ Tigeva piyamba-nema nape, aogi enava kamba avaga ikapiyema-giri pase pase-viyo amana-enava ugosuga-enaemagiri? Tigeva kamba agandaya aogi-enawa-takava tinda awevikenava? ⁵ Pigo tigeva agasae tinda egevikena-avarapa pigo tige tindava kamba awevikena-avara mindae, tigeva kamba aogi ika akiya ma mindae kamba aogi ika urikena-yagasaga, Piyagava Anutu-nda arataka kamana ayikikena enawapa amba avorawa-kiye. ⁶ Ageva aeyaga-ramavaya pikivi avara kamba aogi-enava ayiki-atakiye. ⁷ Kevaya aogi-ena pugavi-kivipa amundana pute pigo aogima mite pigo aratakamba mite-vikiye, ageva auma amima mima unda wakiye. ⁸ Pigo ige kegivaya igewika napiwaki-vapa, kamba taga kamana-pa aegaraneli-ni pigo kamba arata-kaena aegar-ae, kamba aogi ikake pigo amondana-geva kanakiye. ⁹ Anutu-va imikiye tave kunda-enage pigo asore-enage kanama kegivaya kamba aogi-ena pumikivepa, ige Juda kinata amarupa atate pigo ige Griki kinatayaga. ¹⁰ Piyamba amupo, aogima mara-mikena-enage pigo anda paru-enageva kanama aya-ema wasana kevaya aogi-ena pumiki-vi kinapa, ige Juda kinata amaru kana gaite ige Griki kinatape. ¹¹ Nana-viyema Anutu-va aya-ema kinapa kamasa-ena poitama kamamba avu-wae. ¹² Piyamba-kana wasanami agunda-ena pegana umaranda-enava kamba windie, igeva asore-ena urikive-e umaranda-ena kawindio wasanami agunda-enava pikana umaranda kamana-oma amenda-pindi, igeva ayikikena-enava urikive-e. ¹³ Umaranda kamanata aegarai kina amana-mbaya. Anutu aovindiva arata-kaenava piye. Piyamba-kana kegivaya umara-nda kamana-ta aegarak-ivepa igeva arata-ka kinane. ¹⁴ Nana-viyema kaisa kinapa umaran-da kamana-wipa kawindiye. Igewi napiena aegamag-ini umara-nda kamanapa aegamiye, age pipa igewi umaran-da kama-nanda na potama-gini igeva mindae. Umaran-da kamana ka-windi-piyo. ¹⁵ Pindan-arakava, igeva iyake-e piyambanema umara-nda kamana-omava piya-iyema, ago igepa indavindi kaegaindae. Napi-enawimba kamana mete wate kanate pekina pigo napi-enawimba ayuigi-itakiyo iyopikiyo. ¹⁶ Pigo Anutu-keve. Pindan-ava avorake-iye arawa-kivi kanata Anutu-va ayigi-itakiye kegivaya kakama Isu-Mesaiyanda aogi kamana yotaka. ¹⁷ Piyamba-kana pigo tigeri umapiyambanema tigetika. Ige Juda kinapa pigo asima umaranda kamanata Anutu-tasa tave igi ure-e, ¹⁸ Pigo agae pigo agamagi-ni nanava-ya amaru-enara-kapay ema-giniva nana-viyema tigeva umaranda kamana-tasa agae, ¹⁹ Pigo tigeva ege napienaripa piyambanemai tigeva piyamba mindae aorika-kina ke iyaki kena pigo piyamba mindae tununela-navindimiye kina kane uraitak-enaga, ²⁰ pigo aivo kina aogi poita-kena kina mi-iyo, amana yakarando-nda poiya-kikena kina mindiri pigo tigeva umaranda kamanake pigo taga kamana-keva agandae. Pipa ayambane, pindana-ena-omeva mikena enaripa kunda-ena timiya tigepa? ²¹ Tigeva kaisa kina igo-kaeyae, tigeva kamba tigetipa tigo-kaendiri? Tigeva na kundana piyoma mono-kamanapa eye, tigerova kamba kundanava pugaveya? ²² Tigeva to kinakava ha menku-enava undiri, tigerova kamba menku-enava pugaveya? Tigeva kambari anutu-kava kamba tivugaviye, tigeva kamba wakena nama-pindisava kamba kun nava pugaveya? ²³ Tigeri uma asagure umara-nda kamanata tigeva kamba Anutu ageva uma mavindiva kasae umaranda kamana aegayuyepa? ²⁴ Tige penda-naraka kaisa kinambiva Anutu ageva uma awanawa kamana otae, piyamba mono puku-vindi windisa puma-gina. ²⁵ Umara-nda kamana aegara-kivekava tiu kasa-kena enaoma tiyopikiye, pigo piyamba umara-nda kamana aegayuki-vekava, tiu kasa-kena ena-ripa tigenda piyamba ne kamba tiu-pa kasa-ndae. ²⁶ Pigo kevaya au kamba kasanda umara-nda kamana aegara-kivipa, pinda-nama agepa ago au kasagainda kina kanda pikiye? ²⁷ Au kasa-kena kamba aganda kinamba ugainda kamana aegara-kivipa, ageva uga ayiki-titakiya tigepa? Pindanava ageva piyambane, tigeva umara-nda kamanapa windagi-ri pigo tigeva tipa kasaene, piyavipa tigeva umara-nda kamanapa akayoyae. ²⁸ Nanavi-yema ageva kamba Juda kina piye aveisa autapa, au kaisa kena-enava kamba aveisa auta pikena-enava kambae. ²⁹ Pigo ageva andavipin-disa Juda e pigo au kasai ageva anda-vindisae, anda-vipindi awamu-sapindisa, kamba aowara-piya. Piyamba amu kamanapa wasana-rasava kamba kana-ya Anutu-tisa kanae.